زين و جميله

موضوع: زين و جميله الإثنين أغسطس 15, 2011 8:26 am

أنا جاي أقول قصه

وموعظه للناس !!

قالوا زمان حكمه

أنا ماشي بيها أساس

قالوا فيه قلوب من طوب

وفيه قلوب من ماس

حكم القدر مكتوب

والمولي وضعه أساس

واللي يريد النجاه

يسمع لدي الحكمه ...

أمشي عدل يابني

يحتار معاك الناس

*****************

الأسم كان زين ** وعوده كان أخضر

عريس يادوب شهرين ** وبيمشي يتمخطر

شاف الجميله جميله ** من ضحكها السكر

عيونها سودا وكحيله ** سبحانه من صور

بدأت معاه الكلام ** ياسلام ده متقدر

*************

ضحكت عليه البنيه** قالت له قلبي معاك

لو حتي هانروح فين** يازين أنا وياك

هنكون سوي حبيبين** يازين أنا بهواك

هندوب ف غمضة عين ** عمري ابتدي بالقاك

**************

رمت عليه الشبك ** وكلامها كان حاضر

من يومها زين انشبك ** وقالها حاضر

هانكون سوي عشاق ** من وقتنا الحاضر

حبك ده احلي غرام ** علشانه راح اخاطر

هجر الجدع دنياه

والبنت كانت معاه

فرحانه بوجوده

مشتاقه يوم تلقاه

وف يوم غلبها هواه ** ومعاه راحت شقه

قالها ريدك ف حضني ** ولم تقول لأه

سك البيبان كلها ** لكن نسي واحد

باب السما المفتوح ** والرب فيه واحد

شربت معاه الحرام ** ياناس ف كاس واحد

كاس أوله شهد ** وأخره فضيحه لها

جميله من مكرها ** ورت لزين دمعها

بكت ولمت هدومها** هاتقول أيه لأهلها

لملم دموعها الجدع ** طمن كمان قلبها

هايروح ويخطبها** واليوم يكون عندها

قالت جميله يازين ** أوعاك تبيع حبك

دانا جميله حبيبتك ** أنا كنت با واعدك

بحق أيام بيننا ** نفذ يازين واعدك

مسح دموعها وقال ** في الشرع ليه أربعه

هاتجوزك ف الحال ** لمي دموعك بقي

***************

أبوه سمع بالخبر ** م الصدمه عقله أتشل

وأخوه صرخ مجنون ** ياناس أخويا أختل

وامه لطمت خدودها ** وبس أيه الحل

اللي أتربط بالورق ** ازاي ياناس يتحل

كتب المغفل ورق ** أنه مدين بفلوس

وابو جميله حلف ** أني عليه راح أدوس

اللي ظلم ينظلم** ويدوق ياناس الذل

المولي عليم وحكيم ** أسمه ياخلق العدل

*************

أما مرات الزين ** قالت أكيد نزوه

أكيد ف غمضة عين ** راح تترمي بره

لو قلت مليون أه ** طب مين هيسمعني

أو قلت مش عايزاه ** مين بيته هايسعني

دا انا ياخلق وحيده ** وقليلة العزوه

قالت يازين سامحك ** قلبي .. وسامحتك

ضحك عليها بكلام ** ماهي ؟أصلها هبله !!

وأبوه من الصدمه ** ساب الحياه ف سكات

وقع ما قال كلمه ** ماهو أبنه قلبه مات

والكل تاه فكره ** بقي الجميع ف شتات

والأخ قال لأخوه

فرقت لمتنا!!!!

وبعملتك وياها

ضيعت فرحتنا

مرضت ياخويا أمك

وابوك ياخويا مات

وحلفنا بجميله

ماتخشش ف يوم بيتنا

زين ركب راسه ** وشيطانه غاويها

باع أهله واحبابه ** واتحدي الجميع بيها

ضيع أبوه واخواته ** علشان يراضيها

اتجوزوا بفرح ** فرحان يازين بيها !!!!

