الحلم والمعنى

جايز الحلم يتوه منى
وتهرب الكلمة فيضيع المعنى
و الحلم الوجعنا
يزيد فينا الألم
نحزن وقت أفرحنا
ونفرح وقت احزنا
نصرخ ويعلا صرخنا
ومين هيسمعنا
العتمة بتزيد خنقتنا
و أمشينا ف سكة مش سكتنا
لجل ما نسعى على قوتنا
وقوتنا راح لغرنا
الحلم هيصبح حقيقة
والحقيقة بقة مره
ويا رتنا محلمنا
و احنا حيتنا بلا معنى
وتاه المعنى
والغنوه كانت بتساوى المعنى
واحنا اللى غنينا بلا معنى
ومعنى يفضل سؤال
والاجابة جايز واحتمال
وادى غنوه كانت بتهز كيان الابطال
وغنوه بتهز الوسط
يرحم ايامك يا ست
ويرحم ايامك يا عندليب
اللى غنلهم فى زمنى يبقى عيب
والعيب صبح حلال
والحلال صبح حرام
غنى يا ابن ادم
ارقصى يا بنت حوا
دا كام غريق
حوليهم 200 نوه
كان حلمهم اشبه بالعباطه
انهم يعدوا بحر الموت بكل بساطة
والبساطة موجودة ف عشتنا
حلمهم كان على القد
والحلم خنا
طب مين اللى بعنا
ومين على وشنا صفعنا
ومين قتل الحلم القديم
منا عدوى ابن بلدى
وبلدى باعت خيرى
وخيرى راح لغيرى
معادله صاعبه مافيش كلام
حلها بيساوى علامة استفهام
ويفضل المعنى مش واضح
ميت اه مكتومه جوه جوفى
حوليا ناس ياما
لكن بيزيد خوفى
وخوفى فضاح ويعلا صوتنا بالصياح
ويفط ومكرفونات
وفى رزقى بيقولوا هات
والمعنى جوايا ماتت
والحلم صبح فيكى ممنوع