كلنا واحد

كلنا واحد


متقولش دا مسلم,,,,دا مسيحى
متقولش وتنوى تجريحى
إنَّ أنا جرجس وعشان جرجس
أحمد بيعكر تفاريحى
مين قال كدا ؟؟
ومين يقدر يفتن ويفرق بين دا ودا ؟؟
أحمد دا أخويه وصديقى
جنبى فى الشده وف ضيقى
عمره ما سابنى للحظه ف يوم
أتألم وحدى فى طريقى
دا أنا ما مالاقتش ف طيبته حد
دا شهامه ورجوله تسد
حتى الحب إللى أنا حبيته
لاخلاقه ما لاقيتله حد
ولما بصلى ف يوم الحد
بدعيله ,,بدعيله بجد
هو كمان يدعيلى كتير
أه والله وفيه الخير
لما يصلى الفجر يوماتى
يدعيلى ويدعى بضمير
تفتكر إن أنا بعد دا كله
محتاج أشرح لك تفسير
وأشرح إيه؟؟
واشرح ليه؟؟
اسألْ عنـِّى وعنه الناس
وجرانى وخاله عباس
واسأل مرقص أخويه يقولك
إن أنا وأحمد مَـيَّـه ف كاس
والله دا هم
إلى بشوفه يوماتى ف بلدى دا حاجه تغم
ويقولك فتنه طائفيه
والسلفيه السلفيه
منهم لله السلفيه
يا سيادنا دى فتنه خارجيه
وأيادى بتلعب بوطنا
وأمانه ف عصر الحريه
السلفين أحسن ناس
والإخوان دول تاج ع الراس
والإسلام دا معيش دينا على أرضه مرفوع الراس
ولا حقنا مهضوم ولا حاجه
وكنيستى مرفوعة الرايه
والأجراس عاليه ودوَّايه
والمسجد جمبنا بيأذن
ولا عمره قالهالنا :كفايه
هى دى مصر
هى دى أرض الوحده يا نصر
والله شاهد
حب أحمد دا بيجرى ف دمى
زى أنا بردوا ما بجرى ف دمه
وإن إننا واحد
ووطنا هيعيش متواحد

الاستاذه الشاعره

د / هناء المشرقى

نص جميل يحث على الوحده الوطنيه ويدعو للسماحه

التى تعودنا عليها قبل اشعال الفتنه والتى كادت ان تشعلها

حرائق لولا وعى الشعب ومعرفته بالدسائس والمكائد التى

تحاك فى الظلام . نص احييكى عليه . ولكن :

سرعة الكتابه اوقعتك فى بعض الأخطاء الإملائيه مثل :

اخويه / واظن هنا قصدك .. اخويا

وجرانى / وتصحيحها .. جيرانى

بوطنا / وانتى تقصدى وطننا .. او وضع الشده على النون

دينا / ديننا .. او وضع الشده على النون ايضاّ

جمبنا / وتصحيحها .. جنبنا

تقبلى ملحوظتى بصدر رحب كما تعودنا . وارجو ألا تنسى

توصيل سلامى للابن الغالى د / عادل نمير .

تحيتى وخالص تقديرى ...

والله جميله

وربنا ستر ..

ههههههههههههههههههههههههههههه

وننتظر منك المزيد لنستمتع ....