بتوحشني

مهداه لــــــــ علي ماهر

**********
بتوحشني في كل دقيقه
وف ثانيه تغيب عني
دي كل الآها والتانيه
تناديلك وتحكيلك
كتير عني
ياكل العمر ياعمري
يانور قمري
مليّك امري
ياحته من كيان الروح
انا المجروح
ومن غيرك انا المغلوب على امري
بتوحشني
ياعز حبيب
ومن غيرك
ماليّه صديّق
ولا معني لأيامي
لأحلامي
تقول بابا
يرفرف قلبي من جوه
احس بنشوة وبقوه
اخطي كل شيىء خاجل
خبر عاجل
شهادة فرحه منشوره
اقول مبروك
وعقبال السنه الجايّه
تمر الثانيه ورا الثانيه
احس بوحشه ليك فيّه
تقولي يابا مَتْخَافش
انا ماعُدت طفل رضيع
اخاف لاتضيع
وتبعد عني ياعمْري
وتخدك مركب الاحلام
وتنساني وتأثرني سنين احزان
وآلقى نفسي وحداني ..
فتتهدم خطاويّا
وتضيق الحياة بيّا
ماتنساني يابستاني
يازهرة عمْري وآمالي
ياكل الروح
انا عايش مع الثانية
انا عايش علشانك
********