القرد قال للحمار ...

الشاعر : عطية شواش

نحن أمام مهندس الثورة

وضعت أساس للقصيدة

ورميت القواعد والعمدان

والنتيجة كانت ( برج عالي )

من الحروف والكلمات

الجميلة الراقية الو اعية

لذا جعلتني أسكن في

برجك الشعري

لأستمتع

أيه الكلام لكبير ده يا عم شواش
أريد أن أقول لك
:

( في بلادٍ يتباهى القردُ فيها باحمرار المقعدة)

وتموت الأسد جوعا وتجف الأورده
لم يعد للشعر صوت يستفذ الأفئده

ولا أقولك بلغة الجماعة اللى بتقعد معاهم :؟؟
أقولك ::

حطة يا بطة .. يا دقن القطة
بين الشرطة وبين الجيش

شعبنا تايه 1000 محطة
ولا هوش لاقى لا غاز ولا عيش

قولنا عملنا الثورة وروقنا
قالوا " عيان اهتفوا بشوييييييشششش"

قولت أنا أ...... ومليون أ.......
ينزلوا 10 حايركب (جيش)؟؟

اميره بلا وطن كتب:

كلمات فى غاية الروعه
نص طويل لكنه مميز
أهنئك على كل حرف خطه قلمك
فدائما اعتدنا على تميزك
بارك الله فيك

أشكرك أستاذه أميره بلا وطن

والله احنا زيك بنقول لينا وطن بس مش عارفين راح فين

علي ااقل انتي عارفه .. تحياتي

الشاعر محمود قطب كتب:

الله من هنا لبعد بعد بكرة
يا عمنا والله ماحناش قدك
حاجة اخر استذة وجهبذة
رغم اختلافى معاك فى
رائيك فى الاخوان
لانى متعاطف معاهم جدااااااااا
رغم عشقى لناصر جداااااااااااا
دمت يا مهندسنا بكل هذا القدر الهائل
من الابداع وةالامتاع

الشاعر الجميل / محمود قطب .. أشكرك علي الإطراء

وعلي كده يمكن ان أعتبرك إخواني علي ناصري ؟؟

هههههههههههههه .. تحياتي

عادل عوض سند كتب:

طب يا كبير

نثبت النص . وبعدين لينا كلام تانى .

وانا سمعت منك تلك القصيده يوم ندوتنا .

وكنت اود الحديث معك . لكنك { خلعت }

جايلك تانى إن شاء الله .

حبيب قلبي / عادل سند

ربنا يخليك ليا يارب .. انا خلعت عشان كان عندي ظروف والله

وانا كنت عايز اشبع من القاعده معاك .. خيرها في غيرها

مع تحياتي .........زز

مساء الشعر ...

[center]

الأخت الشاعره / وفاء اليوناني

أشكرك علي المرور الكريم

تحياتي

محمد البسيونى كتب:: الشاعر القدير كبير مهندسى الحروف

أخى عطيه شواش

تحياتى ياغالى وألف مسا على عيونك

إيه ياسيدى اللآلئ اللى انت كل شويه

تحدفها علينا دى ؟ والنبى شوية عِبر

عاوزين يتدرسوا .

طبعا أنا مش حا جيب النص كله لكن

أنا اقتبست منه حته من ظِفر القرد :

السكر مش خمره

القرد قال : يابلاش

ديتها قطن وشاش

الثوره لما تعيش

ع الجلد والورنيش

تفيد بإيه جناحات

يفيد بإيه الريش

إيه الجمال دا يابو شواش

والنبى عجبتنى جدا وأمتعتنى

لأبعد حد .

تقبل تحياتى ياصديقى المحترم .

