الابن البار

عشت سنينى أعلم وأربى
والألم أدارى وأخبى
حطيت عيالى فى قلبى
خلتهم حتة منى
عشان أحس بيهم
خلتهم كل سنينى
عشان أعلم فيهم
الآه منهم كانت بموال أحزان
والضحكة منهم كانت فرحة بجنان
وما أنساش معاهم يا ناس حياتى
ولا أجمل ذكرياتى
قضيت حياتى أدعى
إحفظهم يا رب الكون
قضيت سنينى خايفة عليهم بجنون
والنهاردة محدش قلبه عليا
ولا حد يقوللى إنتى فين فى دى دنيا
عندى تلاتة ولاد
ليهم مع الرحمة عناد
يا ولاد مش عايزة منكم حاجة
لأن أنا مش محتاجة
أنا بس عايزة أطمن عليكم
لأن أنا روحى فى إيديكم
يا ولاد صلة الرحم
يا ولاد هو الحب إنعدم
مين الشيطان
اللى شال الرحمة من القلوب
إللى خلى القسوة علينا مكتوب
كبرنا فى السن ومحتاجين حب يدوب
أنا مش طالبة فلوس
ولا عمارة فى خيرها أدوس
أنا طالبة ابن رحيم
يجى فى ليلة عيد وعلى إيدى يبوس

أستاذ عادل عوض سند أنا بستفاد من نقد حضرتك ليا وبحفزنى للأحسن فأتمنى إنك تتابع مواضيعى وتنقدنى دايما لأن دا طبعا بيحسن منى وشكرا

أستاذتى أميرة بلاوطن شكرا لكى وأتمنى منك متابعة مواضيعى وإرشادى