ثورة وثورة بالمقلوب

أحمد عبد الرازق كتب:

اكتر حاجه هحييكي عليها هي جراتك في الطرح رغم انك اكيد عارفه انك هتتعارضي بخصوص الجمال الاولاني الا انك كل الي قولتيه ليس بتزييف وانما حقائق وربنا يصلح حال البلد دي بقى ويستر علي الثوره الي مكملتش
احييكي الشاعره الجميله منى سليمان على رؤيتك الواعيه وجراتك

-----------------------------------
أخى الكريم الشاعر
أحمد عبد الرازق
رؤيتنا وتقييمنا لرموز معينة فى تاريخنا بتختلف من شخص لآخر ، ولازم نحترم رؤية كل واحد ومانخافش إننا نقول رأينا بشجاعة وحرية ، المقارنة هنا فى حاجات معينة أنا شايفة إنها زى ماإنت قلت واقعية
سعيدة بمرورك وتعليقك
تحياتى
أتمناك بخير

الشاعر محمود قطب كتب:

استاذه منى
اما عن مقدرتك الشعريه
فهى لاغبار عليها وتعلمين رائى
فى كتاباتك من خلال ردودى السابقة
اما عن مضمون نصك فأنا ارفض وبشده
مقارنة جمال عبد الناصررمز التحدى والصمود
بالسفيه ابن السفيه جمال مبارك
فالبون شاسع اختى الغاليه بين كلاهما
وساكتفى بنقطه واحده فقط
وهى رؤية غير المصرى للمصرى
فى عهد كلا الجمالين
ففى عهد الاول كان المصرى فى عين اخوته العرب
نموذج للتحدى والاصرار والكرامة والاباء
اما فى عهد الثانى فالمصرى معير ويعامل بدونيه
حتى من اخوته العرب
هذا بالاضافه الى ان ما ذكرتيه
عن دخولنا فى حروب متتاليه فى عهده
فليس ذنب ناصر ان الغرب انذاك
كان حيوان طفيلى استعمارى يريد ان يقتات امال الشعوب و كلما حاولت احدى تلك الشعوب النهوض
ابى الا ان يخضعها ولو بقوة السلاح { 1956 }
اما عن حروبنا خارج مصر فكانت ضروريه من عدة اوجه اهمها الدفاع عن عمق مصر الاستراتيجى
والتاكيد على زعامتها وريادته فى المنطقه
وفى النهايه اختى الغالية اقر بأن فى تلك الحقبه كان هناك العديد من السلبيات
لكن اوؤكد ايضا انها كانت زاخره بالايجابيات
اسف للاطاله واتمنى منكى اتساع الصدر
دمتى فى طاعة ربك

________________________________________
أخى الكريم الشاعر
محمود قطب
شكراً للمشاركة وإسمح لى بالرد
المثل بيقول اللى سمع غير اللى شاف ، أنا كنت قريبة من الأحداث فى عصر عبد الناصر وعارفة بأتكلم عن إيه، أما اللى بنقراه فى الكتب عنه فدا كلام تانى
أنا هنا قارنت بين ثورتين على قد ماأقدر ، ثورة 52 وثورة 25
زعيم الأولى والسبب فيها باعنا زى ماقلت لمصلحتة طموحاته الشخصية فى زعامة عربية ، دخلنا حروب كتيروفقدنا شهداء بالمئات من خيرة شباب مصر، كل دا بسبب سوء تصرفه ؛ياريت تقرا للمحللين السياسيين والعسكريين( مش اللى عندنا ، اللى بيزيفوا كل حاجة لمصلحة الحاكم)، ح تعرف الأسباب والملابسات والنتائج المترتبة على كل حرب
التانى باعنا برضوا لمصلحة طموحة فى سيادة مصر سياسياً وتحقيق ثروات طائلة على حسابنا وحسابها
والإتنين أمعنوا فى إذلال وسجن وتعذيب وقتل كل حر قال لا للإستبداد. لما نقارن بين الإتنين من حيث ثروة كل واحد منهم كام نبقى ظالمين لأن أولاد الأول وأصهاره من أوائل المستفيدين من عصر التانى وسياساته هو وأبوه وبقوا مليارديرات ، دا غير اللى كلنا عرفناه عن أشرف مروان وتم التعتيم عليه
أخى الكريم الزعامة مش بالنية إنما بالنتيجة النهائية ، البلد وصلت لإيه ؟ تطبيق الديمقراطية والحرية فى التعبير عن الآراء السياسية؟ مستوى دخل الفرد والتعليم والصحة ؟
وفى النهاية كل منا له تقديره وتقييمه والإختلاف فى الرأى لايفسد للود قضية مادمنا بنعبر عن آراءنا بصراحة وحرية
تحياتى
دمت مبدعاً