حبيبي الغاليالأستاذ / محمد بسيوني

ياحبيبي ربنا يخليك ليا وتجاملني علي الآخر

وكل سنه وانت طيب ... قبلاتي[b]

طاهر الصوفاني كتب:

علشان كده؟كتبت يامشرط الجراح
اهاااااااااااا
انت مهندس ولادكتور حضرتك
انت طلعتلنا منين اصلا؟

ياحبيبيب ربنا يسعدك يارب

وتطمعني كمان وكمان وبعدين كل يوم صوره ؟؟

هوه احنا حنشوف الالبوم كله ولا حاجه ؟

البغلة قالت للحمار

دوبت من افعالك
مش عارفه ايه يرضيك
ولاداريه احوالك

با كلم جوز صاحبتى
طب قوللى بقى مالك

على بيت ابويا هناك
رايحه ومش راجعالك

الحله اهى عالنار
عشى بقى عيالك

عايشه معاك تأبيده
وتقوللى يابليده

عمال تهرتل يا راجل
ماتقوللى جمله مفيده

تسيبلى تمن الفول
تيجى تلاقى لحمه

تقعد تغب وتزلط
جته بقت شحمه

مهنيانى يا وليه
عيشتك معايا طين

جايبا عشايا فول
دا اكل معر-----ن

ثورة مين ياعم
دى حسبه مغلوطه
صابونه ملو ايديك
على كتفك الفوطه
صلصه لا فيها رمق
ولا ريحة القوطه

اكتب انت يأاجمل شاعر
واحنا حنركن حانروح فين ياعم

حمدى شيبة كتب:

حتى الحمير والقرود ماسلمتش منك انت أيه يا اخىما عندكش اخوات بلاستيك وبعدين خف علينا ياعم شوية والنبى احنا مش حمل كده

الله يكرمك ياعم حمدي

والله واحشني كلامك وقفشاتك انت فينك ياراجل

الشغل بردو ؟؟ الله يعينك

عادل عوض سند كتب:: رجعتنا لحكايات كليله ودمنه

ولكن هذا الحوار انت افتعلته بحرفيه ومهارة الشاعر

الذى يريد توصيل فكره وقضيته للمتلقى .

فنجد استعراض هائل لهذا الكم من التهكمات المقصوده

على الواقع الملموس وبعيد عن الشاعريه الهوجاء .

نص ربما امتعنى اكثر عند سماعه لكونك تعرف جيداّ

مهارية الإلقاء ومتى تقف ومتى تسترسل ومتى تعلو ومتى تُخفض .

اخى الحبيب الشاعر الكبير

عطيه شواش

لا املك إلا ان اقول سلمت يدك وسلمت ايها الشاعر الواعر .

مودتى وتحيتى ..

حبيبي الغالي / عادل سند يارب مايحرمنيش من كلامك الحلو

وتشجيعك ليا ياحبيب قلبي .. تحياتي[b]

الشاعره المتميزه الابنه / رشا فؤاد

أشكرك غلي مرورك الكريم

تحياتي ..........ز

الزميل الشاعر / خالد دويدار

اشكرك من كل قلبي علي التقدير

تحياتي .........[b]

م/عطية شواش كتب:: الزميل الشاعر / خالد دويدار

اشكرك من كل قلبي علي التقدير

تحياتي .........[b]

يؤيؤيؤ
مين خالد دويدار ده
انته بتعرف خالد غيرى
ولا ده ايه

خالدنور كتب:

زمااان قال الشاعر جابر ابو حسين
ولا كل من لف العمامة زان
ولاكل من ركب الحصان خيال
والعبد الفقير بيقول
ولا كل من مسك القلم
وقال فى كلام
ولا كل من حس الوجع انسان
الاستاذ الشاعر القدير عطية شواش
هذا التصوير الشعرى فى ما اسر به القرد للحمار حفظكم الله
وما تضمنته القصيده من احوال عامه وخاصه سياسيه واجتماعيه زى ضرب النار
ولأنك ظابط الناشنكان ع الهدف فلقد اصبت
فى كل جمله صوره وفى كل صوره (ملطمه) اه ملطمه على وزن ملحمه وما استبعدش يظهر نوع من الشعر بإسم الشعر الملطمى نسمعه ومت نسقفش نسمعه ونلطم
هذه الملاطم الشعريه كا زرعت الألم المحسوس زرعت السخريه التى تداوى هذا الألم بمعنى تجرح وتداوى
ده برضه هندسه
ابداع قوى ابداع انسانى صرف من مصراوى صرف
دمت بكل الحب

حبيبي / الاستاذ خالد نور

يارب خليك ليه ودايمن فاتح نفسي

بس حلوه اوي ( الشعر الملطمي ده ) ههههههههههه

يالا نفتح مدرسه ونسميها مدرسه حسني مبارك

الثانويه الملطميه المشتركهوتكون بتخرج معددات وعيال بتسرح تشحت فطير من علي الترب ههههههههههههههههه

قبلاتي حاضره الناظر .........

