المسحراتى 30 حلقه 30يوم

يا مؤ منين سبحوا الله
اصحى يا نايم واااا حد الدايم

اليوم الاول-
-----------
عشان انت مصرى
انا جايلك اسحر
قوم فوق وحضر
وحمر وشمر
وصحى عيالك
وبلغ جيرانك
وادعى وانوى
وابداء صيامك

اليوم الثانى
-----------
عشان انت مصرى
وجاهز وحصرى
وجامع اواصرى
مثقف وعصرى
فى فجر نصرى
احضر وشارك

اليوم الثالث
-----------
عشان انت مصرى
وعندك كرامه
عدلت العمامه
هزمت اللمامه
وعندك علامه
محاكمة مبارك


اليوم الرابع
--------
عشان انت مصرى
وعندك تفرد
مافيش تردد
قبلت التحدى
ولا يوم يعدى
من غير ماتبنى
جسور اقتدارك

اليوم الخامس
----------
عشان انت مصرى
ماتنسى اللى فات
شىء كان ومات
وبطل سكات
وادعى وبارك


اليوم السادس
------------
عشان انت مصرى
ماتفقد امل
جهد وعمل
ولا يوم كلل
ودوس العلل
واهزم حصارك

اليوم السابع
-----------
عشان انت مصرى
وهامتك لفوق
ماتصحى وفوق
وغنى بشوق
ولحن ودندن
اغانى انتصارك

اليوم الثامن
-----------
عشان انت مصرى
وراكع وساجد
وقانع وعابد
باقولك واناشد
بلاش تبقى عصبى
وفالت عيارك


اليوم التاسع
----------
عشان انت مصرى
ابوك ابن مصرى
بلدنا دى بلدك
ولحمك وجلدك
وابوك وابن ولدك
ماتبهدلشى فيها
وحافظ عليها
وأرخ ماضيها
لمستقبل عيالك


اليوم العاشر
-----------
زى مافيه مصرى
يشدك لتحت
خلاك اندبحت
وتهت ورحت
ارجوك لو سمحت
قوم لملم جهودك
ونفذ وعودك
وطلع رعودك
واتباهى بسمارك


اليوم الحادى عشر
----------0--
كمان فيه مصرى
وخايب قوى
تراضيه يتلوى
دا شىء غير سوى
ما تسألشى فيه
ليه تعتب عليه
وتحتار فيه ليه
وتشغل فى بالك

اليوم الثانى عشر
------------
لما انت مصرى
وعملت ثوره
ومن يوميها
بلدنا حره
بعد ما كانت
علقم ومره
وبكره تبقى بلد السلام
وبعده تبقى بلد المسره
والشر جاتله
فى الزحمه فره
ما كان فى بالنا
ولا ف خيالك

اليوم الثالث عشر
-----------
يا ابن مصر
ماتمد ايدك
ثورة يناير
دا يومها عيدك
ادعى لربك
واشكر لسيدك
اللمه حلوه
دايما تفيدك
ما تيلا نبنى
ايدى ف ا يدك


اليوم الرابع عشر
--------------
افرح يامصرى
لملم عيالك
الفرح داس
العذاب وجالك
شوفت الحرامى
بان اللى خانك
الحق راجع
اثبت مكانك
ازرع وابنى
شغل عيالك

اصحى يا نايم واااااااااااحد الرزاق

اخى الحبيب الشاعر

يسرى عثمان

ما هو لو انت بتيجى الندوه كنت سمعت اكثر من كده

كل الشعرا كتبوا المسحراتى .

بس بالحلاوه دى . لا .. الله ينور يا ابو اليسر .

منتظرين الباقى ...