________________________________________
أخى الكريم الشاعر
محمود قطب
شكراً للمشاركة وإسمح لى بالرد
المثل بيقول اللى سمع غير اللى شاف ، أنا كنت قريبة من الأحداث فى عصر عبد الناصر وعارفة بأتكلم عن إيه، أما اللى بنقراه فى الكتب عنه فدا كلام تانى
أنا هنا قارنت بين ثورتين على قد ماأقدر ، ثورة 52 وثورة 25
زعيم الأولى والسبب فيها باعنا زى ماقلت لمصلحتة طموحاته الشخصية فى زعامة عربية ، دخلنا حروب كتيروفقدنا شهداء بالمئات من خيرة شباب مصر، كل دا بسبب سوء تصرفه ؛ياريت تقرا للمحللين السياسيين والعسكريين( مش اللى عندنا ، اللى بيزيفوا كل حاجة لمصلحة الحاكم)، ح تعرف الأسباب والملابسات والنتائج المترتبة على كل حرب
التانى باعنا برضوا لمصلحة طموحة فى سيادة مصر سياسياً وتحقيق ثروات طائلة على حسابنا وحسابها
والإتنين أمعنوا فى إذلال وسجن وتعذيب وقتل كل حر قال لا للإستبداد. لما نقارن بين الإتنين من حيث ثروة كل واحد منهم كام نبقى ظالمين لأن أولاد الأول وأصهاره من أوائل المستفيدين من عصر التانى وسياساته هو وأبوه وبقوا مليارديرات ، دا غير اللى كلنا عرفناه عن أشرف مروان وتم التعتيم عليه
أخى الكريم الزعامة مش بالنية إنما بالنتيجة النهائية ، البلد وصلت لإيه ؟ تطبيق الديمقراطية والحرية فى التعبير عن الآراء السياسية؟ مستوى دخل الفرد والتعليم والصحة ؟
وفى النهاية كل منا له تقديره وتقييمه والإختلاف فى الرأى لايفسد للود قضية مادمنا بنعبر عن آراءنا بصراحة وحرية
تحياتى
دمت مبدعاً
diwani]

]
الغاليه منى سليمان
اولا حضرتك واحده بس من اللى شاف اقصد من المعاصرين لناصر وهناك الملايين الذين عاصروه ويكنوا له كل احترام وتقدير
اما عن سعيه المتواصل تجاه المجد الشخصى والزعامه زى ما قلتى فده برضه كلام غير صحيح من وجهه نظرى ولو حضرتك تفتكرى هتلاقى ان الراحل مات
وهو بيحاول يصالح السلطات الاردنيه على الفصائل الفلسطينيه بعد نزاع ما عرف بأسم ايلول الاسود
وهنا اسمحي لى اسئلك هل من الممكن ان يتملك النفاق قلب احد حتى يتظاهر حتى فى اخر لحظات حياته وهو على فراش الموت بخلاف ما يبطن
انا شخصيا ما افتكرش
ثانيا من خلال رد حضرتك قسمتى المحللين السياسين الى قسمين قسم يفهم ويعرف لان رائيه موافق لرايك
والقسم التانى مدعين ومنافقين لان لهم وجهة نظر مخالفة وده اسمحي لى اخت منى يفقد طرحك للموضوع الكثير من الموضوعيه
ثالثا بالنسبه لزوج بنته اشرف مروان وان كان افسد الناس الا ان ده ما يضرش ناصر لامن قريب ولا من بعيد وطبعا حضرتك عارفه ان بعض الانبياء كان لهم ابناء عصاه وضالين ومع ذلك لم يقدح هذا فى مكانتهم ولا قداستهم
رابعا بالنسبة لانجازات ناصر فهى
ا تأميم قناة السويس
ب بناء السد العالى
ج توفير الكهربا والطاقه
د تكوين اول نواه لحلمنا الوحدوى مع سوريا اللى لولا التامر الغربى والعربى لبقيت حتى الان
هذا بالاضافه الى مجانية التعليم والاصلاح الزراعى وانتقال عدوة القوميه والوطنيه الى العديد من الدول العربيه والافريقيه
وفى النهايه انا بتاسف لو كنت تجاوزت غير قاصد
واتمنى ان يتسع صدرك لرايي
ملحوظه
لوعبد الناصر كان موجود ساعة كامب ديفيد
كان هو اللى قتل السادات ولو ما كنش عرف يقتله
كان انتحر
ولو موجود اليومين دول ما كنش قدر جنس مجدع فى دول المنبع يبنى سد واحد يهدد حصة مصر
دمتى اختى بخير حال

عادل عوض سند كتب:

الاستاذه الشاعره

منى سليمان

نصك جميل وانا قرأته وتعجبت .

