قصاقيص الأمل

موضوع: قصاقيص الأمل الإثنين سبتمبر 19, 2011 2:25 am

قصاقيص الأمل
لملم قصاقيص الامل
اللي اتقطع منك
رقع بيهم حلمك
واتكفن بيه
مش راح ينفع
واسال واحد ميت قبلك
حاول يزرع احلامه سنين
فدادين فدادين
ملقاش الامل اللي بيروي الحلم
اتحسر
دمعه اتكسر
على خده سنين
يجري قناوي
الارض اللي ترابها غناوي
من حزنة اتجرفت مدبوحة
طرحت بعد الصبر ملوحة
والحلم اللي استني سيادته
كان ميت من قبل ولادته
على طرف اديه
هيييييييه
دنيا
اصعب حاجة انك توصف
بعد ما تتخرج م الدنيا
بتحس بايه
انا مش هقدر
لكن هوصفلك
عشت ازاي ولمين وف ايه
انا كنت بودع كل نهار
مع اخر رمح الشمس بترجع وتشده
من صدر اليوم
احساس مكتوم
اتوسد نعشة ف ليل محتوم
واستسلم لسنين التيه
كان كل ما عمري بيطلع حبة
احلامي بتتفرط حبة ورا حبة
وكاني ف جدول احصائي
دالة منحنى سعر وحلمك
ارخص سلعة
احلامك على قد جيوبك
والجيب مخروم
خرم انما ايييييييييه
اكبر من قطر المحروسة
احلامي بطاطس مهروسة
على صحن الفقر اللي دبحنا
ولا هنت عليه
مستغرب صح
مستغرب ليه
ما انا زيك زيي
على نفس القالب
احزانا اشدت
مسك بيضحك
والوش مكرمش تحتيه
واتقص الياس اللي لبسناه
قمصان مقلوبة وكتفنا
بمزورة هم على مقاسنا
وعرضنا دمغنا وكراسنا
على كل سفيه
اسمعني يا بيه
مرحلة الياس انا عديتها
كل الابواب انا دقيتا
والامل اللي مجاش انا عنده
وطيت امسح على رجليه
فانا مش محتاج الحلم النابت
في عيونك
يتصعب على حالي يمصمص
ف شفايفه ويعقد يصغر لي
من فوق لتحت
بطرف عنيه
دا لو انت بتفهم وتفكر
م اللي انا قولتوهلك هتقدر
انا ميت ليه

واسال واحد ميت قبلك
حاول يزرع احلامه سنين
فدادين فدادين
ملقاش الامل اللي بيروي الحلم
اتحسر
دمعه اتكسر
على خده سنين
يجري قناوي
الارض اللي ترابها غناوي
من حزنة اتجرفت مدبوحة
طرحت بعد الصبر ملوحة
والحلم اللي استني سيادته
كان ميت من قبل ولادته
على طرف اديه
هيييييييه
دنيا
اصعب حاجة انك توصف
بعد ما تتخرج م الدنيا
بتحس بايه
انا مش هقدر
لكن هوصفلك
عشت ازاي ولمين وف ايه
____________
والوش مكرمش تحتيه
واتقص الياس اللي لبسناه
قمصان مقلوبة وكتفنا
بمزورة هم على مقاسنا
وعرضنا دمغنا وكراسنا
على كل سفيه

الوجع والشعر الموجوع الذي اعشقه وأردد دائما أن أصدق الشعر أحزنه
عزيزي الشاعر/حاتم كمال
هنا وجدت ما ابحث عنه ويشبع ذائقتي
ما اجمل صورك وأصعب معانيها علي النفس
تحيتي لتصويرك الألم بالقلم ورسمك للوجع بجمال معبر
في انتظار المزيد يا شاعر
تقبل مروري وتحيتي

الشاعر الراقي احمد عبد الرازق مرورك الكريم اسعدني وتعليقك اسرني كثيرا وشكرا جزيلا لك واتمنى ان اكون دائما عند حسن ظنك بي

الشاعر الكريم / حاتم كامل

أحييك علي حرفك الرائع وصورك الغنيه الجميلة

التي تدل علي أنك شاعر مبدع بحق

استاذي الكريم الشاعر محمد عبد الواحد اشكرا من صميم قلمي الذي هو بمثابة قلبي
واتمنى ان اكون دائما عند حسن ظنك بي

والجيب مخروم
خرم انما ايييييييييه
اكبر من قطر المحروسة

والله تلك الشطرات بقصيده . وما تحمله من معنى

يُكتب فيه صفحات .

