رايحه لفين !!

قالوا بلادنا رايحة لفين

قلت لفرحة تخبى انين

قالوا مش باين

اصل الفاجر

خلى الدنيا سواد ف العين

قلت القادر هو الله

دايما يمهل ..

واحنا اهو ماشين ف حماه

شوفتوا القدرة صنعت نصر

كانت محفوفه بحبى لمصر

ولا الدم ما جرى ف عروقنا

واحنا بسرعه جرينا وراه

خدنا بحق سنين وايام

كت عيشانا ف ذل كلام

قلنا وياما ع التغير

ولا يوم مرة سمعنا قليل

يجبر خطر ولاد مساكين

ساكنين فيها بالملايين

عايشين هما عيشة براح

حتى الحق راح ولالاح

ياما وكنتى

عزيزة وغالية

والاوباش نسوكى الدنيا

كل الوقت اهو هل وبان

يبقى الصبر اساس وبيان

لجل تعود بالفرحة حياتنا

نهد قساوة نبنى ف عصر

مليه بفرحه زهور النصر

يلا يامصرى افرح عيش

كفايه قساوة وما تقوليش

هى بلادنا رايحه لفين ؟

رايحه لكل سلام وامان

بس اطلبها من الرحمن
يلا اطلبها من الرحمن

ابتسام