مش راجعلك...

موضوع: مش راجعلك... الأربعاء سبتمبر 28, 2011 5:10 pm

راجعة تاني توعديني بالسعادة ألف وعدْ..؟؟

ترسميلي من خيالك حُب عُمرًه ماشافه حدْ..؟؟

تبكي وتقولي سامحني قلبي محتاجلك بجدْ

إرحمي نفسك كفاية.. مستحيل هتلاقي ردْ

قولتهالك مـ البداية إحنا مش هنكون لبعضْ

مش راجعلك...

حتي لو مقدرتش انسي...
مش راجعلك...

ياللّي راجعة بالهزيمة تعلني عهد الخضوعْ

لو فرشتي كل خطوة من طريقي بالشموعْ

لو ناديتي بعزم شوقك تطلبي مني الرجوعْ

حتّى لو تبكي عيونك ألف بحر من الدموعْ

قلبي لو فَكّر يسامحك.. هاقتله بين الضلوعْ

مش راجعلك..

حتى لو مقدرتش انسى ...
مش راجعلك...

مش هتبقى الدنيا بعدك ليل مايطلعلوش نهار

مُستحيل أسجن سنيني.. بين أماني وانتظار

حتّى لو كُنتي الوحيدة.. اللّي هَتحلّي المرار

قولتهالك ألف مرّة والحكاية باختصاااااار

مش راااااجعلك...

حتى لو مقدرتش انسى...مش راجعلك

أخي الشاعر/ رضا محمود
قصيدتك رائعه ويشرفني أن أكون صاحب المرور الأول علي تلك الرائعه
فهي تذكرني بقصيدتي ماتناديش واهديك اول رباعيه منها
أبعدي ماتقربيش
وبحناني ماتحلميش
أنتهيتي من حياتي
ولحياتي ماترجعيش !!!
تقبل مروري وودي

الله على الكلمات يا استاذنا بالرغم من قسوة الكلمات الا انى ساعات الشخص بيضطر انة يكتب الكلام دة عن صدق مشاعر لما يحس بالخيانة من الحبيب

تقبل تحياتى واعجابى بالقصيدة يا استاذنا

الشاعر رضا محمود

بجد رووووعه دام ابداعك وروعة حروفك

سلم نبض قلمك تقبل مرورى واعجابى بما قدمت

وتحياتى لك

ياعم ارجع علي الزقازيق احسن

هيه اللي بقيالك .. طب ا نزل كده شارع البوسطه ؟؟

حتلاقي الناس كلها مستنياك

احسنت وتحياتي

تثبت بواسطتي لحسن يكون الشاعر بيتكلم عن مصر

اهي مصر بتصالحه اهو .... تحياتي

طيب ارجع بس واسجن قلبى فيك
استحاله يموت هوانا مابين ايديك
عارفه انى غلطت ياما وراجعه أبكى
ترحم الدمعه ف عيونى لو بكيت
ولا تقتل فيا فرصة للحياه من تانى جنبك
انت عارف ان مهما بعدت عنى أو قسيت هفضل بحبك
راجعة ببكى من عذاب البعد عنك واشتكيت
انسى انك قلت يوم أنا مش راجعلك
وابتدى تشعر هوايا وحالتى لما لقتنى جيت
بالدموع وبدم قلبى وبعدى عنك اشتكيت

رااااااااااااااااااااااائع
بكل ماتكتب
لا أجد كلاما يصف براعة شعرك
دمت مبدعا
وتقبل خربشاتى

الشاعر الواعر اخى رضا محمود
رائع انت فى كل ما تكتب
ورغم تكرار فكرة الخيانة
فى كثير من الكتابات
الا انك استطعت بمهارتك المعهودة
ان تكون مميز و رائعا وذ مذاق خاص
تحياتى واعجابى يا جميل
Very Happy

الشاعر الجميل رضا محمود
يعني مش ها نعرف نهدي النفوس

لكن إبداعك وصدقك في حرفك جعلني أصدق إنك مش راجع تاني
أحييك علي كلماتك الأكثر من رائعة

ياللّي راجعة بالهزيمة تعلني عهد الخضوعْ

لو فرشتي كل خطوة من طريقي بالشموعْ

لو ناديتي بعزم شوقك تطلبي مني الرجوعْ

حتّى لو تبكي عيونك ألف بحر من الدموعْ

قلبي لو فَكّر يسامحك.. هاقتله بين الضلوعْ

الشاعر الشاعر أخي رضا محمود

هذة شاعرية مفرطة .. ورومانسية خلابة ..

