علبة سيجـــار

علبة سيجار فوق الكمود
مكتوب عليها بلون حزين
أبدا سأبقى للخلود
صنعت لقتل العاشقين
عيني عليها بدمعتين
متحيرين متغيرين
ليه كل ما ببدأ علاقه
تنتهي لي بالأنين
،
واسحب سيجار بعد الرحيل
يخلق سحابه من الندم
على كل احساس كان جميل
في كل حلم بيترسم
على كل ضحكه ضحكتها
ف كل فرحه فرحتها
مع كل واحده عرفتها
على قلب طيب واتعدم
،
ويعدي ليل ويروح سحاب
ويجيني نور شمس النهار
أفرح به واضحك تاني ليه
وانسى الألم وارمي السيجار
ويمد ايده أمد له
والخطوه مصحوبه بمرار
الخوف يا قلبي تدق له
وتعود لعلبـة لانتحار
،
واتحدى قلبي واقوله لا
بلاش تقرب مننها
دقك مابيحبش حياه
ترميك بموت من بعدها
خليك،جوايا ماتروحشي
ماليك،جروح مبتنامشي
لو جات،هييجي يوم تمشي
ومافيش فراق هايهممها
.
فبلاش يا قلبي تروح لها
واضحك وروح من حبها
فوق الكمود مستنياك
نهايه محسوم أمرها
،
علبة سيجار فوق الكمود
مكتوب عليها بلون حزين
أبدا سأبقى للخلود
صنعت لقتل العاشقين
.

والله ورغم تحذير الطبيب إلا اننى فشلت فى هجرها

الشاعر الجميل

رضا عثمان

الله ينور على القصيده وطريقتك الرائعه فى معالجة القضيه .

كلماتك جاءت هادفه وقصيدتك رساله الى كل مدخن .

واستئذنك علشان عايز اولع سيجاره .

طب اعمل ايه ؟؟؟

هههههههههههههههههههههههههههههههه

ياللا باى ...