النص بكامله جميل ويحمل تجربه شعوريه صادقه .

الله ينور استاذ حاتم

احييك وتقبل مرورى .

مودتى وتحيتى ...

قصيدة
من النوع المحتاج أنك تجري وراه
وتلم الاول ع الاخر
وتفكر فيه
تسأل
طب ايه يقصد حاتم ؟؟
وتحط الحل اللي انت راضيه
تقعد تتفلحس
وتقول أنا فاهم
الشمس أما تشد الرمح
الصدر الميت يعمل ايه
لكن بعد شوية
ترجع تاني
تمسك اطرافها
وتجيب الاول ع الاخر
تسرح ف المعني
المداري
وتفكر فيه

بجد بجد بجد

قصيدة رائعه رائعه رائعه

من شتا الجوانب
فكرة مضمون
مفردات صور
بلاغه
تركيب الصور بشكل يشد الانتباه
بجد روعه
ومعذيه

فعلا وجبة دسمه لكل شاعر

الله ينور ياستاذ حاتم كامل

ندخل على الجانب الفوكاهي
هههه

جيوب ايه انا دلوقتي بجيب بنطلونات من غير جيوب

عشانا عليك يارب
اسمع دي كنت كتبها للمحافظ قبل الثورة

ما بقاش في جيبي شلن

خلاص هولع اخر سيجارة

يامحافظ بلدنا ياغالي

انت وكبير الادارة
تخرب تهدم تكسر
يابلدنا حالك مراره
الناس تايها حايره فيكي
مشتاقه لزتونه وخيارة

مساء الشعر الحقيقي

يا فنان

مودتي

الشاعر الفيلسوف....حاتم كامل
الله عليك وعلى روعة إحساسك وصورك ومفرادتك وموسيقاك التي تتهادي على امواج الإحساس
قصيدتك ياسيدي الشاعرلا يصلح معاها أي تعليق..سوى الصمت والتفكير العميق لمحاولة الوصول إلى ماوراء الكلمات
أعتقد أنك متأثر بقصيدة(بحيرة الوجع)للشاعر مصطفى الجزار
علماً بأنك قد أمتعتني أكثر وأشبعت ذائقتي أكثر (بلا مجاملة) وإحقاقاً للحق...أنت شاعر بكل ماتحمله الكلمة من معنى
دُمت بهذا المستوى الراقي...أنتظر منك الجديد بكل شوق

من حزنه اتجرفت مدبوحه

طرحت بعد الصبر ملوحه

اللـــــــــــــــــــــــــــــــــــــــــــــــــــــــــه ايه ده ؟

من اروع ماسمعت استاذ .. احسنت

تحياتي

تثبت بواسطتي لجمال الشكل والمضمون

محمود جمعة كتب:: قصيدة
من النوع المحتاج أنك تجري وراه
وتلم الاول ع الاخر
وتفكر فيه
تسأل
طب ايه يقصد حاتم ؟؟
وتحط الحل اللي انت راضيه
تقعد تتفلحس
وتقول أنا فاهم
الشمس أما تشد الرمح
الصدر الميت يعمل ايه
لكن بعد شوية
ترجع تاني
تمسك اطرافها
وتجيب الاول ع الاخر
تسرح ف المعني
المداري
وتفكر فيه

ايه ده يا استاذنا ينفع دا تيجي تعلق على القصيدة تكتب شعر الناس تسيب القصيدة وتقرا التعليق !!!!!
الله عليك
اولا وقبل كل شيئ اسجل اعجابي بالمقطوعة الجميلة اللي حضرتك كتبتها
وبعدين اشكرا جزيلا على تعليقك الراقي الجميل
شكرا لك ودمت لنا شاعرا وناقدا

