ورجعتى يا ارضى

[center]ورجعتى يا أرضى
****
ياأيها الوثن
اللى جاسم فوق ضلوعنا
من زمن
أدى التمن مدفوع مقدم
من صبانا ومن دمانا
ومن قلوبنا ومن حشانا
ألم يحن أن تنقشع
هذى اليالى
اللى رميتها فى حضننا
واتعود لنا
ساعتين من الفرح القديم
اللى بيرويه جدنا
اف ساعة عصارى
فى غيط جناب الباشا
اللى رقعه من جسمنا
كان أو لم يكن
كلنا مغروسين فى فقرنا
طرحين قساوه
أو غباوه
أو شقاوه
بس مش طرحين
أمالنا وحلمنا
ونروى أوتار الربابه
بهمنا
تطرح عديد
شاب الوليد
وانتى ما شيبتى يا أرضنا
طرحك عنيد
زلزل سنين الظلم
من فوق ضهرنا
رجعنا طايرين فى السما
كيف الزرازير
اللى راجعه لعشها
لقيت ولادها شبعانين
حطت على كل السنين
وفردت جناحها فى السما
وطارت تبشر بالرساله
فى كل أغصان الوطن
هان التمن
لحظة ميلاد كل الأمانى
اللى دفناها
فى ساقية عمرنا
كل الشواديف الكسيحه اتحركت
نقلت دمانا فى الجداول والعروق
واتجملت كل الشقوق
آن الأوان تانى نفوق
واتعودى يا أرض الوسيه
ملكنا.

محمود مرعى

19/3/2011

قصيدتك جميلة يا استاذنا ومليئة بالاحاسيس والمشاعر الفياضة وانتا دخلت بعض الجمل الفصحى على العامية الى عطى للنص شكل تانى

تقبل تحياتى ومرورى على القصيدة ولكن انا لاحظت بعض الاخطاء الاملائية الصغيرة الى يارب اكون قصدى عليها صح او فهمتها بالمعنى الى المفروض تكون علية زى كلمة

واتعود لنا

المفروض وتعود لنا


تقبل تحياتى ياشاعرنا

الصديق الشاعر خالد دويدار شكرا لمرورك الجميل وأشكر لك نصحك الغالى واهتمامك بخروج القصيده مكتمله املائياً

الشاعر/ محمود مرعي
أؤيد أخي خالد دويدار
فيما قاله لك وأتمني أن أري
جديدك عاميه خالصه أو فصحي خالصه
ومؤكد لديك الأفضل
تقبل مروري وودي

الشاعر فارس القرشى اشكر مرورك الكريم وارجو توضيح موافقتك لما قاله الأستاذ خالد دويدار بقبوله استخدام الفصحى فى العاميه ام رفضك لذلك

أخي العزيز الشاعر محمود مرعي

ماشاء الله جميلة جداً هذه العزافات الريفية على

أوتار آنين السنين الغابرة التي رسمها قلمك

سلمت يداك أخي الحبيب ونتمنى أن تمتعنى بمثل

هذه الأعمال

واضح جداً أخي الحبيب تميز أسلوبك وفقك الله

الأديب العزيز محمود بسيونى أشكر لك هذا الإطراء الذى لا استحقه وارجو ان اكون عند حسن ظنك وشكرا الف شكر على مرورك الكريم

الاخ العزيز الشاعر محمود مرعي
استمتعت اليوم عندما قرأت كلماتك الجميله فبها معانى واحاسيس ممتعه
دمت دائما متالقا اخى تحياتى ابوداود

الأخ العزيز ابو داود شكرا لمرورك الكريم واشكر لك كلمات الرائعه

الجميل م / عطية شواش شكراً لمرورك الكريم واجو من سيادتكم تصليح اسمى فى المشاركه فى المسابقة الأدبيه من محمد الى محمود مرعى وشكراجزيلا شاعرناالكبير
محمود مرعى