فرحة زفااااف

ياجماعه.. دى أول مره أكتب شعر التفعيله عايز أعرف رأيكم وهل ده من شعر التفعيله والا ايه. انا كاتب على وزن (مفاعيلن) افيدونى . وشكرا
*********************
براءه ف العيون سارحه
مع الفرحه
وضى الشمس ف جبينك
وبيزينك
مع الطرحه
وبسمه ع الخدود طرحه
جناين ورد
بتدارى على غصنك
وغصنك فرع من عودك
وعودك عود ندى وأخضر
امد ايديا لايديكى ؟
لا.. خليكى
شويه حبيبتى وش بوش
أمتع عينى بالمنظر
تمدى ايديكى لايديا
وأسمع همسه م الشفه
نسيت الدنيا حواليا
نسيت كل اللى ف الزفه
سمعت طبول ومزيكا
وصوت غنى
فلان سلم.. فلان هنا
دفوف دقت
خلاص رايح على الجنه
وعد العمر فى ثوانى
قصاد عينى
لقيت طفله تصحينى
يا بابا اصحى
لغاية مدرستى ودينى.

استاذ عادل !!!! لا مش عارف اقول ايه؟
يانهار أبيض !!! اشكرك ؟ ينفع؟
مش هعرف اعمل اكتر من كده .انا باشكرك جدا جدا ياستاذ عادل. ودى اول مره فعلا اكتب شعر التفعيله وكتبتها فى موقع من اسبوع وماحدش علق عليها غير الاستاذ حمدى شيبه
(( شاكر فضلك جدا وتحياتى لحضرتك ))

الاستاذ حسن الجمال

اهلا بك بين أسرتك أسره المنتدى

قصيده رائعة وتنم عن موهبة رائعة

قادمة فى انتظار المزيد من أعمالك الجميلة

مزيد من التقدم بأذن الله

بالتوفيق


مودتى

الاستاذ/ طاهر الصوفانى
الاستاذه/اميره البدرى
الاستاذ /عاطف عاشور
اشكركم على هذا الثناء العظيم منكم كشعراء وادباء محترمين. ولكن اقسم بالله انى اعتقد يقينا انى لست استحق هذا القدر من الثناء..
قد اكون موهوبا ولكنى ارى انى موهبتى لاتتعدى حد القبول او الاستحسان. ولقد قرأت فى منتداكم مايستحق التكريم. انا هتكلم عامى لانى مابجيدش الفصحى . انا اول مره اكتب النوع ده من الشعر وماتصورتش اكتر من استحسانه وقد يكون نقده
اشكركم جدا على الثناء اللى انا شايفه اكبر من قصيدتى بكتير ويارب اعرف اكتب حاجه تانيه
لانى مذهول من كل هذا الثناء وهابقى خايف اكتب حاجه ولا تلقى استحسانكم باشكركم ولو ان الشكر مش كفايه وتحياتى لحضراتكم

بسمة الورد كتب:

ماشاء الله اسلوب راقى بديع

سلمت ايها الشاعر الراقى المشاعر /حسن الجمال

سعدت بمرورى هنا فى متصفحك

دمت اخى بتميز احترامى لما قدمت

يابسمة الورد فوق الخد تعبيرك
هدية الود ويكفى مننها عبيرك
كلامك اللى اتقال ايه رح يكون رده
والله يابسمتوا ماأقدمه لغيرك
انا طبعا مالقتش رد اقوله غير الرد ده
تقبليه منى ياأختى وتقبلى تحياتى

الأستاذ الشاعر المبدع حسن الجمال
انت خايف من الحسد ولا ايه
حاقولك ايه امسك الخشب
صلاح الكومى

salahalkomy كتب:

الأستاذ الشاعر المبدع حسن الجمال
انت خايف من الحسد ولا ايه
حاقولك ايه امسك الخشب
صلاح الكومى

