اكفينا ما نكره

بواسطة رافت المصرى ; 08-31-2007 الساعة 10:14 PM
فوق الرصيف خيالات
اكفان بتتحرك
تطسها الانوار
تزر تتلفت
تنطس فى القتارين
المليانين احلام

فساتين
ساعات قمصان
تتسمر النظره
تهرب على بكره
تتكسر الخطوه
تحضن تراب الارض
و
الدندنه الهبله
تتبعتر الفكره
يصلب غمود النور
اللى بدون مصباح
الهم من تانى

و ينفض الاحلام
اللى كانت ماكره
تتفتح التوابيت
اللى بقالها سنين
مقفوله و تخررج
مارد كبير و مخيف
سحنته عكره
يكسر التوابيت
و يكتر الحواديت
و يعرى ناس اموات
عايشين بلا احلام
كما سكة الخطوات
اللى ملانه تراب
و حفر بقالها سنين
و ماشيه بالبركه
تزر تانى العين
و تبص ع العايشين
لابسين زلمكه
الحزن يتدلدق
و الخطوه تتعشق
خوف اصطدام معروف
اخرته حسره
و ينز جرح دفين
مشقوق على السكين
تسجد رموش العين
اكفينا ما نكره

رأفت الرائع
هنا قصيدة بحجم الدهشة
تقبل خالص ودي

م/عطية شواش كتب:

ياعم حرام عليك مش عارفين نكتب حاجه جنبك

والنبي كلامك حلو .......هههههههه

كمل يا عمنا
كلامك حلو
تيرارارارام
قول تانى قول تانى
هههههههههههه
يا استاذنا احنا بنتعلم منكم وبصراحه بنستغلكم عشان نسمع رايكم فى خواطرنا المتواضعه
تسلم لى ويسلم مرورك الجميل اخى الحبيب

عاطف الجندى كتب:

رأفت الرائع
هنا قصيدة بحجم الدهشة
تقبل خالص ودي

استاذنا استاذ عاطف
بل هى سعادتى بمرورك وتواصلك شاعرنا الكبير ا واخى الحبيب
تقبل ودى وتحياتى

أحمد عبد الرازق كتب:

دي مش قصيده يا استاذ رأفت دا معرض صور فنيه شعريه
ما اجمل ما خطت اناملك يا شاعر بجد اطربتني شعرا
كل التحايا والشكر علي رائعتكم

الشاعر الموهوب احمدعبدالرازق
شكرا لك ولمرورك الجميل

عادل عوض سند كتب:

اخى الحبيب الشاعر

رأفت المصرى

اتحفتنا بالصور المتلاحقه وروعة المعنى .

حاولت اقتباس جزء فمنعتنى الحيره والجمال الكلى للنص .

وانت كتبت هنا :

مارد كبير و مخيف
سحنته عكره

هنا همسه اخى تقبلها منى . فلو كتبت :

مارد كبير ومخيف
وبسحنته العكره

لاستقام الوزن . كذلك كتبت :

خوف اصطدام معروف
اخرته حسره

فلو كتبناها :

خوف اصطدام معروف
وف آخرته الحسره

لاستقام الوزن ايضاّ .

تقبل ملحوظتى بصدر رحب اخى رأفت . وربما سرعة الكتابه

اتت بتلك الهنات البسيطه .

تقبل مرورى وخالص تقديرى ...

استاذنا واخى الحبيب استاذ عادل
الف اهلا باى ملاحظه استاذنا وملاحظتك فى محلها
وايضا انا على حق لانه فيه سكته اخرته وحسره
وزيها فى الجمله التانيه بس الحقيقه نسيت اوضحها اثناء الكتابه
عموما كل شكرى لك اخى الحبيب ولملاحظاتك كل التقدير

الشاعرة عزة الزرقانى كتب:

كا عادتك شاعرنا الجميل رأفت المصرى

تأتى لنا بكل فن وأبداع جميل

دمت ودامت روعتك وكلماتك البنائه

دمت بحب

الاستاذه عزه
الف شكر للمرور و التعقيب
تحياتى

حسن الجمال. كتب:

امين يارب العالمين
.....................................
ربك كريم وعظيم وخلقنا ع الفطره
واحنا ايدين عابثين ف المفسده مهره
يارب يارحمان اهدى نفوسنا يارب
واكفى بلدنا كمان واكفينا مانكره
...................................
أخ الشاعر الرائع رأفت المصرى
دائما مبدع
تسلم الأيادى
ادام الله عليك ابداعك
مع تحياتى واحترامى

الرائع حسن الجمال
الف شكر لك تواصلك ايها اشاعر الجميل
احترامى

بسمة الورد كتب:

الشاعر المميز /رافت المصرى
احساس راقى فريد وكلمات مختلفه بصورها الجميله

بصراحة مش عارفه ارد


غير انى اقول احسنت وسلم قلمك البديع

سعدت بتواجدى هنا تقبل مرورى واحترامى

الشاعره الاستاذه ابتسام
كل شكرى لكم متابعتكم اطيبه
احترامى

طاهر الصوفاني كتب:

الله عليك ياشاعر تصدق بالله انت فكرتني بمين؟
بجدتي الله يرحمها
مع ان الشبه بينكم مش اوي
هههههههههههههههههههههه
بس كانت ديما تقول يارب اكفينا شر مانكره
هههههههههه
شكلك قاري افكارها
جميل كل ماتكتب فانت الخفيف المختصر المفيد

تحياتي لك

الاخ العزيزاستاذ طاهر
ربنا يسترها
وجداتنا كان عندهم شفافيه وقدره عل اختا اافاظ بتلقائيه فهى دعوه جامعه لطلب الخير
رحمهم الله
ووفقنا لكل خير
تحياتى

شاعرنا العزيز رافت المصرى
قصيدتك كفراشات تلاحق رحيق الزهور
سلمت يدك ودمت لنا مبدعا

الشاعر محمود قطب كتب:

رائعة هى صورك الشعرية
اخى رافت المصرى
دمت ودام لنا فنك الراقى
خالص تحياتى

الاخ العزيز ا محمود
كل شكرى لك ولتواصلك الطيب
احترامى

احم احم
لو سمحت طيب الصور دي كتير اوي علي الاستيعاب
النص ده فعلا رائع لحد الدهشه وفقا لكلام الاستاذ عاطف االجندي

ادّونا فرصه بأه حرااام

تقبل مروري طيب

طاهر طاهر السنباطى كتب:

شاعرنا العزيز رافت المصرى
قصيدتك كفراشات تلاحق رحيق الزهور
سلمت يدك ودمت لنا مبدعا

سلملى وسلم لى مرورك الجميل اساذ طاهر
كل شكرى

عمار محمود كتب:

احم احم
لو سمحت طيب الصور دي كتير اوي علي الاستيعاب
النص ده فعلا رائع لحد الدهشه وفقا لكلام الاستاذ عاطف االجندي

ادّونا فرصه بأه حرااام

تقبل مروري طيب

هههه
الشاعر الجميل عمار محمود
ما نخافش فرصك موجوده موجوده
بجمال كلماك وموهبك الجميله
كل شكرى لك و لعقيبك الجميل