لسة الحياة

لما الغصون بتنشف م القلق
قلبى الصغير ينشنق جوة الضلوع
عطش السنين قادر
والليل عفى
واما نهارات القلب نورها بينطفى
الاقى العمر قبل ما يعدى انسرق
بتعدى كل سنين الجرح تضحك فوق جراحى
لسانى صاحى لكن ايديا بتفترق عن كل حى
عكس اتجاه النور انا
والسوسنة..لساها مايلة السوسنة
وانا باتخنق لحظة ميلادى
يا كل نور بيعدى مش بيبص لى
هات الايدين تطرح حبال وتشدنى
لسة الهموم طارحة فى طرف مخدتى
لسانى حالم بالجراح وسط البراح
يتسرسب المطر من بين عيونى
ويبل قلبى بالحياه
طايروحالم بالنجاه
وبتوبى مغزول بالسلام
لجل الحمام يصبح عفى
لسانى حالم بالحصاد
وطواقى فرح للولاد
وبخطوتى تضم البلد
وتنسعد باللى اتولد
قلبه مليان بالعناد
فرحه مابيحبش ميعاد
كل غناه لجل العباد يتونسوا
ويرددوا..لسة الحياه