قصيدة حصة قراءة من مجموعة قصائد مدرسة الغش والخداع

هذه القصيدة تعتبر اول قصيدة من مجموعة

قصائد مدرسة الغش والخداع والذى يضم 10

حصص يعبر فيه عن حال شعب مصر قبل الثور

هذه القصائد كتبتها فى عام 2009 مع

ادراج كلمات جديدة لها

حصة قراءة

واستاذ جبان

كتب عنوان

على السبورة

سماه البراءة

وقال ارسم الصورة

رسمت طفلة قالت لأ

بكل جراءة

لما شافت لعبتها مكسورة

وكل ماستنى للحصة نهاية

ما تجيش النهاية

وكل ما احاول اقول كفاية

ما الاقيش حد يسمع ندايا

مافيش حديحس اللى جوايا

لحد ما جه يوم الامتحان

وقال الكل على الحقيقة يبان

قلنا نذاكر الورق

اللى طويناه من زمان

واول سؤال كان التعبير

وقاللى اتكلم عن التغيير

قلت اتكلم عن الشعب

اللى قام على التحرير

والا اكتب عن معدومى الضمير

وتانى سؤال كان القراءة

وطالب منى اكتب عن الحرية

ما جتليش جراءة

لان دى اكبر قضية

والكلام فيها مسئولية

وتالت سؤال كان النصوص

وحاطط اسئلة اجبارية بالخصوص

نص اختيار الصديق

ونص تانى على اللصوص

وقاللى محتاح منك جواب

قلت دا مش مقرر فى الكتاب

ازاى اخد عليه حساب

قاللى لا دا الكتاب مفحوص

لحد ما وصلنا للنحو والاعراب

وقاللى اعرب كلمة خراب

قلت حال

بص باستغراب

وقال باستهبال

تيجى ازاى من الاحوال

دا شء محال

لما تعبر قول جمال

ولما سالنى عن حال شعب مصر

قلت مالوش محل من الاعراب

شعب عاش طول عمره عذاب

شوية عمار وشوية خراب

واهو شعب قادر ع الاستحمال

ولما سالنى عن حالى

قلت عايش شبه جمله

عاملنى كانى عامل عاملة

وعمل منى لحبايبه مجاملة

وفى النهاية قلت انا حالل صح

وطول السنة بذاكر دح

وياريته الاخر ادانى درجة كاملة

حلوه الحصه الاولى دى يا هيثم ..

يمكن تاخد الدرجه النهائيه فى الحصص القادمه .

اتمنى ان اقرأ لك باقى الحصص ..

جميل جدا

ولكن لم تعجبنى البداية(واستاذ جبان
)
لماذا جبان على العكس كل اساتذتنا أفاضل ومن علمنى حرفا صرت له عبدا
ياريت تغير هذه العبارة إلى أستاذ وهمان أو أستاذ حلمان أو أستاذ تعبان لأن ده بالفعل حال الأستاذ فى ظل تردى الأحوال الخاصة بالمعلم
تحية
تحياتى

» رؤيا في بعض قصائد مجموعة علي العبادي
» آتاريني بااعيش .. بجناني !!!
» ارجوحة الالم
» شقَّ صدري
» {... في صمتي كلام ..}

قصيدة حصة قراءة *من مجموعة قصائد مدرسة الغش والخداع*

قصيدة حصة قراءة من مجموعة قصائد مدرسة الغش والخداع