البرامين لاحمد راضى

البرامين
**************
كلنــا ف الصف واحد واللــى واقف بره مــين ؟
ناس بتحــلف بــك وتكذب همـا دول البرامـين
*****
همــا بيعــينك وانتــى اللــى شريناها وباعتنا
نفــترق عنك ياسمره نلقـى تانـى الشوق باعتنـا
*****
احضنى ولادك وشوفى أيه منابهم م اللى نابــك
كل واحد بنعى حظه ولسه بصرخ تحت نابـــك
*****
واللى واقف بره صقف والمثقف تاه ف عصرك
نفض اللقمة اللى فاضلة من إديهم بعد عصـرك
*****
داحنا يامـا أسينا منـك شوفنا بدل الويل ويلـين
بين جفـا وعذاب ولكن نبدله بأحضـان ولــين
******
كنتـى ديما قبـل روحنا مغرمـين بيكى وصبابه
من هواك تدبـل جراحنـا وتنزرع فينا الصلابـه
*****
حتـى لمـا خليتى بينا إحنا ماخلفناش وعـودنـا
والفروع اللـى فتتنا تشدنـا وتخلـع ف عـودنـا
*****
خوفي يامه نميل تميلي واعمل ايه لوعود جا مايل ؟
ينحنـي ضهر الكرامـة وتـنزع أرضك جمايـل
*****
تطرح العـوزة ف ديارنا وطرحها يضلل عليهم
وإحنا نتـعرى وجسدنا وعضمنا يفضل عاليهم
*****
إحنا ف الكـفة اللـي رابحة حفزيـنا بكلمتين
حسسينا انك فـي ريحنا خلى يبقى الكيل متين
*****
بصـة ديمـا للبرة واللي بـرة مش ف صفك
فتحة حضنك ليه وهو بين غنايمه بإيده صفك
******
دي عشانى ودي عشانه وسبلي دي لأ دي ولادى
وانتـى ديمــا تنصفيهم وتقولـيلنا دول ولادى
*****
قطعة حبل الود بينا وسايبـه طرفـه ف إيد لعين
بِخطف البسمة اللي صابحة والبريق من كل عين
*****
هو والعصبة اللي برة حلفوا على نبتك ما طارح
أمتى هتحسى بخضوعنا وتفرشى حضنك مطارح

*****
احمد راضى