السلم والتعبان والكلب

السلّم والتعبان كما بنلعبها زمان

وما كنتش افكر ابداّ دلوقتى العبها كمان

واللعبه اكمنى عارفها بعيونى الجوز وشايفها

حسيت الزهر ف إيدى راح يلعب بس خايفها

ماهو اصل اللعب إتطوّر واضفت اليها .. إتصوّر

دخّلت الكلب اللعبه آخرتها عليّه إتدوّر

تِعبانها واصبح حيّه عالسلم طالعه وجايّه

والكلب مُكلّف إنه فى رقبتى يلف الخيّه

وكمان فى اللعبه حناش أتخنهم فى الإنعاش

والحيّه بتلدغ متعه ما يهمش مات او عاش

وحذفت حناش وسلالم واضمن م اللدغ انا سالم

علشان ما نرقى الحيّه بشياكه وربى العالم

واضفت الكلب كمان علشان ما يكون له مكان

ماهو اصله ما يعرف يلدغ والحيّه تكون فى امان

ومنعت حناش اللعبه وسلالم صلبه وصعبه

ما عجبش الحيّه الوحده عطشانه مديح ومداعبه

ماهى واخده على التغيير وتحب حناشها كتير

وتكون مصدر اعجابهم ما يهمش سام وخطير

اهى لعبه وقوم جرّبها حبّبها اليك قرّبها

لو عمر بطوله فاهمها ده ما عمرك راح تكسبها

وما دام الزهر يحدد من فينا ينام متنكد

اقعد عالكرسى قصادى خد راحتك ياللا ومدد

راح نلعب واشرح ليك .. السلم حا يعلّيك

والكلب حا ينبح لما .. الحيّه حا تنزل بيك

احدى قصائد ديوان

{ السلم والتعبان والكلب }

الصادر فى 2003

{ 12 / 8 / 2002 }

حبيت انول شرف التعليق الاول
ولي عوده بامر الله
تحياتي يااستاذنا

حبيبي عدولة

القصيدة دي حسستني أني شربت......... أوعى تصدق عمري ماشربت حاجة

ولا حتى سيجارة..

أجمل مافيها المطاطية الشديدة بحيث أنها من الممكن أن تُفهم بكذا معنى وكذا

مغزى وكذلك تعدد أبعادها ورمزيتها..

على فكرة أنا مجهز قصيدة أسمها كش ملك حتعجبك عن دور شطرنج

يالا جهزلنا قصيدة دور طاولة... وبعدين أنا حاخش على الدومنو

حاقولك شعرت إن الحية هي زوجة حبيبنا إياه اللي نزلت بيه من السلم إلى أسفل

سافلين .. ومع أنها مكتوبة في 2003 ولكنها وصلتني كده

خالص تقديري لعملك العظيم وشخصك الكريم

أخوك

طارق منيب

وكانك استشفيت الحال وانتقدته بالرمزيه المبسطه والقريبه للافهام من زمن
تحياتى لك استاذن ولفكرك سردك الرائع
كل التحيه

شاعرنا القدير /عادل عوض

فسلفة حضرتك راقية جدا فى الطرح ومضمون القصيده

بصراحة ولا كلمه توفيكم اى حق سلمت لنا ودام هذا الابداع الراقى

يمتعنا بروعته

تقبل مرورى واحترامى

.

مساء الانسانيه والاخلاص يااستاذ عادل

نص له طعم خاص بي

واللي قدرت ان اصتفيه
وخلاصته
اتقي شرمن احسنت اليه
وانت هنا اضفت بالكيفيه
ان تزداد احسان اليه
نص اشم فيه رائحه المكر والدهاء
وهكذا كان دور الكلب والحية البلاهاء
واعتقد ان الاستاذ عادل اصبح ضليع في فنون هذة اللعبة
كما اصبحت انا خبير يني ادمين
ومعزرة ان جاء ردي اشبه بثرثرة
لا فائدة منها
وسامحتي ان اخطأ فهمي المتواضع
وعلى كل
نص مسبوك جيدا
وهكذا انت رائع
كل تحيتي وتقديري

تلميذكم

.

