لو كنت حبيتك

لو كنت حبيتك
كنت خليتك قصيده
لو شوفت منك خير
كنت سميتك أصيله

دا مكاني فيكي
زي جحر غويط
وبنام وبحلم
اني اشوف السطح
وعشت راضي
بس كنت عبيط
عشان فيه غيري
خان وعلا الصرح

هوا عشان أعيش فيكي
لازم أكون بغلط
وأسرق واساهيكي
وابني قصور عالشط
ولا أرائيكي
وابقا البعيد منحط
قوليلي اعيش ازاي
ولا اعمل ايه بالظبط

اوعي تقوليلي اتحط
لاني مش هسكت
وهعلي صوتي وارد
يا اما البلد عكت


أوقات بشوفك
ألف ليله وليله
ف مهندسين و معادي
ومصر الجديده

وساعات بشوفك
زي حاجه مريبه
لما بشوف فيه ناس
مش لاقيه حتى زريبه


وأوقات بشوفك
زي جرح مرير
وأوقات بحسك
زي سجن كبير
ونفسي أخرج
بس مش قادر أطير

لأن فيكي أبويا واخواتي
وقبر امي وعماتي

واعمامي واخوالي
واصحابي وعيالي

وعلى أرضك رسمت احلامي
وزرعت الأمل قودامي

وهناك جوه ريفك عيشت
وف عز الاياله سرحت
وياما ف ليالي الكحط
لميت اللقم باللفت

فيكي أول حب عمره ما يتنسيش
فيكي أحلى الزكريات
ليكي لقطات في الحياه مابتتمحيش
زي المسيحي ويا مسلم في العادات

فيه حاجات كتير فكرت فيها ألف مره
قبل اما اسيب روحي واسيبك واجري بره

انتي ليه شابطه كده فيا
ليه لما باجي أكرهك ماعرفش
و لغيري ليه انتى ومش ليا
ولما افكر أنكرك ماقدرش

اديني سرك
أديكي الأمان
وافضل معاكي
ان شاله اعيش غلبان

شكلك عرفتي
ومكري يظهر بان
لو كنت عارفه
كنت سيبتك من زمان
.
رضــا عثمــان

{ لو كنت حبيتك }

بدايه مش قوى يا رضا . كان ممكن تقول :

علشان ما حبيتك . كنت حا اكتبلك قصيده .

ونفسى اشوف الخير .. كنت حا نقولك اصيله .

انما المجمل جميل والنص به روحك التى لن تتغير وبصمتك

التى لن تتكرر .

تقبل ملحوظتى وخالص مودتى ...