من اين اتيتى بما كتبتيه عن زعيم الامه للآن الزعيم الخالد

جمـــــــــــــــــــــــــــــال عبـــــــــــــــــــــــــد الناصـــــــر ؟؟

وكيف طاوعك قلمك ان تضعى الاسمين فى ميزان واحد ؟؟

وانتى هنا كتبتى :

عزلنا يامصر عن دنيا

بتتقدم ونتأخر

وعكس كلامك . ففى عصر عبد الناصر كان المواطن

المصرى سعره ومكانته بين الامم اغلى واكبر .

مامن زعيم إلا واحبه . حتى اعدائه اشادوا به بعد موته .

وانتى تكتبى هذا عن رجل كان كل همه النهوض بمصرنا

وكرامتنا كمصريين .

كفى كلمة جولدا مائير بعد وفاته عندما قالت :

فقدنا خصم شريف . وقد كلفنا عبد الناصر فى حرب الاستنزاف

التى اعلنها علينا خسائر لم تخسرها اسرائيل فى اربعة حروب .

حرام ان نظلم من احب هذا البلد واحب شعبها .

واكبر حرام ان نقارن بين { الجمالين }

عبد الناصر يا منى لن تعوضه مصر ولم تُنجب مثله للآن .

لاحول ولاقوة إلا بالله العلى العظيم ..

.............................................
أستاذنا المبدع عادل عوض سند
واضح إنك ناصرى حتى النخاع
المقارنة هنا غرضها إن العهد دا بدأبثورة 52 وإنتهى بثورة 25 يعنى الرقم مقلوب كما إنه بدأ بجمال وأتمنى إنه يكون إنتهى بجمال، عهد فقد فيه المواطن المصرى حريته ، مفيش حد بيستمع له ولا بيسأله إنت عايز إيه ، مش مهم ناصر كان غرضه إيه ؟ المهم نفذه إزاى ، كان سلاحه الإجبار والقهر ، ياترى عمل إستفتاء وسأل الناس إن كانوا موافقين على أى قرار أخده؟ طبعاً لأ لأنه دكتاتور حقيقى ، وأنا ضد دكتاتورية إتخاذ القرار وتنفيذه حتى لو كان فى ظاهره لمصلحتى.
والإتنين ياأستاذ عادل أفلسوا الشعب المصرى ، مش مهم إزاى ،المهم النتيجة النهائية واحدة ، المواطن المصرى سجين طوابير العيش . أنا مش مستغربة إن الشعب المصرى منه نسبة كبيرة بتحب زعامة ناصر لأن حتى فى ألمانيا فى ناس مؤمنة بهتلر وفى إيطاليا ناس بتقدس موسلينى ، بينى وبينك أنا كرهت إسم جمال لأن الناتج دايماً بيكون بشع.
نيجى بقى لسعر المصرى ومكانته بين الأمم، المصرى كان له سعر فى بداية عهد عبد الناصر ، لأنه كان لسه مافقدش مكانته اللى طول عمره محافظ عليها ، إنما بعد ماتم إفقار البلد وتحطيم إقتصادها وإضطر المصريين يسافروا يشتغلوا فى الدول العربية كنا بنتعامل معاملة سيئة كأنهم بيخلصوا مننا ذكرى سنين كانوا بيمدوا إيدهم لمصر ياخدوا منها معونة .
جايز تكون ماشفتش اللى أنا شفته ، جايز كمان ماتكونش عرفت عن ممارسات ناصر اللى أنا عرفته ، إنما يبقى لك ولى حرية الرأى وكل منا له أسبابه وقناعاته.
شكراً لمشاركتك بالرأى
دمت بخير

