تهويشة

وبيعلنوا القصف !!
..........
وأول مدينه هتتقصف
ذاتنا
كوباية القهوه
اللي مابين صوابعي بتترعش حزن
هيوحشها إلتماسي
ترجي الشفايف
تديها كام ساعه إنتظار
قبل انفصال الواقع المحسوس
عن الحياه
وبيبتدي ذهولي
واستعارتي للنواح
من بين شفايف الامهات
لحظة وداعهم للامل
وبيرتجف ضوء القمر
ويشك
في الأمان المفتعل
ف يفرق المراسيل
للعاشقين حضن الحياه
إلحقوا لموا !!
كل المشاعر في الألم
صدقوني هتحتاجوها
...........
في الساعه دي
كان وقوفي للمشاهده
هو ده الشيء الطبيعي
وانتظاري للحدث
معرفش إيه نوع الحدث
بس عارف !!!
إن فيه زنقة حياه
هتبعتر الاحياء
هتخلي كل الكائنات
تبقي بشر
يتخانقوا علي البيع
بيع الخطاوي الطيبه ف حضن الوطن
بيع الحكاوي الاغنيه بين الضلوع
بيع مش بكام
ولا مين بيدفع التمن
بيع للتخلص منهم
واحشاهم اللذه
القدره علي القرارات
جايز غلط جايز غلط
بس احتمال
إن دي اخر نهايه بيكتبوها بخطرهم
..............
كل البشر بعض البشر
فاتحين ضلوعهم للذخيره الاتيه
علي قد شوقهم للحقيقه
الكامنه خلف الستار
جهل منهم
فين يكون مهد الدمار
مين يكون أول وداع

بس الغموض
بين سطور الاحجيه
لساه مقالش ولا بيان

فاتخيلوا المشهد
ناس تدهوس علي الغيطان
وبيخلعوا ضل النبات
يسقيهم الضلمه
اللي أحيانا تساعد
إنهم يتسرسبوا
وناس تعري ضهرها
لاجل الوشوش متتكشفش
وناس بخوفها وعجزها
بيجمعوا الأنفاس
وبينبشوا القبر
في محاوله منهم للحياه
واللي يتبرع بروحه
لاجل اما تنبت صخره
هتساعد الجنس البرئ
يبني بيوت يتداري فيها
لاجل يبقي همه واحد
وبيبتدي سيناريو
منافي للواقع
منافي للاعلان
كان السيناريو فكرته
انه يجرب طعمنا
بعد انتظارنا للفراق
او بعد موت الابريه
لحظة خناق

الشاعرة عزة الزرقانى كتب:

الشاعر عمار محمود أهلا وسهلا بك فى بيتك ومنتداك وبين نخبه رائعه من كبار الشعراء

واهلا بعملك الجميل

وتمنياتى لك بالأجمل والمزيد

دمت ودامت روعتك

دمت بحب

أستاذتي الفاضلة الشاعرة عزة الزرقاني
أنا سعيد جدا بمرور حضرتك وإشادة حضرتك بقصيدتي المتواضعه
دمتي بخير وصحه دائما يارب

واضح انك شاعر ايه ياجدعان دا انتوا الجيل الجديد شعرا حلوين قوى بس ادينى شويه مباشره الا المعانى بتتوه منى

هههههههه
ربنا يخلي حضرتك يا سيدي الفاضل حضراتكم الخير والبركه كلها واحنا دايما بنتعلم منكم
شكرا لمرور حضرتك يا استاذي الفاضل الشاعر يسري عثمان

الشاعر عمار محمود قصيدة رائعه تستحق الدراسه والتحليل فلتسمحلى بذلك

اردت اولا ان اسجل اعجابي بعملك الرائع ولى عودة

وارجو تثبيت القصيدة من السادة المشرفين

تحياتى

الأستاذ الشاعر أشرف هيبه
أشكر حضرتك جدا علي رأيك في قصيدتي
وطبعا أسمح لحضرتك بدون إستاذان مني
تقبل خالص مودتي
دمت بخير

