قوم يامصرى

موضوع: قوم يامصرى الثلاثاء مايو 03, 2011 7:24 am

[center][i]
قوم يامصرى مصر دايما بتناديك
خد بنصرى نصرى دين واجب عليك
______________________
قوم يامصرى واصح من غفلة ميدانك
خد بنصرى نصرى نصرك وعشانك
ابنى عمر اجنى صدر من جنانك
انتفض عايزه أشوف قوة ايديك
......................................
قوم يامصرى دانت أجدع م اليابانى
شوف تاريخك راسمه فى جدران زمانى
التقدم عمره ماتجيبه الأمانى
يالله كافح هم طافح حواليك
....................................
عندى بحر وعندى نهر وعندى أرض
عندى ابن اسمر حليوة وطول بعرض
ارمى شيشتك ارمى دومنه وارمى نرد
خير بلادك لجهادك راضى بيك
.....................................
عندى صحرا تمشى فيها بالسنين
تبقى خضرا بعزم ايدك يامتين
شد حيلك واترك الناى الحزين
ايه يفيدك لما تنعى ومش راضيك
....................................
قوم وسيبك من كلام الاغنيات
حوش وحلق عمر بيعدى ف ساعات
لو ماقومتش يبقى قطر العمر فات
تبقى ثورة جات وراحت طظ فيك
...................................
مع تحياتى ودعواتى لروح الشاعر البديع (( بديع خيرى ))

موضوع: رد: قوم يامصرى الثلاثاء مايو 03, 2011 7:48 am

الله على تراثنا العظيم

اخى الشاعر

حسن الجمال

انتقيت وخير ما انتقيت . تلك الكلمات التى تغنى بها

رمز الاسكندريه السيد درويش من كلمات هذا المبدع بديع خيرى .

نشكرك على منقولك الرائع .

مودتى وتحياتى ..

موضوع: رد: قوم يامصرى الثلاثاء مايو 03, 2011 7:55 am

الأستاذ الشاعر حسن الجمال

بما أني مجنون سيد درويش

دعني أذكر مقطع جميل من القصيدة الأصلية

شوف جدودك في قبورهم ليل نهار

من جمودك كل عضمة بتستجار

فين أثارك ياللي دنست الآثار

دول فاتولك مجد وانت فوت عار

والمقطع الثاني:

ليه يامصري كل أحوالك عجب

تشكي فقرك وانت ماشي فوق دهب

مصر جنة طول مافيها انت يانيل

عمر أبنك لن يعيش أبداً ذليل

موضوع: رد: قوم يامصرى الثلاثاء مايو 03, 2011 7:57 am

عادل عوض سند كتب:: الله على تراثنا العظيم

اخى الشاعر

حسن الجمال

انتقيت وخير ما انتقيت . تلك الكلمات التى تغنى بها

رمز الاسكندريه السيد درويش من كلمات هذا المبدع بديع خيرى .

نشكرك على منقولك الرائع .

مودتى وتحياتى ..

استاذى الشاعر الكبير عادل عوض سند
واضح ان حضرتك ماقريتهاش
حضرتك قريت العنوان بس
وهى ليست بمنقول ولكن هى مجاراة لأغنية الراحل الجميل بديع خيرى
كان بودى انك تقراها
اشكرك ياستاذى على مرورك الدائم فى متصفحاتى
مع حبى وتقديرى واحترامى

موضوع: رد: قوم يامصرى الثلاثاء مايو 03, 2011 8:02 am

طارق منيب كتب:: الأستاذ الشاعر حسن الجمال

بما أني مجنون سيد درويش

دعني أذكر مقطع جميل من القصيدة الأصلية

شوف جدودك في قبورهم ليل نهار

من جمودك كل عضمة بتستجار
الله عليك استاذى طارق منيب
دائما ماتذكرنا بالأصالة وجمالياتها
ماأروعك استاذى
أشكر لك مرورك الذى اسعدنى كثيرا
دمت بكل حب
تحياتى واحترامى لحضرتك

فين أثارك ياللي دنست الآثار

دول فاتولك مجد وانت فوت عار

والمقطع الثاني:

ليه يامصري كل أحوالك عجب

تشكي فقرك وانت ماشي فوق دهب

مصر جنة طول مافيها انت يانيل

عمر أبنك لن يعيش أبداً ذليل

موضوع: رد: قوم يامصرى الثلاثاء مايو 03, 2011 8:18 am

اخى الحبيب الشاعر

حسن الجمال

انا بالفعل لم اقرأ إلا العنوان . فتخيلت انها منقول .

ولكن انت كتبت قصيده على نفس النهج والتفعيله بنفس العنوان

الذى استعرته من تراث فنى مازال راسخ فى الاذهان .

آسف لهذا اللبس الغير مقصود والتمس لى العذر . فأنا يادوب

من ساعه صاحى من النوم . { يعنى لسه ما فتحتش }

هههههههههههههههههههههههههههههههه

مودتى وتحياتى ..

موضوع: رد: قوم يامصرى الثلاثاء مايو 03, 2011 9:19 am

الله عليك شاعرنا الرائع/حسن الجمال

جميل ان نتغزل فى بلادنا الحبيبة بطريقة حماسية راقية

سلمت وسلم نبض قلمك المحب للوطن
احترامى اخى