مبقاش مسلم لو مدافعتش عن اسلامي

السلام عليكم ورحمة الله وبركاته
أولا أحب أوجه عناية سيادتكم لشئ
الشاعر لو لم يتأثر ويكتب فليس بشاعر وانما هوا مجرد راص للقوافي
لقد تأثرت وغضبت لدينى ومن حقي أن أكتب ما أحسه ، فلا يغضبن مني أحد
..........
بسم الله توكلت ولله غضبت

مبقاش مسلم لو مدافعتش عن اسلامي
والبس طرحه واغير اسمي لصافي وناني
مبقاش راجل لو موقفتش ويا اخواني
ضد سفاهة ناس بتغني ف كوكب تاني

لو عايزينها أوروبا روحولها
مصر بلدنا بلد اسلامي
بعد الكعبه وبعد الأقصى
واقف لازهر شامخ عالي

عايز تحكم مصر بايه
ياللي عامللي سيادتك بيه

سيبك م اللحيه وم السبحه
قوللي جنابك نعمل ايه

نحكم فينا بشرع الله
ولا تحكم عقلك فيه

يفصل بينا كتاب الله
ولا كمان مش مؤمن بيه

ولا تحب نكون قذافي
ونجيب الأخضر يا خرافي

علشان تخرب وتقوم تطفش
واللى ينادي عليك تبقا اطرش

واما يقولو عليك علماني
يومها هتعمل انك أخرص

متهيألي اللحيه دي سنه
ولا هي موضه وجات من بره
واللي يسيبها يروح الجنه
واللى يصيبها بيخرج بره

ونبينا اللي عليه يتصلى
كان بيقصر توبه ولا
كان بيصلي عشان حضرتنا
وانت عليه عمال تتسلى

قوم اتوضا وغير حبرك
طهر قلمك وابكي لربك

واستغفره يمكن يغفرلك
لما يلاقي الصدق ف قلبك

.

اجمل شيء ..

نختلف ولكن يحترم بعضنا البعض

والاختلاف فى الرأى لايفسد للود قضيه .

ولكن ... اسلامنا ومنهجنا ومصدر شريعتنا

لايجب التماس بهم . فهناك اشياء الاقتراب منها قد يقع بنا

فى فى دائرة الكفر والعياذ بالله .

وكما ذكرت من قبل :

مابين العقل والجنون . شعره .

ومابين الحرية والسجن . شعره .

ومابين الاسلام والكفر . شعره .

تحياتى ومودتى لكما ..