يخرب بيت كده ... يانيتك الوحشه

حقن سم ؟؟؟ باين عليك اتلدعت وشكلك واخد واحد وعشرين حقنه

في بطنك ... بالشفا ياااااااااااااااااااااااااااااا كابتن

اسقاطات في نص سهل ممتنع ظاهره فيه الخفه وباطنه فيه المعان
زائد ايقاع يرقص ودنك زائد سلاسه في السرد واضافه وحذف من لعبه مستعاره يبقي الناتج من الاخر ان الكبير كبير
ماشي ياعم عادل ربنا يسامحك

الله اكبر عليك يا كبير
دى كأنها مكتوبة من نص ساعة
مش من كام سنة
تسلم لنا افكارك ورمزيتك
وبعد حروفك ومغزاها
ودمت ودام امتاعك وابداعك
يا استاذنا
تقبل مرور اخوك الصغير

:

D

الأستاذ الشاعر الكبير/ عادل عوض سند

الحيات والثعابين لا يعرفون الصعود المتدرج على السلم

انما يتملقون ويلتفون للوصول لاعلى

اسقاط رائع ويفهم بأكثرمن معنى

اضفت الكثير بلعبتك و لاعطائنا صورة معبرة عن الخيانة

خيانة الحبيبة

خيانة الصديق

الى خيانة النفس وخيانة الوطن

كم هى مقيته تلك اللعبة

التى ترفعك اعلى السلم بضربة زهر

وتهوى بك الى هوة سحيقة بطعنة فى الظهر

احترامى وتقديرى وتحياتى استاذنا الكبير

تقبل مرورى المتواضع

زي ما قالت كده
بس أنا ممكن أضيف

أضيف

هيا بالاضافة لأنها جميلة

إنما دا شيء مش جديد عليك

رغم إنها قديمة إلا أن روح الابداع الحقيقي لا تتأثر بمرور الزمن

وهذا هو الفرق بين الشعر والشَعر
الذي لا يتحمل مرور الأيام فتجرفة حتى نسمات الصيف

فما بالك بزعابيب الشتاء

اللهم أرح الشعر من المتشاعرين ... أمثالي

دمت بكل خير
مودتى

أحبك في الله

اموووووووووووه... ياللع على ما نتقابل

هههههههههههههههههه

جهز روحك لمساجله جديدة

اولاّ .. كل الشكر لمن قام

بتثبيت القصيده ..

طاهر الصوفاني كتب:: حبيت انول شرف التعليق الاول
ولي عوده بامر الله
تحياتي يااستاذنا

ياعم بستناك وانت اللى ما بتجيش

طب ياعم ما تتأخرش .

طارق منيب كتب:: حبيبي عدولة

القصيدة دي حسستني أني شربت......... أوعى تصدق عمري ماشربت حاجة

ولا حتى سيجارة..

أجمل مافيها المطاطية الشديدة بحيث أنها من الممكن أن تُفهم بكذا معنى وكذا

مغزى وكذلك تعدد أبعادها ورمزيتها..

على فكرة أنا مجهز قصيدة أسمها كش ملك حتعجبك عن دور شطرنج

يالا جهزلنا قصيدة دور طاولة... وبعدين أنا حاخش على الدومنو

حاقولك شعرت إن الحية هي زوجة حبيبنا إياه اللي نزلت بيه من السلم إلى أسفل

سافلين .. ومع أنها مكتوبة في 2003 ولكنها وصلتني كده

خالص تقديري لعملك العظيم وشخصك الكريم

أخوك

طارق منيب

اخى الحبيب الشاعر

طارق منيب

ممكن ان تؤخذ على اكثر من محمل . انا معك لوجود

الاسقاط المكثف فى القصيده .