حمدى البابلى كتب:

الشاعر الكبير من هنا لميدان التحرير
خلى بالك انا من طنطا
شعر لاتمل سماعه
تعيش معه بأوجاعه
وتفكر قدر مستطاعه
وضحك قلبى ساعه
يعيش شواش واتباعه

دا كلام كبير كبير يتقال فيه ميت تحليل
احيك عليه يا استاذنا ياصاحب المدرسة الشواشية
تحياتى وتقديرى

عزيزي الجميل / حمدي البابلي

يالا نفتح المدرسه الشواشيه بس يكون انت الناظر

اصل فتحت المدرسه الملطميه وناظرها خالد نور

اهو نفتح لنا شويه مدارس في الهيصه دي

تحياتي اخي لخفه الدم الطاغيه

رائع يا شاعرنا

وتحياتى

م/عطية شواش كتب:

خالدنور كتب:

زمااان قال الشاعر جابر ابو حسين
ولا كل من لف العمامة زان
ولاكل من ركب الحصان خيال
والعبد الفقير بيقول
ولا كل من مسك القلم
وقال فى كلام
ولا كل من حس الوجع انسان
الاستاذ الشاعر القدير عطية شواش
هذا التصوير الشعرى فى ما اسر به القرد للحمار حفظكم الله
وما تضمنته القصيده من احوال عامه وخاصه سياسيه واجتماعيه زى ضرب النار
ولأنك ظابط الناشنكان ع الهدف فلقد اصبت
فى كل جمله صوره وفى كل صوره (ملطمه) اه ملطمه على وزن ملحمه وما استبعدش يظهر نوع من الشعر بإسم الشعر الملطمى نسمعه ومت نسقفش نسمعه ونلطم
هذه الملاطم الشعريه كا زرعت الألم المحسوس زرعت السخريه التى تداوى هذا الألم بمعنى تجرح وتداوى
ده برضه هندسه
ابداع قوى ابداع انسانى صرف من مصراوى صرف
دمت بكل الحب

حبيبي / الاستاذ خالد نور

يارب خليك ليه ودايمن فاتح نفسي

بس حلوه اوي ( الشعر الملطمي ده ) ههههههههههه

يالا نفتح مدرسه ونسميها مدرسه حسني مبارك

الثانويه الملطميه المشتركهوتكون بتخرج معددات وعيال بتسرح تشحت فطير من علي الترب ههههههههههههههههه

قبلاتي حاضره الناظر .........

شاعرنا العبقرى
يبدو انك نسيت ان اللى ميتسماش
علم الشعب الملاطم بدرى بدرى يمكن كانوا يوزعوه فى علب اللبن البايظ بتاع الاطفال واللى مات بسببه اكثر من طفل منذ خمس سنوات بمحافظة سوهاج وطلع التقرير ان التسمم بسبب الام
مع ان الاطفال كانوا فى الحضانات
تحياتى لجميل شعرك

الشاعر الجميل الفنان الموهوب عطيه شواش
انا عندى بنت ذواقه جدا للمعانى الغاليه النفيسه
رأيها فى كتاباتك

كل كلام الشاعر عطيه شواش المفروض يدرس
فى المدارس لكن هو الرزق كدا

انت جميل وربنا مايحرمنا من كلامك الحلو

mona soliman كتب:

م/عطية شواش كتب:

أنا مش مناضل والنبي

انا حتي يمكن أجنبي

أنا افرق الحلم الجميل

والثوره تيجي لمكتبي

هزرت ويا المسلمين

والقبط باتوا في ملعبي

يامصر ليه عزمك ضعيف ؟

ملهيه تاكلي وتشربي

كل الكلاب مسكت وراك

وانتي اللي قاعده تهبهبي

ماتعضي إيد البصاصين

هوه انتي يعني حتغلبي ؟

ملهيه تكلي وتلبسي

وساعة اللعب التقيل

ألاقيكي بدري تفل .. لسي

ومش مهم العريانين

مدام ياطنط بتنكسي

..........

