والكلمه تقيله على لساني

كان نفسي اتغلب على نفسي
واواجهك علشان تنساني
كان نفسي أقولهالك وامشي
مش عايز اشوفك من تاني
لكن مش قادر على قلبي
والكلمه تقيله على لساني
مع انك ياما بتجرحني
وبتقسا وترجع تلقاني
،
زي منا وماتغيرتش
ولا بعرف غيرك ولا بنساك
بتحمل بعدك ومابعتش
وبفكر اسيبك وانا بهواك
وف لحظه بـ شوفك قودامي
بضعف وافتحلك أحضاني
وانسى الدنيا واللي جرالي
وتعودلي الفرحه وانا وياك
،
أيوه انا بهواك لما تجيني
وتقرب مني وتشجيني

اسأل عني وشوف ايه مالي
واطمن واعرف أحوالي
قربني ف حضنك يا حبيبي
حققلي ف قربك أحلامي
دنا كل ماشوفك بالاقيني
من بعد ما توهت ف عنواني
.

القط بيعشق خناقه ..

ههههههههههههههههههههههههههههههه

يعنى برغم كل ده ولسه يا رضا ولساك بتقول :

بضعف وافتحلك أحضاني
وانسى الدنيا واللي جرالي
وتعودلي الفرحه وانا وياك

يا راجل .. والله ما تستاهل حبك يا رضا ..

بس كلمات جميله والله .. وموقف اخرج منك ابداع .

اوعى تقول حصلت مع واحد صاحبى ؟؟

ما خلاص اتفقست يا حلو ...