الشاعر المتألق أخويا عمار محمود

أبداعك منذ أول وهله قرأته

رأيت فيه شيىء مختلف تماماً

عمق شديد وتحليل وتركيب بسلاسه

لفت نظرى ويحسب لك بالطبع

أنك تكتب منذ فترة قصيرة جداً

بهذا المستوى الرائع الذى شرفنى للغايه

ولذلك صممت على حضورك الندوة

وتسجيلك فى المنتدى لكى تستفيد من الأساتذه الكبار

وللعلم لا أقول ذلك لكى تظن مثلاً أنه جميلاً عليك

على العكس تماماً فهذا واجبنا جميعاً

وأبداعك هو الذى تحدث عنك

ووصلك إلى هذا المكانه

وكلنا نتعلم من بعضنا لكى نستفيد

وأنت هنا بين أساتذه كبار فى الإبداع

وأيضاً فى طيبة قلوبهم

فأنت بين مدرسة فى الإبداع فأنهل منها العلم قدر ما أستطعت

مرة تانية نورت منتداك وبيتك اللى بيتشرف بيك

وسعيدة جداً بتألقك

أحمد عبد الرازق كتب:

عماااااار والله انا سعيد بالصدفه دي واضح انك انضميت للمنتدى الرائع دا حديثا زيي
برغم اني لم اشعر بغربه هنا ولكني الان اشعر بمزيد من الالفه عشان قابلتك
وبالنسبه للنص انت عارف رايي فيه لما رديت عليك بالمنتدى التاني دون اسماء عشان ميكنش اعلان
انا بس حبيت اعرفك اني معاك هنا كمان واني سعيد لمقابلتك هنا وكلمة السر واحده هنا وهناك يا صاحبي-أصدق الشعر احزنه- ^-^

ههههههههههههههههههههه حبيب قلبي انت علي فكره
طبعا ياصديقي شيء يفرحني جدا انك جيت هنا وعلي فكره الدنيا هنا زي الفل جدا جدا وهنا في تجاوب كبير جدا من ناس كتير وناس أفاضل جدا جدا وكمان انا قابلتهم واتعرفت علي شعراء منهم وهما حقا شعراء بمعني الكلمه وهنستفيد انا وانت كتيييير جدا جدا جدا

تحياتي وسلاماتي ياعم الحج

رشا فؤاد كتب:

الشاعر المتألق أخويا عمار محمود

أبداعك منذ أول وهله قرأته

رأيت فيه شيىء مختلف تماماً

عمق شديد وتحليل وتركيب بسلاسه

لفت نظرى ويحسب لك بالطبع

أنك تكتب منذ فترة قصيرة جداً

بهذا المستوى الرائع الذى شرفنى للغايه

ولذلك صممت على حضورك الندوة

وتسجيلك فى المنتدى لكى تستفيد من الأساتذه الكبار

وللعلم لا أقول ذلك لكى تظن مثلاً أنه جميلاً عليك

على العكس تماماً فهذا واجبنا جميعاً

وأبداعك هو الذى تحدث عنك

ووصلك إلى هذا المكانه

وكلنا نتعلم من بعضنا لكى نستفيد

وأنت هنا بين أساتذه كبار فى الإبداع

وأيضاً فى طيبة قلوبهم

فأنت بين مدرسة فى الإبداع فأنهل منها العلم قدر ما أستطعت

مرة تانية نورت منتداك وبيتك اللى بيتشرف بيك

وسعيدة جداً بتألقك

أستاذه رشا فؤاد
أنا سعيد جدا إني اتعرفت علي حضرتك وده شيء زود ثقتي بنفسي كتير جدا بجد ودايما أول الشعراء اللي أهتم برأيهم بشكل خاص حضرتك بجد

دمتي بخير وسعاده دايما وتألق كعادتك استاذه رشا
شكرا لمرور حضرتك