هذا القرار بعد قبول العودة مهما قدمت من خضوع وتنازلات .. ومهما كان

القلب يخفق بين جنبيك ويصرخ ( بحبها ) أكيد قرار له اسبابه العاطفية

وأنت مصمم عليه حتي لو أسكت قلبك للابد ( عافاك الله )

ثم تأتي لنا بختام ولا أروع :

مش هتبقى الدنيا بعدك ليل مايطلعلوش نهار

مُستحيل أسجن سنيني.. بين أماني وانتظار

حتّى لو كُنتي الوحيدة.. اللّي هَتحلّي المرار

قولتهالك ألف مرّة والحكاية باختصاااااار

مش راااااجعلك...

حتى لو مقدرتش انسى...مش راجعلك

هي مصممة ترجع يا رضا ؟ الف مرة ومش فاهمة ان الامر أنتهي ؟

ولكني لا أعتقد أنها مصر كما شك في ذلك عمنا شواش .. ُمثلك سيعود

لمصر مهما كان صعبان عليه منها

أخي الشاعر الرائع

فاتن وبديع ما قرأت لك هنا ..كنت هنا لأستمتع بها الجمال

خالص التقدير والاعجاب والاحترام

والله العظيم ابداع ومن النوع الراقى

الاخ الحبيب الشاعر الجميل

رضا محمود

قصيده وازعم انها خرجت عن تجربه . فالهمتك بهذه الرائعه .

لكن انت كتبتها بوعى وحرفية الشاعر الذى يعرف كيف يبدأ

وكيف يحشو وكيف ينهى .

وهذا فى حد ذاته إقتدار نادر قلما يمارسه الشعراء .

احييك على جمال قصيدتك والمعانى الرائعه .

مودتى وتحياتى ...

اخى الشاعر رضا محمود
غنائية جميلة جدا
والنعمة لو باعرف أغنى كنت شقطها منك
هههههههههههههههه
اخى رضا
تقبل مزاحى
بالفعل غنائية جميلة .تسلم ايديك
تحياتى لك اخى الحبيب

فارس القرشي كتب:: أخي الشاعر/ رضا محمود
قصيدتك رائعه ويشرفني أن أكون صاحب المرور الأول علي تلك الرائعه
فهي تذكرني بقصيدتي ماتناديش واهديك اول رباعيه منها
أبعدي ماتقربيش
وبحناني ماتحلميش
أنتهيتي من حياتي
ولحياتي ماترجعيش !!!
تقبل مروري وودي

أخي الحبيب...الشاعر والزجّال الكبير فارس القرشي
انت دائماً الأول سيدي الشاعر بإحساسك الجميل وذوقك الجمّ
دُمت بكل الخير

khaled_dwidar كتب:: الله على الكلمات يا استاذنا بالرغم من قسوة الكلمات الا انى ساعات الشخص بيضطر انة يكتب الكلام دة عن صدق مشاعر لما يحس بالخيانة من الحبيب

تقبل تحياتى واعجابى بالقصيدة يا استاذنا

أخي الشاعر المُبدع...أستاذنا خالد دويدار
أسعد الله قلبك قدر سعادتي بمرورك الكريم
دُمت بكل الخير

وفاء اليونانى كتب:: الشاعر رضا محمود

بجد رووووعه دام ابداعك وروعة حروفك

سلم نبض قلمك تقبل مرورى واعجابى بما قدمت

وتحياتى لك

أختنا الغالية...المُبدعة وفاء اليوناني
مرور أول برائحة المسك والياسمين يعطر متصفحي المتواضع
لا حرمنا الله مشاركاتك
تحياااتي والورود

م/عطية شواش كتب:: ياعم ارجع علي الزقازيق احسن

هيه اللي بقيالك .. طب ا نزل كده شارع البوسطه ؟؟

حتلاقي الناس كلها مستنياك

احسنت وتحياتي

أستاذي الشاعر القدير...مهندس عطية شواش
رجعتني لأجمل ذكرياتي
والله مصر وحشتني أوي بكل حتة فيها
ربنا يقرب البعيد ياباشمهندس ويهونها علينا
أسعد الله قلبك قدر سعادتي بمشاركتك ومرورك الكريم

م/عطية شواش كتب:: تثبت بواسطتي لحسن يكون الشاعر بيتكلم عن مصر

اهي مصر بتصالحه اهو .... تحياتي

أستاذنا الكبير ...شاعرنا المُبدع...مهندس عطية شواش
دائماً سبّاق إلي الخير.
ألف شكر على تثبيتك قصيدتي المتواضعة
وبعدين إزاي أزعل من مصر وانت فيها ياعسسسسسسسسسل
تحياااتي وتقديري

