نداء إلى كل الشرفاء

نداء إلى كل الشرفاء

ياللى قلت الأه بحرقه لما شفت الهم يوم

إجرى واصرخ ولا انفخ ولا قطع في الهدوم

ولا أقولك شد شعرك واخبط الراس بالقدوم

ارمى روحك وسط ترعة وأنت ما بتعرف تعوم

أية هيحصل ؟

أية هتعمل ؟

غير تزود في الهموم

الحياة إيلى إحنا فيها دى يا صاحبي لحد تانى

لللىقاصد وإيلى فاسد وإيلى فاشل والحرامى

إيلى شرط في الجيوب

وإيلى قطع في القلوب

وإيلى بيقول الامانه حاجة من ضمن العيوب

أما أنت يا شريف

يالى قلبك قال نضيف

يالى عاوز بالحلال تملا بطنك بالرغيف

يالى خايف من إلاهك

والشرف والصدق جاهك

والقناعة هي طبعك مهما غيرت اتجاهك

إجرى شوف لك دنيا تانية

دنيا فى الزمن البعيد

دنيا بتصون المبادىء والفساد فيها شريد

تعمل أية حبة معيز جنب قطعان الديابة

والقلم من غير مداد عمره ما يطلع كتابة

أية نصيبنا م الدموع غير ألم ويا الكآبة