وكل أهل البلد ** عرفوا بعملتهم

وحكاية الاثنين ** قصه بنحكيها

مهما تدور الايام ** فاكرينها بماضيها

***********************

جميله من حظها ** جابت لزين الغلام

فرح الزين وقتها ** وقال مراتي تمام

هادوب انا ف حبها** ونعيش ولا الأحلام

عدت سنين وسنين ** وزين ياناس فرحان

بعد الولد جاب ولد ** وبنت حلوه كمان

نسي أبوه وامه ** نسي حكاية زمان

وكلام قالوه الاجداد ** من سالف الازمان

ياصاحبي عملك قاعدلك ** وكما تدين هاتدان

***************

البنت كانت جميله ** زي أمها ياسلام

وابوها بيحبها ** كتب اسمها احلام

احلام ..وكان حلمها**كلية الأعلام

وهناك لقت حبها ** في الجامعه شاب تمام

كسب الجدع قلبها ** ووهبها أحلي غرام

قالها أحنا تلامذه

والحياه عاوزه

فلوس وشقه كمان

ماقدرشي اروح لابوكي

ومين يكون صفي

انا لسه هابدأ حياتي

طب مين هاينصفني

لو كنتي بتحبيني

راح نرتبط عرفي

ويشهدوا الزمايل

وتكوني ف الحياه زوجتي

********************

أبوها عرف الخبر

لما بقت حامل !!!!!!

ولكل وقت أدان

ولكل موضوع أخر

زين صرخ بالأه

وقال ياخلق الله

دا اللي انزرع باحصده

والماضي كيف انساه

ماشي بجرح وأه

تايه ومالي أساس

واللي يريد النجاه

يسمع لدي الحكمه

أمشي عدل يابني

يحتار معاك الناس !!

أرجو التنسيق

الجميل الرائع الشاعر فارس القرشي

أيه يا سيدي الجمال المتفرد ده

أحتاج الي وقت كافي بعد الفطار لاعقب علي درتك الفريدة

الي ذلك الوقت .. تثبت بواسطتي القصيدة لجمال الشعر وعمق الفكر وروعة

الموضوع وحسن الصياغة

ثم أعود مرة أخري للتعليق

كل التقدير والاعجاب بعملك الرائع

كن بكل خير

الأستاذ القدير/محمود جمعه
أشكرك علي تعليقك الرائع
وتقريرك المتميز لي ولعملي
الذي أرهقني لمده طويله الي ان أكتمل
شكرا لك ولكل من قرأ ولم يعلق

أنا جاي أقول قصه
وموعظه للناس !!
قالوا زمان حكمه
أنا ماشي بيها أساس
قالوا فيه قلوب من طوب
وفيه قلوب من ماس
حكم القدر مكتوب
والمولي وضعه أساس
واللي يريد النجاه
يسمع لدي الحكمه ...
أمشي عدل يابني
يحتار معاك الناس
*****************
الله عليك يا استاذ فارس
قصيده تحكى لنا قصه فى غاية الروعه
نأخذ منها الحكم والموعظه كما اخبرتنا فى بدايتها

الشاعر المهذب / رضا عثمان
شكرا لمرورك الجميل وتعليقك الراقي
دمت ودامت المحبه

الشاعر الزاجل / فارس القرشي
قصة زجليه رائعة من مبدع فنان وهي أحد فروع الفن الزجلي الاصيل
لك تحياتي

اخي الحبيب الشاعر/فارس القرشي
احييك اخي علي جمال القصه والسلاسه في السرد والحكم والمواعظ التي في طياتها..دمت مبدعا..كل عام وانت بخير
بكل ود..تقبل تحياتي

أستاذي وأخي الكبير/ محمد البهنساوي
شكرا لمرورك وتشجيعك الدائمان
دمت ودامت المحبه

الشاعر الحبيب / رضا فايد
شكرا لمرورك وتعليقك الراقي الرقيق
دمت ودامت المحبه

الاخ الزجال والشاعر الجميل

فارس القرشى

والله ملحمه رائعه وفكرتنى بملاحم زمان التى امتعتنا بالاذاعه .