ولكنى انا كتبتها عن انسانه متسلقه وعند الوصول تلدغ

ارجو ان المقصود يكون وصلك كما اردت .

مودتى وتحياتى ...

رافت المصرى كتب:: وكانك استشفيت الحال وانتقدته بالرمزيه المبسطه والقريبه للافهام من زمن
تحياتى لك استاذن ولفكرك سردك الرائع
كل التحيه

الاستاذ الشاعر

رأفت المصرى

يمكنك ان تتخيله كما تراه . ويمكن ان يؤخذ كما تقول .

فالحيه دائماّ عندما تتحين اللدغ فلا رادع لها .

مرورك اسعدنى اخى رأفت .

مودتى وتحيتى ...

والحيّه بتلدغ متعه ما يهمش مات او عاش

طبعا و متهيالي ان البيت ده هو محور القصيده؟
ليه بقي مانا لازم اعمل فيها فلحوص
ماهي الخيانه هتيجي منين يعني والابداع ده ميجيش بردوا غير من قرصه جامده
شكلك اتلدغت كتير ياسيدنا
وباين عليك كمان ولا بلاش دي
هههههههههههههه
والله انت جميل في كل شئ بس ياريت بقي نص ليك يكون شغال علي طول اقصد ورينا الشغل ده قديم قديم ياسيدي ومن فات قديمه تاه
هو يعني هنتعلم منين غير من القديم
تحياتي لحضرتك يااستاذنا وعمنا

بسمة الورد كتب:: شاعرنا القدير /عادل عوض

فسلفة حضرتك راقية جدا فى الطرح ومضمون القصيده

بصراحة ولا كلمه توفيكم اى حق سلمت لنا ودام هذا الابداع الراقى

يمتعنا بروعته

تقبل مرورى واحترامى

الاخت الشاعره

بسمة الورد النديه

اشكرك على مرورك وكلماتك والتى تاتى دائماّ

لتنير متصفحى وتسمو بأعمالى .

كل الشكر والتقدير على مرورك العطر .

تحيتى وتقديرى ...

ماهر حامد كتب:: .

مساء الانسانيه والاخلاص يااستاذ عادل

نص له طعم خاص بي

واللي قدرت ان اصتفيه
وخلاصته
اتقي شرمن احسنت اليه
وانت هنا اضفت بالكيفيه
ان تزداد احسان اليه
نص اشم فيه رائحه المكر والدهاء
وهكذا كان دور الكلب والحية البلاهاء
واعتقد ان الاستاذ عادل اصبح ضليع في فنون هذة اللعبة
كما اصبحت انا خبير يني ادمين
ومعزرة ان جاء ردي اشبه بثرثرة
لا فائدة منها
وسامحتي ان اخطأ فهمي المتواضع
وعلى كل
نص مسبوك جيدا
وهكذا انت رائع
كل تحيتي وتقديري

تلميذكم

.

الاخ الحبيب الشاعر

ماهر حامد

قراءتك فى ما بين السطور وماخرجت به جاء مصيباّ ونظرتك

جاءت فى موضعها .

مرورك شرف لى وغوصك فى معنى النص اخرج مكنونه

فكل الشكر والتقدير على ما اوليتنى به من شرف التعقيب .

مودتى وتحيتى ...

م/عطية شواش كتب:: يخرب بيت كده ... يانيتك الوحشه

حقن سم ؟؟؟ باين عليك اتلدعت وشكلك واخد واحد وعشرين حقنه

في بطنك ... بالشفا ياااااااااااااااااااااااااااااا كابتن

عقبالك . لما تاخدهم زيى .

بس سم ايه ؟؟؟ تشتاق لشربه وانت كلك رضا .

اراهن ان انت ما جربتهوش .

مسيرك تدوقه وحا يبان عليك .

مساء اللدغ ...

