لأني مستنزف

مصر يا امايه

يا كلمه شقا فيه

مكتوبلي امشيلك

على القهر وحديه

وانشد مواوويلك

حزن واسيه

وأزرع ف أشجارك

وثمرها موش ليه

وامشي على اسفلتك

رجليه مهريه

وأسهر على نيلك

وحنانه موش ميه

وابني في مصانعك

وبالدما صانعك

وصناعتي مرميه

وأفخر باهرامك

ف حضاره منسيه

وأرسم ف احلامك

وحقيقتي موش غيه

حقيقتي مستهلكه

لأني مستنزف

بالقهر صبح الشقا

والليل جفا ينزف

يا مصر ليه كل ده

علشان مليش غيرك

تبيعيني بالشكل ده

وانا دمي بيجريلك

وفايتني وحديه

يا مصر عيب موش كده

خلي البساط مرمر

انا اللي داب قلبي

في حضنك المرمر

وعملت نفسي رصيف

لعشقك المرمر

لاطلت بلحه في ثمارك

ولا عودك الأخضر

بعتيني للنهابين

وقلتيلي يا عم اصبر

اديني سال دمي

لترابك العنبر

أمته اشوف ضحكتك

من تاني بتزهر

وأشوف حنانك بقى

وأصرخ واقول أمي

واخداني في حضنها

أفرح واتغندر

وآكل ثمار موتي

على حجرك المرمر