م/عطية شواش كتب:: تثبت بواسطتي لجمال الشكل والمضمون

استاذنا الشاعر الكبير عطية شواش لك مني جزيل الشكر والتقدير على اهتمامك بما كتبت ودون ان ازيد في الاطراء لكوني اعلم ان سعادتكم انما تنظرون الي اعمق من هذا ولكن احب ان اشكركم على اهتمامكم برسالتي وكتاباتي وفي غاية السعادة انها نالت اعجابكم

عادل عوض سند كتب:: والجيب مخروم
خرم انما ايييييييييه
اكبر من قطر المحروسة

والله تلك الشطرات بقصيده . وما تحمله من معنى

يُكتب فيه صفحات .

النص بكامله جميل ويحمل تجربه شعوريه صادقه .

الله ينور استاذ حاتم

احييك وتقبل مرورى .

مودتى وتحيتى ...

استاذناالجليل عادل عوض شكرا لمرورك الكريم على القصيدة وسعيد لانها اعجبتك والحمد لله
وربنا يجعل جيوبك كلهاسليمة ومليانه
شكرا لك استاذي

الشاعر الراقي ماهر حامد شكرا لك ولمرورك وتعليقك على قصيدتي وسعيد لانها اعجبتك واتمنى ان شاء الله ان اكون عند حسن ظنكم
واسجل اعجابي برسالتك الي المحافظ وارجو ان تكون تغيرت بعد الثورة

رضا محمود كتب:: الشاعر الفيلسوف....حاتم كامل
الله عليك وعلى روعة إحساسك وصورك ومفرادتك وموسيقاك التي تتهادي على امواج الإحساس
قصيدتك ياسيدي الشاعرلا يصلح معاها أي تعليق..سوى الصمت والتفكير العميق لمحاولة الوصول إلى ماوراء الكلمات
أعتقد أنك متأثر بقصيدة(بحيرة الوجع)للشاعر مصطفى الجزار
علماً بأنك قد أمتعتني أكثر وأشبعت ذائقتي أكثر (بلا مجاملة) وإحقاقاً للحق...أنت شاعر بكل ماتحمله الكلمة من معنى
دُمت بهذا المستوى الراقي...أنتظر منك الجديد بكل شوق

استاذي الشاعر رضا محمود تحية واحتراما وتقديرا وبعد
لقد اخجلتم تواضعي والله بكلماتكم واري انك اعطيتني اكثر من حقي
فشكرا لك ولتلك الكلمات الرقيقة الصادقة التي تنم عن تقدير حقيقي منك
واتمنى ان اكون دائما عند حسن ظنك بي

تحية لك اخى الشاعر الرائع
و لشعرك الجميل
كن بخير

بنت النيل كتب:: تحية لك اخى الشاعر الرائع
و لشعرك الجميل
كن بخير

الاخت الشاعرة بنت النيل شكرا لك ولمرورك الجميل وشكرا لتعليقك على قصيدتي
لك تحيتي ومودتي

الشاعر/حاتم كامل
حرام عليك قطعت نفسي في الجري ورا قصيدتك أيه الجمال ده معني بيشدنا لمعني وصور جميله وجديده بجد انت فقت الحد
تقبل مروري وودي

فارس القرشي كتب:: الشاعر/حاتم كامل
حرام عليك قطعت نفسي في الجري ورا قصيدتك أيه الجمال ده معني بيشدنا لمعني وصور جميله وجديده بجد انت فقت الحد
تقبل مروري وودي

الشاعر الجميل فارس القرشي كتير عليا كلامك
مش عارف افرح والا اخاف
بس اللي اعرفه انك بتحملني مسؤلية اي حاجة جديدة اكتبها
علشان افضل عند حسن ظنك
شكرا لمرورك الكريم على القصيدة

الشاعر الرائع حاتم كامل
بارك الله لك فيما حباك من موهبة
راقنى جدا بوحك المجروح
دمت ودام انين قلمك الممتع
Very Happy

» قصاقيص ورق
» قصاقيص ورق
» قصاقيص ورق
» قصاقيص كلام .....
» الأمل