كلـــه مــــاشى

[i][justify]
كله ماشى وايه بلاش ____ لما داب ذوقنا وباش
كله ضايع كله طاش _____جاتكوا نيله انت وهى
__ __ __ __ __
ع الشاشات بنشوف حاجات ___حشاشين اجسام بنات
سكرانين مع سكرنات _____ والسلاح مع بلطجيه
__ __ __ __ __
فنانين قدوه ومعونه____ ع الرزيله علمونا
فرجونا وظبطونا _____ والشباب هم الضحيه
__ __ __ __ __
يسألوا فنان ملمع ____ صاحب الصيت المسمع
رأيك ايه ف الست شخلع؟___الماظيه مهلبيه
__ __ __ __ __
يسألوه ليه الاباحه ___فى المشاهد والقباحه
رده بيقول دى مباحه_____لما بنعالج قضيه
__ __ __ __ __
ف العروض بيئه وحساله___ف الردود شوف الرزاله
احنا قال أصحاب رساله___هه.. ياوكستنا القويه
__ __ __ __ __
فنانين طيب وماله ______ قدموا الحب وجماله
أظهروا العلم ومقاله___ وحدوا رب البريه
______________ وحدووووه __________

الشاعر الجميل حسن الجمال
ذجليه غنائيه ميه ميه ههههههههه
وكله ماشي يا كله ماشي
عديها ما تدوقش
راح الكتير جت عاللي بايظ
يا سيدي ما تزوقش
،
تقبل مروري واعجابي

لوفضلنا ساكتين ياعمى.... ييجى بكره هتلاقى
اللى لابسه شرابها لحمى.. وباين الباقى
شوف بقى حيبقى ايه مدارى فى الايام اللى جايه وادينا ياسيدى ثورتنا عملت معجزات
تيجى بقى ع الفجر والدعارة والاباحه ودى ماينفعش معاها ثوره
ربنا يستر عليكم ياشباب مصر
شكرا لتعليقك الجميل اخى رضا
دمت بكل حب

أخي الشاعر محمد عبدالواحد.. أشكرك شكرا جميلا علي ردك الجميل . أما بالنسبه لأنهم يسمعوا لزجل طبعا مش ممكن . دا المشايخ والأئمه صوتهم اتنبح ع المنابر والفضائيات. يالله ربنا يهدي الجميع... أحييك ياأخي علي ردك .مع حبي واحترامي

أخى حسن
مرحبا بك فى بيتك و منتداك
و أهلا بشاعر جميل يشرفنى التعرف على شعره الجميل
و أتمنى حضورك يوم السبت بندوتنا بدار الأدباء

الشاعر الكبير عاطف الجندى
انتظرت تعليقك كثيرا
أشكرك على تعليقك الجميل على كلماتى المتواضعه
اما بالنسبة لدعوتكم لى لحضور ندوتكم فانه لشرف لى ان احضرها
ولكن نظرا لظروف عملى والمشقة التى سألاقيها لاننى من ادكو بمحافظة البحيره(( مشوار يعنى)) فاننى اعتذر عن شرف الحضور لندوتكم وكلى اسف طبعا
اشكرك ايها الشاعر الكبير
مع أعزب تحياتى واحترامى

الشاعر محمود قطب كتب:

حسن الجمال. كتب:

[i][justify]
كله ماشى وايه بلاش ____ لما داب ذوقنا وباش
كله ضايع كله طاش _____جاتكوا نيله انت وهى
__ __ __ __ __
ع الشاشات بنشوف حاجات ___حشاشين اجسام بنات
سكرانين مع سكرنات _____ والسلاح مع بلطجيه
__ __ __ __ __
فنانين قدوه ومعونه____ ع الرزيله علمونا
فرجونا وظبطونا _____ والشباب هم الضحيه
__ __ __ __ __
يسألوا فنان ملمع ____ صاحب الصيت المسمع
رأيك ايه ف الست شخلع؟___الماظيه مهلبيه
__ __ __ __ __
يسألوه ليه الاباحه ___فى المشاهد والقباحه
رده بيقول دى مباحه_____لما بنعالج قضيه
__ __ __ __ __
ف العروض بيئه وحساله___ف الردود شوف الرزاله
احنا قال أصحاب رساله___هه.. ياوكستنا القويه
__ __ __ __ __
فنانين طيب وماله ______ قدموا الحب وجماله
أظهروا العلم ومقاله___ وحدوا رب البريه
______________ وحدووووه __________

لا اله الا هووووووووووووو
تسلم ابدعاتك اخى الغالى
وكل الناس عارفة ان 99 % من اللى
المفروض انهم فنانين لا يمتوا للفن بصلة
ولا يمثلوا فكر الشعب وتوجهاته
دول اكلاين على كل الطبالى
ولا انت نسيت اللى قالوه ساعة الثورة
دمت اخى الغالى ودامت بلاغتك

ياعم محمود
كله مدح كده. نفسى مره منك اسمع كلمة هجاء..كلمة نقد. كده يعنى
حبيبى ياأبوحنفى والله
دايما بتسعدنى بمرورك وردك
ربنا مايحرمنى من مرورك اللى بيفرحنى وبيفرح القصيده اللى انت بتعلق عليها
لك منى كل الود والتقدير
تحياتى لك أيها الشاعر الجميل

عادل عوض سند كتب:

الزجال الجميل

حسن الجمال

الزجل خُلق للنقد وانتقاد الاوضاع المشينه فى المجتمع .

وانت هنا كتبت زجليه إنتقاديه هادفه فى من يحملون صفة النجوميه

ولكن النجوميه القائمه على العُرى والفحش . واليوم نرى من يتكسب

من كثرة المشاهد الخارجه والمخله .

ذكرتنى برباعيه كتبتها عام 1998 بديوان { شيال الهموم } تقول :

انتجت فيلم وحققلى ارباح قناطير

ولو حا تسأل عن فيلمى حا يقولوا خطير

جايب له بطلايه حليوه مع واد قمور

وتم تصوير احداثه كله على سرير

الشيء بالشيء يُذكر .

مودتى وتحيتى ...

أستاذى الشاعر الكبير عادل عوض سند
أشكرك على كلامك الجميل والرباعية الساخره الرائعة
اروح أنا فين بقا جنب فنك . واقول ايه؟
يالله حاجه على قدى كده وخلاص
___________________
الله ينـــور يامعلم ع الرباعية
يابو المعانى بتتكلم 100ل100
ربك يزيدك من فضله ياأستاذ عادل
ويجعلك لما تشوفنى تمر عليا
اااامييين
تحياتى لحضرتك استاذى

بسمة الورد كتب:

الشاعر الاستاذ/حسن الجمال

كلمات ساخرة فى محلها

دمت متميز بجديدك الراقى
تقبل مرورى واحترامى اخى

أختى الشاعره الرائعه بسمة الورد
أشكرك لمرورك العطر وردك الجميل على كلماتى المتواضعه
تحياتى

الشاعرة عزة الزرقانى كتب:

الشاعر الرائع حسن الجمال

فنانين طيب وماله

أقدموا الحب وجماله

أظهروا العلم ومقاله

وحدوا رب البريه

الله عليك بجد

سلمت وسلم قلمك الراقى

وياريت فعلا يتغيروا للمفميد

دمت بحب

الأستاذة الشاعرة الرائعة الذواقة عزة الزرقانى
أشكرك لمرورك العطر وذوقك و تذوقك للكلمات اللى فيها الفايدة فى القصيده
أشكرك شكرا جميلا
مع أعذب تحياتى

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب