مش هنساك

ابعد قلبك زى متحب
ابعدعنى وكرهنى ف الحب

مش هنساك باى طريقه
مش هنساك دى حقيقه
ولو عملت مليون حريقه
علشان انساك بقيت جريئه

انا عرفاك رافضنى بشده
عرفاك بتقول عليا لااااا
وياريته كان اعجاب وعداا
بس اللى حصل اعمل ايه

عرفاك بتقول مش حببتى
عرفاك بتقول الموت ولا انتى
وبتكرهنى وبتكره كمان سرتى
قولى اعمل ف قلبى ايه

عرفاك شايفنى قدامك جحيم
شيافنى نار شايفنى اليم
ومش عارف تبق معايا حليم
غلطتك ياقلبى بتبكى ليه

عرفاك عارف انى مدبوح
وببكى عليك كمان وبنوح
وبدل الجرح فيه جروح
وقلبك حجر قلى ليه

مش هنساك باى طريقه
مش هنساك دى حقيه
ولو عملت مليون حريقه
علشان انساك بقيت جريئه

واثقه لو قلولك بين الحياه والموت
هتقول عادى ايه يعنى تموت
معانى مستعده ف حبك للموت
اعمل ايه واقول انا انا ايه

واثقه مش عاوزنى ف الوجود
وبتعمل لاى طريق سدود
مانا مش عارفه اعمل لقلبى حدود
يبق متعملش انت ليه

واثقه مش هقدر على الوداع
معان قلبى معاك ضاع
هفضل انا وقلبى ليك ف صراع
وهعلن حبى وهقول عليه

واثقه انى ف حاله انهيار
ف حاله هزيمه ف حاله انكسار
ف حاله دموع من ليل لنهار
وامل حبى مصبرنى عليه

حن عليا دانا منك محروم
امر من طفل لسه مفطوم
ومن مسجون وهو مظلوم
ليه بتكرهنى كدا ليه

مصعبتش عليك وقلبى مشنوق
وقايده فيه كل الحروق
انك تقولى مره واحده فوق
انت انسان انت ولا ايه

بكيت لما قالو حبى مرض
وان الحب من زمان انقرض
قلت كنت هبعد اول مرفض
محدش فاهمنى مش عارفه ليه

معنتش خلاص هبص ف عينك
مش مستنيه عطف وجودك
انت معايا رغم حدودك
انا حبيتك هخاف ليه

ومهما تحاول تبعد قلبك
مش بمزاجك هفضل احبك
مهما تحاول تنزع حبك
من قلبى ساعتها هقفلك

وابعد قلبك زى متحب
ابعد عنى وكرهنى ف الحب

مش هنساك باى طريقه
مش هنساك دى حقيقه
ولو عملت مليون حريقه
علشان انساك بقيت جريئه

تاليف

هبه سلامه

أختي هبه سلامه احساس جميل
والى الأمام دائما واعلمي أنك ستتقدمين أكثر اذا ما
قرأتي أكثر ،
أرى أن تأخذي بالك من وزن القصيده
تحياتى وتقديري

استاذ رضا اهلا بحضرتك بس انا اتخنقت من حاجه اسمها وزن مش عارفه اعمل ايه ؟
بس حاليا انا بقرا كتير .....

متشكرا جدا على كلام حضرتك

استاذى القدير عادل عوض سند انا متشكره جدا على النصايح واوعد حضرتك انى هبدا ف
دراسه بحور الشعر كامله باذن الله .
متشكره جدا .

انت فين يااستاذ عطيه واخبار حضرتك ايه ؟
اما عن مش هنساك فا
ماشى ماشى يااستاذ عطيه متشكره جدا
لو عاوزه حاجه طبعا مش هتكثف يعنى
هقول على طول ..... عوزاك بقا تقرا
ليا( علشان تبقى مصر )

معلش يااستاذ صلاح برد متاخر متاسفه جدا
ومتشكره على النصايح الجميله وان شاء الله
اكون عند حسن ظن حضرتك وكل اهل المنتدى .

استاذ محمد عبد الواحد كلام جميل اللى حضرتك قولتله بس المشكله انى بميل للحزن شويه ف كل كتباتى اعمل ايه بقا

ومرسى جدا لحضرتك

الاستاذه الشاعره القديره عزه منوره الصفحه ومنوره ياملكه المنتدى ومتشكره جدا للكلام الجميل .