حمار شكا بغلته

للقاضي لم نصفه

يمكن غلط في الزلط

ولا اتوكس وصفه

طلع الميدان يشتكي

قام الميدان كسفه

هز الودان في الفضا

نزل الكلام الشين

ع الارض جه نصين

جابوا الوابور رصفه

..........

القرد قال للحمار :

مخك يعوز عمره

رد الحمار م الغيظ :

دي طيـــــــ .. ك الحمرا

الفهم مش كراس

ولا مشوارين ف الراس

الفهم حدوته

واللي يعوزه الناس

بنجيبه م النوته

سيجاره م الغاليين

مع بدلتين غامقين

مع حبتين زمره

نركب صلاح الدين

ونهد سور الصين

ماهي فوضي ياام امين

والسكر مش خمره

القرد قال : يابلاش

ديتها قطن وشاش

الثوره لما تعيش

ع الجلد والورنيش

تفيد بإيه جناحات

يفيد بإيه الريش

تسند إيديك الزير

مع حصتين تعبير

تلقي الامور بتصير

الشعب ويا الجيش

نرجع نروح الغيط

ونمشي فوق الحيط

ترجع حمير فحمير

تشبع نهيق وزريط

..........

القرد قال للحمار :

بختك .. بقيت حاكم

من غير ماتقلع شراب

أو حتي تتلاكم

جتلك علي الطبطاب

ياعم في الزيطه

جزره وقطمها غراب

ولبسنا في الحيطه

الحكم مش طوابير

كتفن سلاح ... دانه

الحكم له تدابير

تاخدك علي خوانه

الحكم يعني شعوب

عايزه قلوب دافيه

ماتسقش بالمقلوب

ماتسقش بالعافيه

صحيح عرفت كتير

وفيه حاجات خافيه

فيه صبر هد الحيل

وصبر وقع خيل

وصبر لما تشيل

يجيب لك الكافيه

..........

القرد قال للحمار:

الدنيا مش غابه

لا هيه بحر كبير

وحيتانه منسابه

ولا كل يوم تعبان

بيفك من جلده

لا تلقي فيها معيز

راكبه علي ديابه

لاتلقي فيها النيل

طالع علي شطوطه

ولاعنكبوت ع الشجر

طرطر علي خيوطه

السكه مترتبه

والنمل عارف مين

يدوسه بالرجلين

ويهد في بيوته

لاتلقي فيها الاسد

ياكل من الجيفه

لا يمشي في المنتزه

قدامه تشريفه

في الاصل اصل الاسد

مايكلش إلا ان شاء

لاعنده خزنة كبد

لا كومه م الامعاء

لا بياكل المستوي

لا يعرف النيفا

حتي الديدان في الحجر

بتبص من روسها

مفيش جمال عندنا

تجري وتدوسها

تتعب بطول الشتا

بتحوش المحصول

وتيجي جند الروم

وتبص في فلوسها

..........

القرد قال للحمار:

إعدل بكل ميزان

الدنيا من دا ودا

مش كلها ( إخوان )

متخفش من كترهم

دا الحظ زاع هزلهم

والدنيا سقت لهم

والقربه مغزوزه

الشمس طلعت لهم

وان حد راح عندهم

( جماعه محظوظه )

بيقولوا كنا وكان

والبيت عليه سجان

والله .. واحنا كمان

الدنيا كت بوظه

إديني عقلك يوم

خرجني م الالبوم

ومصر بحر يسيع

والبحر مش حيطيع

إلا ان عرفت العوم

عويم ؟؟ تعالي نقول

من غير سيوف وخيول

الحكم يعني اصول

قرآن علي روسنا

ينجدنا لو حسنا

لاكن عنيك السود

ماتعش بفلوسنا

وتبوسنا ماتبوسنا

مش كل شيخ مبروك

مش كل باب مفكوك

لا إحنا ملك يمين

ولا مصر ملك ابوك

..........

