حاميها حراميها

ويفيد بايه الندم لسه الامل فيها
قالولى بتقول ايه ده حاميها حراميها
قولتلهم مبارك راح راح وريح وارتاح
قالولى مبارك لسه جوه البلد موجود
بينشر بينا الفتنه وعايزنا نرجع نموت
عايز يسود ايامنا
عايز يشاركنا احلامنا
عايز يجلنا فى المنام
عايز تانى يمسك لجامنا
لكن لا ماتحلمش يا مبارك
طول ما احنا فيها مش هتيجى غير بارك
على رجل كل مصرى وطى وبوس الجدم
ويفيد بايه الندم لسه الامل فيها
قالولى بتقول ايه ده حاميها حراميها
فتنه وحرق كنيسه واهانه للقديسه
وحدتنا مش سهله تفرقنا فتنه دسيسه
شيوخ واسيسين فى مكان متجمعين
مع بعض متفقين امال فين الفتنه؟!!!!!!!!!!!!
لما انت بتحبنى وانا كمان بحبك
امال ليه بتدهنى وانا كمان بهدك
يبقى فى حد كمان مصلحته يهدمنا
مستنى ساعه فرج يقدر يندمنا
على عهده لكن لا احنا ما صدقنا
عايزنا نرجع تانى علشان تفرقنا
ياعم روح بلا خيبه جبتو لمصر الكافيه
والله ما انت راجع بالزوق او بالعافيه
صعب وهتعمل ايه ده الشعب مش طايقك
ده فاروق قبل المعاد سبنا وطلع بره
وانت هنا مرتاح فى بورتو ابو طره
احنا مش مختومين بس احنا سايبينك
العمر فيه كام سنه والله ما طايقينك
لو عايز ترجع تانى تسكن ميادينك
لا ميادينك عيزاك ولا احنا عايزينك
لا مياديننا دا احنا اللى حاكمينك
ترجع تدوق الذل وتشوف مرار شعبك
ياللى رميتنا فى طل ماعدناش هنسمعلك
بتقول ديموقراطيه والكوسه شغاله
ياعم بطل بقى كفايه بقى قواله
هتيجى تهد المعبد هنرميك تحتيه
ماقولنا مخنوقين ماتحس بينا يا بيه
ماتحس بينا بقى ولا البعيد بارد
عايز تفرقنا ونبقى ضوء شارد
ياعم بطل بقى ناوى على ايه
دبحت انت دبيحتك ونشرب احنا الدم
ويفيد بايه الندم لسه الامل فيها
قالولى بتقول ايه ده حاميها حراميها
سالنا رجاله طره ايه اللى فرقنا
قالولى ابعد عننا وحدتكو تحرقنا
قولت والله لتزحفو على كل شبر فيها
والله لكره تندموا وتبوسوا تراب اراضيها
مصر اللى هدمتوا وحدتها وولادها ماتوا فيها
لكن والله ما هنسكت غير وانتوا راكعين ليها
بكره هتيجوا تعيطوا بدل الدموع دم
وبفيد بايه الندم لسه الامل فيها
قالولى بتقول ايه ده حاميها حراميها

تنقل للعامية و تشترك فى المسابقة
بناء على طلب الشاعر