عتاب ولوم

يابلادى انتي فرح فوق الجبين مرسوم
ولا انتي اصلك جرح ويا النصيب مقسوم
مكتوب لى فيكى اتبسم ولا اعيش مهموم
شمسك دى ليها شروق ولا الضلام هيدوم
امتى هنتكلم واللي ظلم هنلوم
تعبت من صمتك دي الريح تزيل الغيوم
ليه خايفه تتنهدي فالعيد حرام الصوم
والاهه بتريح من بعد طول النوم
حتي فيوم عرسك الشعب بات مهموم
بعد ما قال فرحه رجع حزين موهوم
والفرحه باتت امل علي السراب مرسوم
والحزن اصبح شراب والشهد بات مسموم
عجبي عليكى بلد فيكى الخسيس مرسوم
واللي علشانك مات حقه يبات مهضوم
قلنا اللي فيكي نهب جوه السجون موصوم
طلع اللي ليكي تعب هو اللي بات محروم
هو كده عدلك يعنى الظلام هيدوم
محال يكون طبعك........... من حقي ليكى الوم

اخى واستاذى الرائع عادل عوض التباطئ والتراخي والمحسوبيه خنقونا واللعبه مكشوفه جدا بس بنقول يمكن ربنا يعدلها
انا عاجز فعلا عن شكرك علي الاهتمام بالردود المشرفه لى تقبل مودتى واحترامى دمت بخير وسعاده
اه نسيت مبروك ياحبيبى عالحريه المعاشيه وعقبالى يارب بس انا لسه بااااادري
انا اسف لعدم الحضور بس ظروف غيابى عن المنتدى هى اللي منعتنى من المعرفه

الأستاذ الشاعر الجميل محمد بديوى
احيك على هذا النص الرائع واتمنى
لك مزيدا من التوفيق
صلاح الكومى

اخى الفاضل صلاح الكومى اشكرك واشكر مرورك الكريم دمت بخير تقبل مودتى

محمد بديوى كتب:

اخى واستاذى الرائع عادل عوض التباطئ والتراخي والمحسوبيه خنقونا واللعبه مكشوفه جدا بس بنقول يمكن ربنا يعدلها
انا عاجز فعلا عن شكرك علي الاهتمام بالردود المشرفه لى تقبل مودتى واحترامى دمت بخير وسعاده
اه نسيت مبروك ياحبيبى عالحريه المعاشيه وعقبالى يارب بس انا لسه بااااادري
انا اسف لعدم الحضور بس ظروف غيابى عن المنتدى هى اللي منعتنى من المعرفه

ياحبيى باذن الله هاضر بارادته وحده ومش هيمنعني عنها الاقدر ربنا واتمنى منل الله يوفقنى للشرف ده واتشرف برؤيتكم الكريمه وكل الاساتذه والاخوه وطبعا انت عريس الندوه مانت المفرج عنه حديثا عقبالنا يارب

الشاعر الجميل / محمد بديوى
كلام جميل به من الوعي مابه يصور الواقع المرير
الذي ندعوا الله ألا يدوم
وأن نكون بالفعل قد خرجنا من عنق الزجاجة التي تخبطنا بها كثيرا
حتى تاهت الخطى وتنازلنا فيها بارادتنا عن ماكنتنا الأممية والدينية
ولكن ألفت إلى بعض الأخطاء الكتابية في العمل مثل :


مكتوب لى فيكى اتبسم ولا اعيش مهموم
ابتسم

واللي علشانك مات حقه يبات مهضوم
عشانك
لأنها تؤثر على الوزن إذا كتبت باللام

لك المودة التقدير
عاطف عاشور