أخى الكريم
الشاعر محمود قطب
لو جمال عبد الناصر موجود لليومين دول كنا ح نوصل لنفس النتيجة ونقوم بثورة لخلعة ويمكن من كام سنة فاتوا ، المشكلة اللى بنتجاهلها إن اللى أفسد عصر مبارك هم رجال عهد ناصر لأنهم لسة موجودين وربنا مطول فى عمرهم ، أما بالنسبة لمشكلة مياه النيل وإن مفيش حد كان ممكن يبنى سد عليه فإنتوا بتدوا لناصر قوة جبارة وهو فى النهاية إنسان ومصدر قوته كان الشعب المصرى ، مش هو مصدر قوة الشعب المصرى زى مابتحبوا تصوروه، شعب مصر مش محتاج لزعيم مكرر لناصر والا الثورة التالتة مش ح تتأخر كتير.
أما بالنسبة لكلامك عن حبيب مصر والشعب المصرى الرئيس السادات الله يرحمه فإسمحلى إنى أقولك إنه زعلنى بجد ، قارن بين مكاسب مصر وخسائر سوريا والفلسطينيين ، السادات شال روحه على إيده ودخل الكنيست وهو عارف إن قتله كان وارد . تفتكر علشان مين؟ ردلنا سينا كلها ، شرم الشيخ اللى متنعم فيها حسنى مين اللى رجعها ؟ إخفاق خليفته فى الإستفادة من المكاسب دى فى إعمار مصر وتطويرها مش ذنبه، مش ذنبه إنهم تعاونوا مع إسرائيل وباعولها الغاز المصرى وأوهمونا إن دا نص صريح فى معاهدة كامب ديفيد اللى ماحاولناش نقراها ولانفند بنودها وبنصدق اللى بيقولوه لنا وبس وماسألناش نفسنا : ليه السادات نفسه ماعملش الخطوة دى مادامت المعاهدة بتنص على كدا؟
معاهدة كامب ديفيد كانت الحل الوحيد قدام السادات وماتنساش إن الإسرائيليين غير راضيين عنها بدليل إنهم إغتالوا إسحاق رابين .
السادات حفظ مصر وشعب مصر فى قلبه ، تسلم بلد إقتصادها تحت الصفر وشعبها بيعانى، تخيل أب حياة وكيان أولاده مهدد ح يعمل أى شىء ينقذهم به كحل مؤقت للخروج من أزمة كانت ممكن تنهى مصر كلها لدولة محتلة من إسرائيل. وكأى زعيم المستفيدين من عصر عبد الناصر حاولوا الإلتفاف عليه وكانوا السبب فى بعض التصرفات الغير مرضية فى أواخر حكمه ، ولما ماقدروش على التغيير اللى عايزينه كان الإغتيال هو الحل الأمثل ، مش لازم يبقى بإيديهم إنما ممكن يتغاضوا عن إحتياطات أمنية معينة توصل المتآمرين لهدفهم ، دا طبعاً مش مجالنا ومش ح نخوض فيه.
ولو بتستشهد بجولدا مائير فطبيعى إنها تقول كدا عن شخص كان وجوده وتوجهاته السياسية واضحة ومكشوفة بالنسبالها وكان بيديهاشعبية كبيرة جوا المجتمع الإسرائيلى تضمن إستمرارها فى الحياة السياسية,اللى عمله السادات كان السبب فى تقديم إستقالة جولدا مائير وخروجها من الحكومة الإسرائيلية ومن المشهد السياسى.
بالنسبة للأعمال الخالدة لناصر
تأميم قناة السويس كان أول قرار سياسى خاطىء له ، لأنه كان باقى كام سنة وينتهى عقد الشركة وترجع القناة لمصر وقراره كان السبب فى العدوان الثلاثى واللى أشيع إننا إنتصرنا فيه بقوتنا وعزمنا الجبار ودا غير صحيح بالمرة ، أمريكا هى اللى أصدرت أوامرها بإنهاء العدوان لأنها لم تستأذن وقتها قبل شنه ، لو الموقف دا النهاردا مش ح نحصل على نفس النتيجة لأن إسرائيل مابقتش الولد الصغير اللى بيسمع كلام أبوه .السد العالى والكهربا دى مشاريع قدمتها روسيا ووافق عليها جمال مش إختراعه، ولو أى زعيم غيره كان ح يعمل كدا ، دا المفروض إنه يعمله والا إيه؟
