مفيش شتيمه ولا ايه

هوا كله ضرب ضرب
مفيش شتيمه ولا ايه
أبوس اديك يا عم خف
مال اديك تقيله ليه

انت ليه دايما قاصدني
لما بخرج ويا موزه
وتعاكسها وتحاسبني
لما بعمل فيه وزه
انت مستقصدني ليه
انت ماركت أهلك ايه
ولا كبرانه ف دماغك
كل يوم تديني غزه

بص طيب خمسه ليا
سيبني واديلك هديه
ولا اقولك خدها هيا
بت جامده وميه ميه

لو معاك ألفين جنيه
وعد مني ف تاني يوم
تشحت التالت وايه
تنسا ساعتك والهدوم

أه يا وشي بقيت شوارع
كل ما امشي الاقيني راجع
عيني ورمه وشكلي ضايع
كله من أم الشقاوه

درسي راح من بين سناني
والحواجب فوق وداني
مش هدوس على رجلي تاني
علقه م الأخر نقاوه

بعد بكره هاجيله اشوفه
اللي عامل فيها خوفو

لما يشبط ويا سوسو
ايه هيجراله ف نفوخه

مش هياخد بين اديها
غلوه واحده وهتلاقيها
ف اللجام شداه عليها
يلا بينا اطلع يا حوحو

تور عبيط هتسوقه صايحه
قبل منه ف ايدي لعبه
جاتلي راكعه بنكته بايخه
واترمتله ف تاني ضربه

هان ويستاهل لانه
كان خانقني بأم كرشه
وابقى خدت بتاري منه
لما يشحت ساندوتشه
.

ههههههههههههههههههههههههههههههه

انت من النوع اللى بينضرب ؟؟؟؟؟؟

ياللا علشان تحرم .

الحبيب الشاعر الجميل

رضا عثمان

قصيده واوعى تقول ما حصلتش .

وشك باين عليه .. طالع من عمره ..

ههههههههههههههههههههههههههههه

مساء الفل على عيونك ...