واكبري ياحدود مدينتي

واكبري ياحدود مدينتي


( 1 )

واكبري ياحدود مدينتي
عدِّي فوق جسر الهزايم
عَدِّي فوق كلّ الحٌطَام .
واطولي يانخل عالي
إطرحي عَرَق الكلام .
ضَلِّلي فوق ألف مَدْنَه
ضَلِّلي حبّ وسلام .
هُوَّا قلبك هُوَّا هُوَّا
لِسَّه بيحب الحمام .

( 2 )

واكبري ياحدود مدينتي
إمحي من عمرك سنين .
فيها ضعتي م السنين
والزمن عدَّى وتاه .
شاف عيونك دابلنين
قال دا كهف غريب وتاه .
كهف مليان بالديابه
والديابه منتهاه .
نهشوا وشِّك شوِّهوه
والمعالم ذى عمري
مجهولين ..

( 3 )

واكبري ياحدود مدينتي
عَدِّي فوق كلّ الحدود .
والزمن وياك يدور
لَمّْ جرحِك ،شَقّْ فرحِك .
رنّْ صوتك قال سِمِعتُه
صوت حبيبتي اللي رَضَعتُه.
همسه همسه يوم بيوم
نبض إحساسي وساعته .
ياحبيبتي أنا جاى تاني
أقتل الجوع اللي جوعته .
إدَّني ياحدود مدينتي
صَحِّي ف عينيك الوجود .

( 4 )

واكبري ياحدود مدينتي
كَبَّرِي فوق ف العلالي .
فوق سنابك نور بتاعتك
واهجري سكة وَدَاعتِك .
وانقشي وش الزمن
خط عمرك من براعتك .
وارسميني ف كف يدِّك
ذى عصفورك وِدَاعْتِك .
دانتي يامهرة زمانك
ربِّة الصون
والعمايم ..

معز الهنداوي
الجنوبي)

2010-04-12
وِداعتك : مفرده عراقيه بمعني وغلاوتك

تنقل للعامية
و تشترك بالمسابقة
مع خالص الود