القرد قال للحمار :

النيل بيعطش ليه ؟؟

في حد جاي يشربه

دافع ذياده جنيه ؟؟

مش ماتش وحنلعبه

ونقول حنخسر ايه

ناصر .. زمان والنبي

كان هارش الفوله

يهود بتلعب هنا

بأمر م الغوله

شايف إيديها ياذوق

ولا عنيك حوله ؟؟

والغاز بلاش تديه

لحسن حنولع بيه

سامع ومش سامع

واللي يعوزه البيت

يحرم علي الجامع

..........

القرد قال للحمار :

بختك ياعم بخيت

نضفنا ليكو البلد

وكنسنا ليكو البيت

رصص رفوفك بأه

وريها للمخاليق

خللي البشر تفرزه

ولسانها يبقي طليق

الفتنه في المبتدا

عيال تكيد في عيال

مفيش عقول في الخبر

مفهش حاجه حلال

ولا قاعده حتحلها

صليب في حضن هلال

لو ماتوا كل القبط

في مصر ترتاحوا ؟؟

ولا ان فتحنا البلد

وهبه ... إنزاحوا

والله من بأسكم

تنداروا في نفسكم

الكل بسلاحو

عايز تفض الفتن ؟؟

يعود زمان الحال ؟؟

ده في قانون في الوطن

بلاها لعب عيال

..........

القرد قال للحمار:

صابتني فيك حيره

إعمل مايملي عليك

فضك من الجيره

إن كان حداك أنياب

الأكره جوه الباب

إفرز غيطان الغاب

وطلع النصاب

يابو اللسان كداب

يابو السنان عيره

صابتني فيك حيره

فضك من الالقاب

معدش فيه أعصاب

الثوره مش تغيير

كلبين فتيجي كلاب

الثوره في التحرير

قامت عشان مانام

الثوره مش تدبير

تاخد وتدي بكام ؟؟

الثوره حلم كبير

ماتحققوش احلام
_______________________________
فلسفة عميقة ، جرأة فى طرح الفكرة ، لغة طيعة
أحسدك عليها
الشاعر المبدع /م.عطية شواش
دى مش مجرد قصيدة ، دى مجموعة من الدروس المستفادة فى كبسول
صباحك إبداع

الشاعره الرائعه د / مونا سوليمان

أشكرك علي ذوقك ورقة شعورك

تحياتي .......زز

ايه الإبداع ده يا شاعر يا كبير

لالالالالالا

ده احنا كده نخلينا في البامية والملوخيه أحسن

ونسيبنا من موضوع الشعر ده

طبعا هنروح فين جنبك

هههههههههههه

تحياتى يا بابا

الشاعر الكبير شاعرى المفضل والدى العزيز

استاذ عطية شواش والله فعلا زى ما بتقول دعاء كده نخلينا فى البايمة والملوخية والسمك كمان واحنا الى نحاسب هههههه ده فاههنى بجد يابابا مش عارف اتكلم بعد هذا الا بداع الى لا يوصف
اسف لتاخيرى لاسباب خارجة عن ارادتى
دمت بكل حب وجمال
تيمو

عبدالله برعى كتب:: اشطه ياحج

باميه يا حاج ............

بالهنا والشفا [b]

محمد عبد الواحد كتب:: الشاعر : عطية شواش

نحن أمام مهندس الثورة

وضعت أساس للقصيدة

ورميت القواعد والعمدان

والنتيجة كانت ( برج عالي )

من الحروف والكلمات

الجميلة الراقية الو اعية

لذا جعلتني أسكن في

برجك الشعري

لأستمتع

تنور البرج والله وحديلك دور بحاله

احنا دكي الساعه

اشكرك اخي محمد علي لطفط وذوقك ... تحياتي[b]

القرد قال للحمار :

بختك .. بقيت حاكم

من غير ماتقلع شراب

أو حتي تتلاكم

جتلك علي الطبطاب

ياعم في الزيطه

جزره وقطمها غراب

ولبسنا في الحيطه

الحكم مش طوابير

كتفن سلاح ... دانه

الحكم له تدابير

تاخدك علي خوانه
.
شاعرنا الكبير عطيه شواش
الله عليك بجد
فنااااان ومبدع ورئيس .......... قسم

» انثي نمرتفترس انثي قردحامل فانظروا ماذا فعلت مع القرد الوليد