تعويذه لست الحسن للشاعر محمد عبد الرازق زهيرى

تعويذه..لست الحسن
******
من شر اللىمايعرف انك
ع الرس ..والعين
من شر اللى بينكر فضلك
وماحبش زين
من شر الحاسد والفاسد
وابو جهد ضنين
واكمنى شاريكى وبالاغيكى
بزهور الود ..ف لياليكى
تلاقينى دفاع خطاويكى
للمجد وبالروح افديكى
من شر اللى يكون معاديكى
وارقيكى يابلدى واعيش ليكى
عاشق..وامين
******
يامريه ف مدك ولقدك
بيطول النيل
والطرح السايح على نهدك
ضى..وقناديل
وموانى الخير شط عيونك
والرمش كحيل
يافريده ف حسنك وف غصنك
طرحت مواويل
وبشاير سعدك من زندك
والهمه سبيل
واللقمه المقسومه ف شهدك
وصفه لعليل
محروسه ياعين من صان ودك
وتعيشى دليل
-----------

ما اجملها متن تعويذه لاجمل حبيبه
كل تقديرى لكم ولجمال حرفكم اخى العزيز
تحياتى

غزل طبعا حلال
قصيدة حضرتك جميله جدا يا استاذ محمد
يامريه ف مدك ولقدك
بيطول النيل
والطرح السايح على نهدك
ضى..وقناديل
وموانى الخير شط عيونك
والرمش كحيل
جميل المقطع ده جدا

تقبل مروري

جميلة هذه التعويذة
ادمت مبدعا قصيدة رائعة
مع تحباتى لك ولنصك