فى الميدان

فى الميدان



خلق ياما قايمه وخلق نايمه

خلق بترسم وخلق تايهه

خلق عارفه وخلق مش عارفه

خلق بتقول وخلق ساكته

وادين ع الوشوش

بس مش رايقه

وحرب ميكرفونات دايره

حناجر بتبخ سم فى نار قايده

تسمع هنا وهناك تقول

دى ناس فايقه ولا مش فايقه

ناس فى عشق الكراسى دايبه

تبيع وتشترى فى عشقه

الرخيصه والغاليه

وناس يا عينى اهى ماشيه

ويا الماشيه

وناس فى حب الوطن هيمانه ودايبه

تقول اه عينى يا غاليه

خايف عليكى م السكه التايهه

عايزينك فى السكه الباينه

ماشيه

وخفو علينا شويه

يا بتوع الكراسى الذايله

خفو علينا شويه يابتوع

الخطب الفايره

سيبو البلد لاجل ما تفوق

م .. السكة الدايره

عصام سالمان

الشاعره الكبيره
الاستاذه / دعاء العطار
خالص تحياتى
وسعدت كثيرا بمرورك
اسعدك الله
واعتذر للتاخير
عصام