اميره بلا وطن كتب:: طيب ارجع بس واسجن قلبى فيك
استحاله يموت هوانا مابين ايديك
عارفه انى غلطت ياما وراجعه أبكى
ترحم الدمعه ف عيونى لو بكيت
ولا تقتل فيا فرصة للحياه من تانى جنبك
انت عارف ان مهما بعدت عنى أو قسيت هفضل بحبك
راجعة ببكى من عذاب البعد عنك واشتكيت
انسى انك قلت يوم أنا مش راجعلك
وابتدى تشعر هوايا وحالتى لما لقتنى جيت
بالدموع وبدم قلبى وبعدى عنك اشتكيت

رااااااااااااااااااااااائع
بكل ماتكتب
لا أجد كلاما يصف براعة شعرك
دمت مبدعا
وتقبل خربشاتى

الشاعرة الراااائعة المُتميّزة...أميرة
يكفيني مرورك العاطر فهو وسام على صدري أفخر به ما حييت
وبعدين بقااااا ...إنتي دخلتيني في محاورة شعرية وأنا مش قدك والله
طيب هاحاول أجاريكي وأقوووول (بس أنا آسف ع اللّي هاقوله مع إنه من ورا قلبي والله بس سياق الموضوع بيفرض الرد...)

ليه راجعة تشاوري بأحلامك
لعيوني عشان ترجع ليكي
ليه تبني حياتك وآمالك
على حلم بعيد عن أياديكي
الحلم ده صعب في تحويلُه
لحقيقة تعيش على أراضيكي
إنسيه وانسيني عشان قلبي
نسي كل زمانك وماضيكي
مش هاسمع منّك ولاكلمة
مش قادر اصدّق أعذارك
لو كنت زمان إتحمّلتك
كان بس عشان قلبي اختارك
دلوقتي وبعد ما بعتيني
وبصدك ياما جرحتيني
أنا آسف ياللّي ظلمتيني
مش هقدر اكمّل مشوارك

الشاعر محمود قطب كتب:: الشاعر الواعر اخى رضا محمود
رائع انت فى كل ما تكتب
ورغم تكرار فكرة الخيانة
فى كثير من الكتابات
الا انك استطعت بمهارتك المعهودة
ان تكون مميز و رائعا وذ مذاق خاص
تحياتى واعجابى يا جميل

أستاذي .....الشاعر والزجّال الكبير..أستاذ محمود قطب
ربنا يكرمك يابو سلمى على الكلام الجميل ده اللّي بحس إنه كبير أوي على أخوك المُبتدئ
طب تصدق بالله ياأستاذ محمود..
أنا كل عمل بانشره هنا باكون متردد جداً وحاسس إنه دون المستوى قياساً بما يكتبه العمالقة في هذا المُنتدى فما انا إلاّ هاو يحبو على الطريق
لا حرمنا الله أبداً من توجيهاتكم

محمد عبد الواحد كتب:: الشاعر الجميل رضا محمود
يعني مش ها نعرف نهدي النفوس

لكن إبداعك وصدقك في حرفك جعلني أصدق إنك مش راجع تاني
أحييك علي كلماتك الأكثر من رائعة

أخي الشاعر الجميل...أستاذ محمد عبدالواحد
يكفيني مرورك الكريم لتهدأ النفوس وتندمل الجراح وتتعافى القلوب
تمنياتي لك بدوام الصحة والسعادة

محمود جمعة كتب:: ياللّي راجعة بالهزيمة تعلني عهد الخضوعْ

لو فرشتي كل خطوة من طريقي بالشموعْ

لو ناديتي بعزم شوقك تطلبي مني الرجوعْ

حتّى لو تبكي عيونك ألف بحر من الدموعْ

قلبي لو فَكّر يسامحك.. هاقتله بين الضلوعْ

الشاعر الشاعر أخي رضا محمود

هذة شاعرية مفرطة .. ورومانسية خلابة ..

هذا القرار بعد قبول العودة مهما قدمت من خضوع وتنازلات .. ومهما كان

القلب يخفق بين جنبيك ويصرخ ( بحبها ) أكيد قرار له اسبابه العاطفية

وأنت مصمم عليه حتي لو أسكت قلبك للابد ( عافاك الله )

ثم تأتي لنا بختام ولا أروع :

مش هتبقى الدنيا بعدك ليل مايطلعلوش نهار

مُستحيل أسجن سنيني.. بين أماني وانتظار

حتّى لو كُنتي الوحيدة.. اللّي هَتحلّي المرار

قولتهالك ألف مرّة والحكاية باختصاااااار

مش راااااجعلك...

