أوقات فرح وأوقات ضيق

كلنا بيمر علينا
أوقات فرح وأوقات ضيق
واوقات تبقا الدنيا علينا
تصدم تقلب نار وحريق
وساعات تبقا معانا وفينا
ساكنه قلوبنا ومش ف ادينا
واما بنفرح بيها بتغدر
وما تديش ولا بلة ريق
...
شايف فيها أعز الناس
وانا بديله وياخد مني
واما احتاجته رماني وداس
ويقول أسف غصبا عني
...
وارجع أقول مش أخر الدنيا
لازم اقوم وانسا اللي جرالي
مش معنى اني وقعت ف مره
يبقى هموت مش عايش تاني
...
وامشي والاقي الدنيا جميله
ناس بتغني ونور بيأيد
أفرح وافتح ليها جناحي
واجري بلهفه وشوق وسعيد
فجأه الاقيها بتحضن غيري
وتقول فيه أشعار وتزيد
وانا محصور بين مددت ايدي
زي ضحيه ف يوم العيد
...
ارجع أقول مش أخر الدنيا
لازم اقوم وانسا اللي جرالي
مش معنى اني وقعت ف مره
يبقى هموت مش عايش تاني
...
واصحا الاقيني ف وسط حبايبي
ناس من لوني وناس من دمي
شايلني على كفوف الراحه
كل همومي انزاحت عني
حسيت ان الدنيا ف خير
وان فيه ناس بتحب كتير
ما هي دنيا ودايما قلابه
ساعه تبكي وساعه تغني

.

الحبيب الشاعر الجميل

رضا عثمان

مع احترامى لجميع الآراء . ولكن بالفعل هى

غنائيه جميله وانت كتبتها بوعى الشاعر البارع

فى استخدام البحر المتدارك او الخبب والموضوع جيد

والسلسال الدرامى متماشى مع النص بطريقه سلسه .

وانت كتبت :

وامشي والاقي الدنيا جميله
ناس بتغني ونور بيأيد

وهنا فقط غلطه إملائيه فــ { بيأيد } تُكتب { بيقيد }

صباح الفل يا رضا والله ينور عليك .

مودتى وتحيتى ...