قصيدة من ديوان ممنوع من الطبع"من غير ثمن"

من غير ثمن


مابين رجلين كواها المشى

وايد تخطف وتتصارع

سابتنا التوهه ف السكة

رمانا الماضى لمضارع

واناكنت ابنك انت وبس

مارد فارد بطول فارع

واسد ننى عين الشمس

عشان خاطرك...وانا الصانع

واناليكى ودايب فيكى

وانا القايل وانا السامع

وجيتى انت ف عز الضهر

عشان ترمينى ف الشارع

وانا...أناالعاشق للون فقرك

وانا...أناالشارى لتوب طهرك
_
وانافجرك ...ونول مهرك !!!
’
وانامهرك...ف عز الويل

واناالناى اللى يعزفلك

واناالموال وبيكى عليل

واناراجلك... واناطفلك

واناعنيكى اللى بتشوفلك

واناالمتخبى مكشوفلك

وانارملك ...واناطينك

وعاشق طيف محبينك

وبارسمنى على جبينك

تاريخ امبارح اللى فات

وحلم ف بكره لساه جى

وساكن راضى باتراضى

بطوبك......نى

وباتمنظر وباتباهى

على الساكنين ف أفخم حى

وبآكل فول وعيش مبلول وطعميه

وعاشقك لوتشوفك عين

ياورقة توت منديه

يا بنت الاييييييييييييه

جمالك ايييييييييييييه

ف عصارى الصيف وشتويه

ولبلابه...وصفصافه

بتغسل شعرها السايح

ف نهرالنيل على ضفافه

ونسمة حب هفهافه

ياحريه ياعصريه

ياصاحيه بشمس صبحيه

مانيش قابلك عشان قرشين

وبيت فاره

داناعاشقك كدا بعبلك

بكل مافيكى لو كاره

مانا منك يادوب منك

مانيش قدك ولا ف سنك

لكن باقدر أزيح عنك

ماناانت لانك نور شموسى انت

وانت الكلمة لوصادقه

وانت الحكمه فى صمتى

واناغرقان باشوفك طوق

مانابيكى رقبتى لفوق

وعاشقك لماشح الشوق

وراسمك والنهارطالع

ف طلعة فجر ف عزالضهر

فانوس ف الليل يطبطب نوره

عالشارع

وصوت عصافيرك الخضرا

وطيبة أهلك الفقرا

وطينة أرضك السمرا...

على بعضك كدا بعبلك

جمال العيشة والعشرة

طب تآمنى بايه وانااحلفلك

تآمنى باييييه يابنت الاييييه

أناعاشقك ولو حتى مافيش ف جيوبى


رببببببببع جنيه




مجيب عيدأحمد
عضورابطة الزجالين وكتاب الاغانى
عضومنتدى المثقف العربى
عضورابطة مضطهدى أمن الدولة سابقا

..............
الاستاذ الشاعر الجميل \محيب عيد
ايه دة كله يا استاذ بالراحه علينا حبة
واحدة واحدة حقيقي ما أروعك أنت كما عهدتك
تحمل الكثير والجميل شاعر له رؤيه ثاقبة اما بالنسبة لأخونا البعدا أنت ما كنتش وحدك ولا أيه ولا أفكرك بلاش عموماَ أبدعت يا جميل تسلم الايادي اشوفك على خير مع تحياتي وكل تقديري . (أبوسرحة)
............

أستاذ عادل عوض كتب"

الاستاذ الشاعر

مجيب عيد

قصيده من ديوان ممنوع من الطبع !!!!

وكيف يطبع وهو يقول الحق ؟؟؟

الله ينور اخى مجيب .

قصيدتك جميله وكتبت خاتمه اكثر من رائعه .

مودتى وتحيتى ...

وسام منك نفيس

أضعه على صدرى

تقبل صداقتى ياعزيزى

الاستاذ حمدى شبانة كتب"

الأســـتاذ

المـبـدع

مُـجــيـب عـيــد

الله الله الله .. يـاشــاعـر

أمـتـعـتـنــى والله بـكـلـمـاتـك الرشـيـقـــة

وعـبـاراتـك المنـتـقــاه بـحـرفـيــة عـالـيـة

ومـــفـرداتـك البـديــعـة جـداً

لـك الـشــكــر بـمـقــدار مـاأمـتـعـتـنـى

بـرائـعـتـك ( مـن غــيـر تـمـــن )

لك مـنـى كـل المــودة
حمدى شبانـة



_________________

يـــامـيــن يـجــيـب
قـبــل مـاعـُـمـرى يـغـيـب
حـبِّــة رتـوش صُـغـيَّـــرة
لِـشـَـعْـرى صـبــغـــة ...!
ولـقـلـبــى صـنـْـفـَــرة ...!
--------------------
حـمـدى شـبـانـة

أخى العزيز أشكرك على رقتك ورهافة حسك

وتذوقك العال

ومجاملتك الرقيقة

وياريت

تشوفلى صبغة معاك

يا ابن الأيه جبت الكلام ده منين الشعار الرائع مجيب عيد تحياتى لابداعك الراقى