حتى لو مقدرتش انسى...مش راجعلك

هي مصممة ترجع يا رضا ؟ الف مرة ومش فاهمة ان الامر أنتهي ؟

ولكني لا أعتقد أنها مصر كما شك في ذلك عمنا شواش .. ُمثلك سيعود

لمصر مهما كان صعبان عليه منها

أخي الشاعر الرائع

فاتن وبديع ما قرأت لك هنا ..كنت هنا لأستمتع بها الجمال

خالص التقدير والاعجاب والاحترام

أخي الحبيب...أستاذي الشاعر محمود جمعة
مرورك ذو مذاق خاص يبعث في القلب السعادة بقراءتك الواعية وتحليلك الدقيق ومشاركاتك التي تدل على إخلاصك وتفانيك في حب الشعر وإحتضانك لكل مُريدي وهواة شعر العامية من أمثالي
دُمت بهذا الإخلاص وبهذه الأخلاق والتواضع
أمّا من حيث مشاركتي المنشورة عاليه فأقول لك(خلّي اللّي في القلب في القلب ) ياأستاذنا أصل الموضوع كبير
أسعد الله قلبك بطاعته ورضاه

الشاعر الجميل رضا محمود
كلمات غنائيه دراميه تدل على أنك رجل حر وعندك دم
ومن حيث الكلمات فهي قويه ورنانه
تحياتى لك

ليه تكسر عينى الـ رجعالك
وعذابى وذلى بيحلالك
طيب هبعد عنك وامشى
ولا قلبى ف مره هيصفالك
بس اوعاك ترجع تصالحنى
أنا صدك للقلب دبحنى
ولا كلمه ف يوم منك تكفى
ولا شعرك تانى يفرحنى

ارتجال سريع
وانت اللى ابتديت
ردك جميل جدا

موضوع: رد: مش راجعلك... السبت أكتوبر 01, 2011 7:27 am

اميره بلا وطن كتب:: ليه تكسر عينى الـ رجعالك
وعذابى وذلى بيحلالك
طيب هبعد عنك وامشى
ولا قلبى ف مره هيصفالك
بس اوعاك ترجع تصالحنى
أنا صدك للقلب دبحنى
ولا كلمه ف يوم منك تكفى
ولا شعرك تانى يفرحنى

ارتجال سريع
وانت اللى ابتديت
ردك جميل جدا

يانهااااار أبيض...كده برضه ياأميرة..؟؟ دي آخرتها..؟؟
مش راجعلك... 278776

طيب إستكمالاً للمساجلة بيني وبينك أنا هالصالحك وأقوووووولك...

حاولت انساكي مقدرتش على النسيان
سجنت الذكرى جوايا
وقولت يومين وهيعدّوا
ويمكن بكرة..أو بعَدُه..يدوب إحساسي بهواكي
ويقدر قلبي ينساكي
لقتني...اشتقتلك أكتر
وبحلم بيكي وبفكّر..
في أي طريقة تجمعنا
ومهما ظروفنا تمنعنا
هاعدّي الصعب وارجعلك
وآديني رجعتلك تاني
بنفس الحُب واللهفة
كلام الشوق على لساني
ولو حاسّاني أو شايفة
تلاقي مشاعري سابقاني
مشاعر صادقة..مش زايفة
بحبـــــك..
بحبك حتى وانا عارف
بإن طريقنا مش واحد
ومهما هربت من حُبك
بنرجع تاني نتعاااهد
لإنّي حاولت كاام مرة
ومقدرتش على النسيان
ورغم الهجر والحرمان
ورغم الغُربة والأحزان
حاولت انساكي..
مقدرتش على النسيان
لإنّك ساكنة جوايا ..مابين النبض والوجدان
بتنزل دَمعتي مِنّي..بتشكيلك عذاب الروح
وذكرى الماضي في عيوني
مصحباني منين مابروح
كلامِك...بسمتِك...طيفك
قُصاد عيني ..في كل مكان
أنا في الدّنيا مِن غيِرك..
غريب تايه عن الأوطان
وشايف عُمري وسنيني
كتاب مجهول..مالوش عنوان
ياجرح العُمر حبيتك
بقولهالك واعيدها كمان
حاولت انساكي...مقدرتش على النسيان

الشاعرة الرااائعة..أستاذة أميرة
ياريت كده يكون صافي يالبن...وحقك رجعلك

موضوع: رد: مش راجعلك... السبت أكتوبر 01, 2011 7:31 am

رضا عثمان كتب:: الشاعر الجميل رضا محمود
كلمات غنائيه دراميه تدل على أنك رجل حر وعندك دم
ومن حيث الكلمات فهي قويه ورنانه
تحياتى لك

أخي وحبيبي الشاعر الراااائع...أستاذ رضا عثمان
الأروع من كل شيئ هو مرورك العاطر الذي أسعدني
دُمت بكل الخيرأخي الكريم

» مش راجعلك
» راجعلك ياغالية