جواز عرفى..يالهوى ازاى؟!

جواز عرفى؟...يالهوى ازاى؟؟
وبتقول حبى ليكى كبير
وعاشقك عشق بس خطير
وم النسمه عليكى بغير؟
دا بس ازاى؟؟

وحبى خلاص فى قلبك زاد
ونار الشوق بقى بتنقاد
وسميت نفسك المجنون
طب اسبقنى على المأذون
وماتقولّيش دقيقه وجاى
وإلا دا حب إيه وازاى؟؟

اسمحلى طيب بس سؤال
اختك ياعاشق لو حبت
وغنى عليها محبوبها بقى الموال
وشوف كمان إيه راح ينقال
وجات بالعرفى مقتنعه
لاشايفه كلام ولا سامعه
قولّى ساعتها هتعمل ايه ورد الفعل يبقى ازاى؟

أكيد لأه ومش قابل ولا موافق
وهنشوف تانى يوم خنجر فى قلب حبيبها بقى راشق
وهتعيط وتسأل ليه ومجروحه عليها الجرح مش ساهل
ترد تقول لإنه جبان ورب الكون مايستاهل
طب رد على نفسك يلا وليه ترضالى بخساره
جواز العرفى يكسرنى ويقهر أهلى دى شطاره؟؟

خلاص اسمع هقولك كلمه م الآخر
مادام غدرك ناويلى عليه ومش ظاهر
ماتلزمنيش وإنت عليا ماحافظتش
رسمت لنفسك الفرحه لكن ليا ماكملتش
ومش عاوزاك ولو حتى هتتألم وتعزفلى حزين الناى
جواز عرفى ..ومنك انت ..ليه وازاى؟؟

ههههههههههههههه

لا كدا يبقي زواج عتريس من فؤاده باطل


لابد من اتنين شهود

وولي الام

ابوها اخوها
عمها خالها
جرانها

طب لو سكنه في الصحرا


يبقى على في القسم

وحيلاقيني قاعد جوة


وصفتي حاله متكرره بشكل يومي

مهو دلوقتي كل من هب ودب
عاوز يتجوز

ما يعرفوش ان الجواز نفس مش هز كتاف

مساء الفل

تمام أوى الكلام ده
أشكرك على المشاركه الرقيقه
سلمت أناملك

ياريت ياأستاذى كل البنات تاخد بالها
لو ده حصل هنكسب كتير
لو كل واحده تبقى واعيه
محدش هيندم
أشكرك على رأيك ومشاركتك

على رأيك سيبنا من السياسه بقى
شكرا يادوعه على المشاركه الجميله دى
ربنا يكرمك

طبعا ياأستاذى لازم يكون زواج باطل
لانه بيسبب مشاكل كتير جدا
وشرط الزواج الاشهار
أشكرك على رأيك القيّم

أشكرك جدا ياأحمد على تعليقك
وعلى مشاركاتك الدائمه
تنير بقدومك صفحاتى
فتقبل تحياتى

نسق مدجج بالجمال
ونصيحه غاليه جدا
أشكرك على الرد الرائع

أشكرك أخى الفاضل
ولعل جميع الفتيات تعلم مافى هذا الموضوع من خزى وعار
دمت طيبا

دام تواصلك استاذى
ونبضك التعليقى الجميل
شكرا للمشاركه