تلاتين سنه

تلاتين سنه عدوا هوا مرض يا عينى مالوش دوا
دى فتره دون المستوى الكحل جه فى عينه اتعمى
مافيش حكومه ولا محكمه الناس ساكته ومتالمه
وولادنا جايه مسلمه بتقول رئيسنا الجاى جمال
وده حلاااااااااااااااال؟؟؟؟
بقى ناس تعيش من غير هموم وناس تعيش من غير هدوم
طب ايه اللزوم ده شئ محال
فوق الاحتمال الطاقه خلصت واترمى
كل اللى عادى عمنا طالع عيون ابو امنا
وده حلاااااااااااااال؟؟؟؟؟؟؟؟؟؟؟؟
بقى ناس تعيش متنغنغه وناس فى الطين متمرمغه
وتقول حرام تلبس لجام
ويقولوا ممنوع الكلام اعتبره نوع من الخصام
وده كلام ؟؟ ده ضرب من تحت الحزام
عايزنى اسكت قول تمام
لا مش تمام دول خصصوا اللى كان عام
وعوموا اهل السلام فاكرين ياناس اهل السلام
غرقوا ومن غير اهتمام اخد الجسس مضى استلام
وتقول تمام ياعم شوف بطل عمى . اخر كلام ؟!
لسه يا سيدى مقتنع ان اللى فات كنا فى سلام
ما احنا كده كده غرقانين زى اللى كانوا فى السلام
شربنا ملح البحر زى واحد مملى جسمه بالسهام
وده مش حرام ؟؟!! تكون راجل طاهر نقى وشيخ امام
يخدوك هناك عندهم تطلع ضاربهم بالحزام* *
وصل الكلام ؟؟؟؟؟ والله لو هشرح سنه
ماتحس دمعه ام فقدت يا عينى ابنها لسقوط نظام
..............................​................
#يحيى النبوى #

أخى يحيى
قصيدة وطنية جميلة تتحلى بروح الثورة
كتبت فأبدعت
لكن القصيدة للكبار يا عزيزي
فالكتابة للصغار ينبغى أن ننزل لمستوى إدراكهم العقلي
دمت بخير