الاستاذ الشاعر/ صلاح الكومى
انتم شعراء كبار. وقد كنت لا أطمع فى اكثر من قبولكم لقصيدتى. وقد كان اكثر من الاستحسان وهو مالم اتوقعه. اشكركم جدا.وتحياتى لحضرتك والمنتدى

لغاية مدرستى ودينى. =========== على مدرستى وديني
الأفضل لموسيقى أو وزن الشطرة
الأستاذة الشاعرة وداد الهوارى أشكرك جزيل الشكر لاشارتك لتلك الملحوظة وشكرا جزيلا ايضا لاعجابك بقصيدتى
شرفت بمرورك فى متصفحى
لك ارق تحياتى

فكررررررررررره جميله ورائعه
نورتنا أخي الشاعر الجميل حسن الجمال
تحياتي واعجابي

الشاعر حسن الحمال
بالفعل قصيدة رائعة
تحياتي

مش انا قلتلك قبل كدة في منتدي الزجالين انك شاعر جميل وبتخبي علينا وبتخزي

العين جميل والله يا حسن

واحب اقولك ان الايام السعيدة بتمر سريعة جدا ودة باين في قصيدتك انك لم تشعر

الا بكلام الطفلة لك هنيئا لك ويجعل ايامك كلها عسل في عسل بس حاسب من النمل

هههههههههههههههههههههههه

تقبل تحياتي

الشاعر محمود قطب كتب:

الشاعر الرائع حسن الجمال
دومت ودام قلمك
بكل هذا الجمال
مرحبا بك استاذنا
فى انتظار جدبدك
دمت فى خير حال

استاذى الشاعر الجميل محمود قطب.. اسعدنى جدامرورك بمتصفحى واشادتك بعملى . ولكن انا لست استاذا مقارنة بكم وبابداعكم .. أحب منكم ان تنادونو باسمى . يعنى بالعاميه خلى البساط احمدى
وقوللى ياحسن .ياخويا . ياابنى . ياواد. كده يعنى. انا باحب كده وماحبش التكليف اشكرك ياعمى الشاعر محمود قطب وتقبل تحياتى

[quote="سلوى سيد عبدالعزيز"]مش انا قلتلك قبل كدة في منتدي الزجالين انك شاعر جميل وبتخبي علينا وبتخزي

العين جميل والله يا حسن

واحب اقولك ان الايام السعيدة بتمر سريعة جدا ودة باين في قصيدتك انك لم تشعر

الا بكلام الطفلة لك هنيئا لك ويجعل ايامك كلها عسل في عسل بس حاسب من النمل

هههههههههههههههههههههههه

تقبل تحياتي[/quote
انا كلمتى لايمكن تنزل الارض ابدا.. الله يرحمك ياقصرى.. وبعدين باخزى العين ليه شغال انا اشتاتا اشتوت وخمسه وخميسه. وريحة البخور فايحه من متصفحى مليه المنتدى كله.. على ايه ياحسره دول كلمتين طلعوا معايا بالصدفة وكنت فاكر ان الناس حيقولولى . العب بعيد ياشاطر . يالله.. رزقى . اما بالنسبه للنمل.. دانا بامشى فى الشارع الناس بيلموا عيالهم عشان ماأدوسش على حد هاخاف من النمل. اخص عليكى ياسلوى .اقولك ايه؟ مانتى ماشوفتينيش. يالله خدى لك شكر منى انتى كمان
تحياتى ياأختى القموره سلوى

نهله محمد إمام كتب:

الشاعر حسن الحمال
بالفعل قصيدة رائعة
تحياتي

الاستاذ الشاعره نهله محمد امام سرنى مرورك واعجابك بالقصيده اشكرك شكرا جزيلا
تحـيــاتــى

سلوى سيد عبدالعزيز كتب:

