قصيدة معداوى للشاعر محمد عبد الرازق زهيرى

معداوى
******
فى بحرك الوافى
وف نيلك الصافى
شقيت بمجدافى
وماهمنيش تيار
*****
اسبح فى عالى الموج
وف ريح لحيح مهووج
وسكونك الممجوج
لو بعده ميت اعصار
*****
الدفه فى يمينى
واسمك على جبينى
وان مت تحيينى
كاس الهوا دوار
*****
شفت ف عيونك شط
وف حضن ميلك حط
شوقى وفك الخط
وقريت حروف اصرار
*****
ريس اغير ع البر
عمرى ف هواك مااتغر
فى الحلوه او فى المر
شارى وغاوى ابحار
*****
صياد فى ليل الشرد
طعمى بذور الود
شبكى فى يوم ماارتد
صاد النغم مدرار
*****
صابح معداوى
ولهان قوى وغاوى
جراح انا مداوى
عاشق وصبرى نار
------------------

الشاعر القدير محمد الزهيرى
تحياتى لزجلك الرائع
قصيده جميلة جدا
تحياتى لقلمك المبدع
مع احترامى وتقديرى

لا فض فوك أيها الرائع
أخى الغالي محمد
أحسنت أيها الشاعر الشاعر
تقبل ود أخيك