أما بقى بالنسبة لزوج بنته فأنا معجبة جداً بشعبنا اللى بيكيل بمكيالين ، يعنى نرفض البرادعى ونقول عليه ماينفعش زعيم لمصر لأن بنته لبست مايوه وهى متجوزة وعايشة فى بلد تانى ، ونرضى إن زوج إبنة جمال عبد الناصر يكون جاسوس لإسرائيل لعشرات السنين وأثناء حكم جمال عبد الناصر ونرحب بزوجة أشرف مروان وأولاده ونفتحلهم صدرنا ونلاقى الأعذار لعبد الناصر ونوهم نفسنا إنه خدع ! أشرف مروان كان همزة الوصل بين جمال والحكومة الإسرائيلية فى مفاوضات وإتصالات غير معلنة وحرب 67 السبب الأول فيها هو جمال عبد الناصر لأنه خدعنا وأوهمنا إن جيشنا قوى وفى الحقيقة جيشنا كان ضعيف ومنهك نتيجة الزج بيه فى حروب ملناش علاقة بيها وعدم تسليحه بصورة جيدة دا غير إنه خدع من الإتحاد السوفيتى اللى رتب لقيام الحرب وسعى إليها، وفى النهاية زى أى زعيم حر لبس الليلة لعبد الحكيم عامر وإغتاله بالسم وإدعى إنه إنتحر لإحساسه بالمسئولية والحقيقة إنه قتل لأنه واجه عبد الناصر وأعرب عن إستعداده لتولى حكم مصر بدلاً منه.
أشرف مروان قد يكون شريك فى توجه الزعيم المخلوع وأولاده لتجارة السلاح والتعاون مع إسرائيل بالشكل المخزى اللى كلنا عارفينه وممكن التعاون دا يكون سبب السكوت عن فضيحة أشرف مروان وقتلها إعلامياً وطبعاً شعبنا مطيع وبيسمع الكلام وينسى اللى حكومته عايزاه ينساه قوام.
أما بالنسبة للمؤرخين بتوعنا فإسمحلى وعَدِدهم ، هم مين ومين شيخهم ؟ هيكل، مش كدا؟ هيكل شريك مباشر لعبد الناصر فى كل قراراته وصراحته تعنى إدانته.
بالنسبة للملايين اللى لحد النهاردا بتمجد عبد الناصر فأنا أوعدك إن بعد أربعين سنة من النهاردا ح يكون فى ملايين بتؤيد مبارك وتدين الثورة لأنها خلعته.
حلمنا الوحدوى مع سوريا ماإتهدش بالتآمر الغربى وإنما برفض الشعوب للوحدة وخلاف الزعماء على كيفية تطبيقها ، المجتمع السورى كان مختلف تماماً عن المجتمع المصرى والوحدة بين البلدين كانت فرقعة إعلامية لكسب الجبهة الداخلية ونتائجها كانت معروفة ومحسومة.
لو عايزينى أقول ممكن أتكلم للصبح عن التأميم وقانون الإصلاح الزراعى وغيره من قوانين أدت للى إحنا بنعانى منه النهاردا، ولو عايز تدور ورا الأراضى الزراعية وإقطاعيينها الجدد ح تلاقى ملايين الفدادين مملوكة لأحفاد زملاء جمال عبد الناصر فى ثورته على الإقطاع .
عيبنا إننا بندور على زعامة عنترية حنجورية ، عايزين نسمع خطب رنانة تلهب حماسناوبنرفض اللى يكلمنا ويفوقنا على الواقع اللى عشناه وبنعيشه .
الشاعر الجميل محمود قطب ، أشكرك لمشاركتك لكن صعب إنك تغير مفاهيم إترسخت جوايا من تجارب وأحداث عشتها وقريت عنها ، صعب إنك تمحى من ذهنى صورة جنودنا وهم بينطوا من سقف لسقف ويغيروا الملابس العسكرية بملابس مدنية بعد ماخلصت زخيرتهم ويتقبض على زملاءهم ويتقتلوا قصاد عينى ، صعب تنسينى صورة دمهم والرمل المصرى بيشربه لأنهم خدعوا وقيادتهم إتخلت عنهم لأنهم ملهمش تمن. صعب كمان تنسينى صورة الجنود المصريين اللى راجعين من اليمن بعاهاتهم الجسدية والنفسية ، وصعب أنسى شهادة أحد رجالات ناصر عن تعذيب أصحاب الرأى وقتلهم فى السجون بدم باردبعلم ومباركة جمال عبد الناصر نفسه.
إحنا مش محتاجين زعيم يفرض علينا إرادته بالنار والحديد، الشعب المصرى محتاج رئيس منفذ لإرادة الشعب.
أشكرك لمشاركتك وبجد أنا سعيدة جداً بيها لأن من حقك تحب زعيم وتعجب بالصورة اللى رسمها لنفسه ورسمها له مؤرخينا ومن حقى أنا كمان أنتقضه وأخالفك رأيك
صباحك سعادة
دمت بخير

م/عطية شواش كتب:

مونا سوليمان .. وكمان بتغلطي في عبد الناصر قدامي ؟؟

طب مش رادد علي القصيده بالعند فيكي

وكمان مخاصمك ومكشر في وشك وحديكي ضهري .. أهويالا

....................................
م/ عطية شواش
مبدع العامية
بشويش عليا
شوية شوية
غلطى ف ناصر
لايفسدفى
الود قضية
ماتدققش
ف الوزن
واقبلها كدا
زى ماهى