مش انا قلتلك قبل كدة في منتدي الزجالين انك شاعر جميل وبتخبي علينا وبتخزي

العين جميل والله يا حسن

واحب اقولك ان الايام السعيدة بتمر سريعة جدا ودة باين في قصيدتك انك لم تشعر

الا بكلام الطفلة لك هنيئا لك ويجعل ايامك كلها عسل في عسل بس حاسب من النمل

هههههههههههههههههههههههه

تقبل تحياتي

أنا كلمتى لايمكن تنزل الارض ابدا.. الله يرحمك ياقصرى .وبعدين باخزى العين. ليه شايفانى شغال اشتاتا اشتوت وخمسه وخميسه وريحة البخور فايحة من متصفحى معبقة المنتدى كله.. (على ايه ياحسره). دول كلمتين طلعوا معايا كده وكنت خايف الا الناس يقولو لى العب بعيد ياشاطر.
اما بالنسبه للنمل.(اخص عليكى ياسلوى) .دانا بامشى فى الشارع الناس بيلموا عيالهم عشان مادوسش على حد وانا ماشى.. اقولك ايه؟ ماانتى ماشوفتينيش. يالله . نهايته .خدى لك سلام .
تقبلى تحياتى ياأختى الشاعرة سلوى

الشاعر الكبير أستاذ حسن الجمال

أهلاً بك بيننا فى بيتك ومنتداك الذى أسعدته بهذه الرائعة

التى تدل على مدى تمكنك من أدواتك

وبراعة الموسيقى والنص

الذى أسعدنى كثيراً قرأته

فى أنتظار الكثير من أعمالك القادمة لكى نسعد بها

تحياتى لروعة إبداعك

رشا فؤاد كتب:

الشاعر الكبير أستاذ حسن الجمال

أهلاً بك بيننا فى بيتك ومنتداك الذى أسعدته بهذه الرائعة

التى تدل على مدى تمكنك من أدواتك

وبراعة الموسيقى والنص

الذى أسعدنى كثيراً قرأته

فى أنتظار الكثير من أعمالك القادمة لكى نسعد بها

تحياتى لروعة إبداعك

أختى الأستاذة الشاعرة رشا فؤاد..
أولا أحب أشكرك شكرا جزيلا على اشادتك بقصيدتى
ثانيا انا لست شاعرا كبير ولكنى اتمنى.. أرجو منك ومن جميع افراد أسرة المنتدى الكرام أن تدعوننى ب حسن او أخى قبلها أو بنى لأن لقب الاستاذ ..الشاعر ..الكبير. دى حاجة كبيرة علىّّّّّّّّّّّّ قوى
اشكرك أختى الشاعرة على مرورك العطر
لك منى أطيب التحيات

حسن الجمال. كتب:

ياجماعه.. دى أول مره أكتب شعر التفعيله عايز أعرف رأيكم وهل ده من شعر التفعيله والا ايه. انا كاتب على وزن (مفاعيلن) افيدونى . وشكرا
*********************
براءه ف العيون سارحه
مع الفرحه
وضى الشمس ف جبينك
وبيزينك
مع الطرحه
وبسمه ع الخدود طرحه
جناين ورد
بتدارى على غصنك
وغصنك فرع من عودك
وعودك عود ندى وأخضر
امد ايديا لايديكى ؟
لا.. خليكى
شويه حبيبتى وش بوش
أمتع عينى بالمنظر
تمدى ايديكى لايديا
وأسمع همسه م الشفه
نسيت الدنيا حواليا
نسيت كل اللى ف الزفه
سمعت طبول ومزيكا
وصوت غنى
فلان سلم.. فلان هنا
دفوف دقت
خلاص رايح على الجنه
وعد العمر فى ثوانى
قصاد عينى
لقيت طفله تصحينى
يا بابا اصحى
لغاية مدرستى ودينى.

الاستاذ حسن

تحيه ل يا شاعر على جمال النص والقدره عل التزام التفعيله بحرفية شاعر متمكن
تحياتى لك