صحى النوم

(صحّى النوم)

لسّاك نايم برْضٌه يامصرى
وعمّال تشكى تقول مظلوم؟
لأ ياحبيبى العمر بيجرى
فوق من فضلك صحىّ النوم
,,,,,
اوعه الماضى يأثـّر فيك
واللا يهوّب من نواحيك
دا انت لمست السما بأديك
راق الجو ماعادش غيوم
,,,,,
وبدَأت سنين الحرّية
وميلاد الأمّه العربية
وهزمت الفتنة الوطنيّة
وبنيت الوطن المهدوم
,,,,,
والثورة كتـَبتْ مواليدك
وتاريخها أصبحْ يوم عيدك
مصنوعه بفكرك وبأيدك
مدعومه بدعوة مظلوم
,,,,,
انفـُضْ كلّ غُبار الماضى
وخللىّ ضميرك حىّ وراضى
وانكر ذاتكْ قول يابلادى
عمرى ماهارضىَ ابات مهزوم
,,,,,
شـُق الأرض ولِفّ السّير
وازرع فيها تقاوى الخير
وابنى لحُبّك صرْح كبير
تلقى الرزق بينزل كوم
,,,,,
مصر بلدنا ورجعت لينا
بعد ماتاهت من حوالينا
فرحانه ومحتاجه ايدينا
بالعقد اللولى الملضوم
,,,,,
محتاجه سواعد رجّاله
مش وقت الايد البطاله
ولا ناقصه برامج وقواله
وجنابك غرقان فى النوم

كلمات/سعدالشرقاوى
لحن وغناء/محمد الالاتى
,,,,,,

اشكر لكم مروركم الطيب
اخى الاستاذ
عادل سند
بارك الله فيكم
ولاحرمنا نيل توقيعكم
لكم كل المحبة والتقدير