أحمد عبد الرازق كتب:: اسقاطات في نص سهل ممتنع ظاهره فيه الخفه وباطنه فيه المعان
زائد ايقاع يرقص ودنك زائد سلاسه في السرد واضافه وحذف من لعبه مستعاره يبقي الناتج من الاخر ان الكبير كبير
ماشي ياعم عادل ربنا يسامحك

الشاعر الجميل

احمد عبد الرازق

شرفتنى يا حماده . واشكرك على اطرائك .

كلماتك انارت النص وسرتنى .

كل الشكر على حضورك الواعى .

مودتى وتحيتى ...

الشاعر محمود قطب كتب:: الله اكبر عليك يا كبير
دى كأنها مكتوبة من نص ساعة
مش من كام سنة
تسلم لنا افكارك ورمزيتك
وبعد حروفك ومغزاها
ودمت ودام امتاعك وابداعك
يا استاذنا
تقبل مرور اخوك الصغير
:
D

الاخ الحبيب الشاعر

محمود قطب

ياعم الله يكرمك على ذوقك الرفيع وكلماتك الرشيقه .

مرورك اسعدنى وشرفنى . وتعقيبك عطر متصفحى .

لاحرمنى الله من حضورك اخى محمود .

كل الشكر والتقدير ...

عاشقة الشعر كتب:: الأستاذ الشاعر الكبير/ عادل عوض سند

الحيات والثعابين لا يعرفون الصعود المتدرج على السلم

انما يتملقون ويلتفون للوصول لاعلى

اسقاط رائع ويفهم بأكثرمن معنى

اضفت الكثير بلعبتك و لاعطائنا صورة معبرة عن الخيانة

خيانة الحبيبة

خيانة الصديق

الى خيانة النفس وخيانة الوطن

كم هى مقيته تلك اللعبة

التى ترفعك اعلى السلم بضربة زهر

وتهوى بك الى هوة سحيقة بطعنة فى الظهر

احترامى وتقديرى وتحياتى استاذنا الكبير

تقبل مرورى المتواضع

الابنه الغاليه

نور الدنيا بحالها

قراءتك جاءت فى موضعها الصحيح .

ووجهة نظرك صائبه . فالحيه هنا رمز الخيانه

والكلب ايضاّ والسلم رمز كما وضحتى فى تعقيبك .

تعمقك فى النص فك رموزه واوضح المقصود منه .

شرفنى مرورك يا نور واضاء متصفحى

لاحرمنى الله منه ومنك .

تحياتى وخالص تقديرى ...

العم العزيز الشاعر الرائع

عادل عوض سند

السلم من ألعاب القوة

عاوز واحد يبقى فتوة

فاهم كل اصول اللعبة

عنده ف وقت الشدة مروة

عارف ليه يا عمنا عادل

لعبة ماينفع فيها تبادل

اصل الكلب علينا بينبح

ويا البومة خراب ومشاكل

لكن بعد ما قلنا يروح

قام لنا جرو يزوم يطوح

قال مش عاجبه نقول على سيده

أنه حرامى ف سجنه يسوح

لعبة قديمة جديدة يا عمى

مش راح اروغ فكرى واخبى

أنا من فضله عليه بجاهد

وافدى الحق بروحى وولدى

دمت بكل حب يا عمنا العزيز

الرائع الجميل عادل سند
الرقى لا يأتى صدفه
وقد تكون قصيدتك اللولبيه الملتفه كالتفاف الحيات مناسبة تماما لاحداث مرت بها مصر وتقد تكون تتشبه احيانا حيث دور الكلب الذى ادخلته خدم اللعبه اقصد القصيدة
دمت لعيبا وحريفا
دمت بخير

الله عليك يا استاذ عادل بتعلمنا من كل قصيده ليك بتكتبها
فانت شاعر رائع

» اللصُ والكلب
» بعد مرور خمسة اعوام من ذكرى "السلم"
» الجندي المجهول والكلب المذلول