•..>۩ -» مسمحاك«-۩<..•.

•..>۩ -» مسمحاك«-۩<..•.

بس هبعد عن هواك
دايبا فيك وفى عنيك
بس مش هاكون معاك
عاشقه حبك بس هنسى
كل ليلة كانت معاك
ايوه هابعد عن هواك
ايوه مش هاكون معاك
هبعدك من غير رجوع
هبعد وف عينى دموع
على قلبك اللى هواك

•..>۩ -» مسمحاك«-۩<..•.

مش عشان أنت ملاك
يمكن عشان قلبى هواك
حلمت عمرى يكون معاك
بس صحيت على جفاك
بسأل روحى عملت ايه ؟
بسأل انت بعدت ليه
بس هنسى كل اساك

•..>۩ -» مسمحاك«-۩<..•.

حلم عمرى كان معاك
حلمى عمرى كان رضاك
بس صحيت على جرج وغدر
وبعت قلبى اللى هواك
رحت ليه من غير سؤال
رحت فين ومين هناك
اخدك منى ومن هواك

•..>۩ -» مسمحاك«-۩<..•.

كلمة وحده هاقولها ليك
ياللى قبلى كان شريك
روح وحب حد غير
روح وشوف كل القلوب
مش هتلاقى قلب غيرى
حبك وتمنـــــــــا رضاك

•..>۩ -» مسمحاك«-۩<..•.

بس قولى قبل مامشى
قلبك حس يوم بقلبى
ولا كنت بتتسلا بهواك ؟
لو مش قادر تكمل الحكايه
طــب كنت قولى من البدايه
ولا كانت هاتفرق معـــــايك ؟

•..>۩ -» مسمحاك«-۩<..•.

ولا غيرى خد مكانى
ده قلبك يبـــــقى اكيد انانى
وبقيت عليا وعلى حبى جانى
سعتها قلبى هايقولك

•..>۩ -» مش مسمحاك«-۩<..•.

دى اول مشاركه لى يارب تعجبكم ... تحياتى للجميع

أيه الجمال دا

خواطر رائعه

أحييك عليها

وأجمل شيئ فى الدنيا السماح

دمت بحب

الشاعرة الجميله عزة الزرقانى

ده شرفى لى مرورك وتعليقك الجميل

تحياتى لكى وتقديرى اختى العزيزه

بداية الغيث قطره

الاستاذه الشاعره وفاء

كلمات جميله وجاءت موافقه الموقف الذى اتخذتيه

تجاه الحبيب . لكنى ارى .

انك تكذبين على نفسك . فما زلتى تحبينه .

مش انا اللى بقول . كلامك هوه اللى بيقول كده .

صح .. جميل ان نقرأ لكِ ونريد المزيد .

تحيتى واحترامى ...

استاذ عادل عوض

أبهجني حضورك جدأ .. و قد لامست جوهر الفكرة…و تلك المشاعر المركبة
تتأرجح بين طيبة المحبة ورائحة الكراهية في حركة كر و فر..

وماتكسفنيش تانى بقى الله ههههههههههه
على تواصل ..
إحترامي لك

وخوفت عليكي من نفسي

ومن يأسي

قطعت بأيدي شراييني

وقـٌلت في يوم يانور عيني

هاتنسيني

واتمنيتك… تسامحيني

لما جيتيني… تشوفيني

وانا بين الأمل واليأس

بجيب اللوم علي حالي

وأحوالي تعزيني

أكشف روحي قدامك

يصغر شأنى بمقامك

فتتفتّح بيبان وبيبان

تشوفي المستخبي يبان

ويظهر كل تكويني

تخلىَ عضامي من لحمي

وتتكسر كرات دمّى

تزرف دمعتى همّي

وتخجل نفسي من نفسي

فيفضح حالي أحوالي

واتوه منك في تفاصيلي

ينشف همي في عروقي

وتغرق شمسى في شروقى

أدوب من نظره من عينك

فليه ياعين.. تعاتبيني

وتظهر روحك السَمحة

بهمسه ورعشه من إيدك

بترحم حالي وتذيدك

فيغريني السماح فيكي

ماياما كتير.. سامحتيني

تصحي ظنوني وف لمحه

أميل حبه علي خصرك

أدوق الشهد من وصلك

فتـُسكن فيا براكيني

يقوم يفضحني مكنوني

وثورة حٌزنى وجنونى

بتحكيلك وتشكينى

فـَتبكى الروح ف أحضانك

وارمي جروحي في جروحك

يحن حنيني لحنيني

ترد الروح لموطنها

وراسي تختفي في حضنك

وترسىَ حواسى في مكانها

منايا الموت بقي يجيني

ولا يجيني !!!!!

(طاهر الصوفانى)

************
يارب تكوني بقي سامحتيني بعد كل الكلام ده
ههههههههه
مااجمل التسامح
تحياتي لك

ماقدرش ازعل منك يا اجمل طاهر

هام فكري ....دأبت روحي...

فانصهرت ذاتي في الكلمة...كما ندوب قطع تلج تحت ضوء الشمس الدافئة

بس معلش ماعرفكش والله لو بكيت دم ههههههههه

ياخسارة التعليق اللي فات
ياخسارة الحدودات
ياشماتة الشايفين
مش كنت مريت من سكات
واااااااااااااااااااااااء

طيب ما تزعلش يا احلى اخ وصديق لقيته فى وقت الضيق

ياريت كل الناس زيك يا طاهر والله

بس برده معرفكش هههههه

» مش مسمحاك