البوصله فين؟

موضوع: البوصله فين؟ الجمعة مايو 13, 2011 5:39 am

هو احنا فين
والبوصله بتشاور لفين
البوصله رايحه علي اليمين
بينا السفينه بتتحَود
وبتترزع مرجيحه ماشيه لوحدها
محتاجه ع الطاره يسوقها ابن الحلال
ابن الغيطان والقاهره
ابن السواحل والصعيد
ابن الي سينا منسيهاش
ربان مصحصح للعَتَم
ما يهزه موج او دوامات
ينقذنا تاني من الغرق
والمينا قافله في اليمين
بالغصب عن كل الي فيها مولودين
وقراصنه واقفه ع الرصيف
وعيونها عوره ودمها!!
..لما هندبحهم يبان
المينا فين
المينا حذفم اسمها
وعليها واقفين بالسفن
والإسم بقى تل الكئيب
مِترَبصين زي الكلاب
لكن مفهمش الوفا
والخوف ماليهم زي ديب
والبوصله فين
البوصله راحت ع الشمال
مينة اشقاء التعب
حبه بحبه بتنتهي
والبوصله فيها خرفت
ولا حد فاهم اي شئ
وفـ كل ليله كام غريق
اهين يا مينا مخضَّرَه
يالي ماليكي م الدهب
ارضك بقت تنشع رصاص
علي مين تدور تاني يا كاس
والدايره ما قفلت هناك
ويارب يستر م الي جاي
البوصله شاورت تحتنا
وبيتكشف ليه ضهرنا
لما بننزل في الجنوب
والميه قاله ونتغَرَز
دور علي الي اُلعبان
عاوز يحاوطك م الخفا
ودا مش جديد انه جبان
نفسه ينزل دمعتك
ويضم ليه مترين في مينتك لجل ما
مينته الي جمبك تبقى كافيه للغيلان
متحاوطين في بحرنا
ولا باين البر البعيد
ولفين هنرسى يا وطن
مين الي هيسوق للامان
والراكبين علي ضهرها
هل كلهم خايفين عليها من الغرق
ولا احنا راكبين والسلام
ولا احنا راكبين والسلام
أحمد عبد الرازق

موضوع: رد: البوصله فين؟ السبت مايو 14, 2011 10:43 am

مش كلنا خايفين من الغرق

الشاعر الجميل

احمد عبد الرازق

جميل ان تبحر السفينه وان تأخذنا ببوصلتك الرائعه

لتعرض علينا الخطر الداهم من الشرق والغرب والجنوب .

اثرت مخاوفك من الشرق وما يفعله اليهود لكسر مصر .

واوضحت بوعيك ما يُحاك من جهة الغرب لإستنفاز خيراتها

ليبيا والتى يضع الغرب عينه عليها تلك الايام .

ثم ابحرت بنا الى الجنوب والدسائس التى تنخر فى العلاقه

بين مصر وبلاد حوض النيل .

تجولت ببراعتك بنا . ثم ارسيتنا على .... الخقيقه .

رائع ما قدمت اخى احمد واحييك عليه .

مودتى وخالص تقديرى ...

موضوع: رد: البوصله فين؟ السبت مايو 14, 2011 11:27 am

بل الرائع هو مرورك العطر دائما استاذنا/ عادل
اصبحت اتشوق لرؤية ردودك في مواضيع ونصوص ليست لي حتي ولكن اشتاق ان اعرف رايك دائما
كل الشكر علي مرورك استاذي وسعيد حقا ان النص عجب حضرتك وفي انتظارك دائما يا شاعرنا الكبير

موضوع: رد: البوصله فين؟ الأحد مايو 15, 2011 4:23 pm

بارك الله فيك
قصيدة جميله

وفيك بارك يا استاذ
كل الشكر علي المرور

أخى أحمد
مرحبا بك فى بيتك و منتداك
قصيدة جميلة
أيها الشاعر الشاعر
خالص ودي

عاطف الجندى كتب:: أخى أحمد
مرحبا بك فى بيتك و منتداك
قصيدة جميلة
أيها الشاعر الشاعر
خالص ودي

شرفني مروركم استاذنا
لكم سعدت حقا بهذا المرور المشرف والشهاده من شاعر بحجمكم
كل الشكر علي التشجيع والمرور ولا تحرمنا اياه يا شاعرنا الكبير
اشكرك استاذنا /عاطف الجندي