عرف الهوى

فعرف الهوى


أحبها فعرف الهوى
تزوجها بوزها إتلوى
لما الهوا ما يجيش سوا
يبقى الجواز مالوش د وا



طبعا لازم تتحكم فيه
شوية تحايل وشوية تتقمص
والثانى مش فاهم ليه
يوم تمر ويوم نوا




جرجرته على الخلفة
وعودته على السلفة
عايش غرقان فى ديون
ونايم قلبه بيتشوى




اللى قال إن الجواز أمان
غـلطان وستين غـلطان
ومـا يعـرفش الستات
وعقله طاير فى الهوا






زمان قالوا فى الأمثال
قبل ما تناسب حاسب
بس ما قالوش من آيه
والى بيوقع ياعينى عليه



يعيش حياتـه كـده
دايس على قلبه رجليه
واللى يفكر يكررغلطته
يبقى حفر قبره بإ يديه



زى الغلبان يطـلع مـن
حـفرة ويقع فـى دحديرة
واحدة زقته والثانية إستلمته
والناس واقفة تتفرج عليه



نـصيحـة يـا أبـن آدم
ما تغـلطش غلـطة أبوك
ومن جنة العزوبية يخرجوك
واللى تبات فيه تصبح تلاقيه

الاستاذ الشاعر

مراد سليمان

زجليه جميله عرضت فيها نتيجة التسرع وعرضت الوجه المظلم

ولم تعرض الوجه المضيء للزواج . وللستات خصوصاّ .

ههههههههههههههههههههههههههه

بس زجل اجتماعى ساخر واضحكنى .

مودتى وتحيتى ..