مش عاوز كلام

بس مش عاوز كلام أنت مبتزهقش ليه
سيبنى أنا رايح انام واشوف لى حلم انا ليا فيه

انت مش عايش حياتك
يبقى ناقطنى بسكاتك
ولا قطر الغدر فاتك
وانت عشت الجرح فيه

بعد ما قلت الوداع
يبقى مش عاوز صداع
ولا عشت فى الضياع
وجاى لقلبى تحن ليه

بس مش عاوز كلام انت مبتزهقش ليه
سيبنى انا رايح انام واشوفلى حلم انا ليا فيه

يا لى سيبت قلبى دايب
شىء طبيعى والله غالب
اننا نرجع حبايــب
فى ناس تخاف ومتختشيش

بعد كل دا الغياب
جاى متعذب عــذاب
جاى تقولى كلام عتاب
كان زمان وخلاص مفيش

بس مش عاوز كلام انت مبتزهقش ليه
سيبنى انا رايح انام واشوف لى حلم انا ليا فيه

خلاص يا عم ما تزوقش همشي واسيبك تنام براحتك
بس انت فكر بس هههههههههههه
الشاعر الجميل وائل سعد
كلمات عتابيه جميله ورائعه
تحياتى لك

بس مش عايز كلام
الشاعر
وائل سعد
مااجملها من بساطة فى اللغة وصياغة الجملة الشعرية وما اجملها من خفة الظل وسخرية فى العتاب
كم كنت سعيد وانا اتأرجح بين سطورك الجميلة
كنت موفق فى تناول الفكرة وطرحها بهذا الشكل الساخرالجميل
لك تحياتى القلبية
احمد راضى

الله
مقطوعة جميلة

الشاعر والاخ الجميل رضا عثمان شكرا لمرورك الاول لى وشكرا لمداعبتك الجميلة التى تحمل معانى كثيرة دومت بكل الخير

الاخ الجميل الفؤاد احمد راضى دومت بكل خير ودام الخير لك شرفتنى بمرورك ونقدك فمرورك شرف لى بكل ماتحملة الكلمة من معانى شكرا لك

الشاعر والاخ محمود قطب داعبة بسيطة تعكس شخصية تلاقئية وقلبا شفاف متسامح دومت بكل الخير يا اخلى وشكرا لمروك دومت بكل الخير

المبدع والمتاءلق دائما أ مصطفى محمد عبد العزيز تحياتى لك ايها الرائع والمبدع دائما دومت بكل الخير