قصه واقعيه وبها العظه الواجبه لشباب يحتاج اليه بالفعل .

احييك على فكرتك وزجليتك الاكثر من رائعه وهى تستحق

الثبيت وتستحق التنسيق . وارجو ان يروقك تنسيقى لها .

مودتى وتحيتى ...

الأستاذ/ عادل عوض
أولا شكرا علي التنسيق
ثانيا/ كلماتك تبهرني وتشعرني بالسعاده
فأنا كنت ومازلت أشعر أنني صغير في منتداكم الرائع والذي يضم بين جنباته شعراء كبار بحجم الشاعر عاطف الجندي وسيادتك وأخرون لايتسع الوقت لسرد اسماؤهم
شكرا مره اخري لتشجيعك ولمرورك العطر

ماشي ياعم القدير نجيب منين محمد طه ولا ابو دراع يغنيها

طب ماتغنيهالنا انت ؟؟ تحياتي ايها الرائع

م/ عطيه شواش
شكرا لتعليقك الجميل وياليتني استطيع الغناء لاغنيها فأنا تأثرت منذ الصغر بالقصص المغناه مثل ماهر ومهران وما يشابهها
شكرا مره اخري لتشجيعك

ايه يا عم فارس الكلام الجامد قوى ده كأنى باسمع قصة مش باقراها تحياتى لابداعك الرائع تقبل مرورى

الشاعر /حمدي شيبه
شكرا لمرورك الجميل وتعليقك المتميز
دمت ودامت المحبه

الشاعر الأستاذ فارس القرشى

سعيده جداً بإبداعك الراقى

الذى يحمل الكثير من الحكمة والموعظه

فى حرفك الراقى

تحياتى لإبداعكم الجميل

Suspect

الراقيه الرقيقه/الأستاذه رشا فؤاد
الحكمه الوحيده التي أتيت بها وسببت لي السرور الحق هي تواجدي بين تلك الكوكبه المحبه والنشيطه من المبدعين
شكرا لمرورك العطر

موضوع: رد: زين و جميله الخميس أغسطس 18, 2011 8:16 am

الله عليك يا اجمد راوى
والله حاجه جميله يا استاذ فارس
من حيث التسلسل والسرد
والصور والمغزى والمعنى
الله يبارك لك يا جميل
Very Happy

موضوع: رد: زين و جميله الخميس أغسطس 18, 2011 6:59 pm

الله عليك فارس حقيقي

دي ملحمه شعريه حقيقيه

فكرتني بياسين وبهيه

والا ليك يمين عليا

كلامك فك ضيقي

تحياتي ايها الشاعر الشاعر

رمضان كريم

موضوع: رد: زين و جميله الخميس أغسطس 18, 2011 7:03 pm

الشاعر/محمود قطب
شكرا لتعليقك الجميل
دوما تشعرني بأن أخي هو من يقوم بالتعليق ليمنحني دفعه للأمام

موضوع: رد: زين و جميله الخميس أغسطس 18, 2011 7:06 pm

أخي العزيز/طاهر الصوفاني
تبالغ في أمتداحي فأنا أخوكم الأصغر في المنتدي الكبير فوالله كلكم شعراء ثقل وأنت في المصاف
عموما شكرا لتعليقك الراقي
دمت ودامت المحبه

قصة فى غاية الروعه
بها عظة وحكمة لمن يعلمها
فاتباعها يدفع الضر
فلعل الجميع يعمل بها
رائع سيدى فيما رسمت
وفقك الله

الشاعره أميره بلا وطن
شكرا لرقة تعليقك
ومرورك الجميل

» بدور على حقك
» بنت جميله
» مخده جميله
» اللى غايب
» الدنيا جميله