رد (الماهية) للمستوظفين فقط للشاعر رأفت المصرى

مش المهم ف الماهية
الاهم ف أم العيال
هى دى أم القضية
ولية تريح البال
تلم إيديه لما هية
شاطرة تغزل برجل غزال
ياما بيوت مستكفية
ف غنى عن السؤال
وبيوت نسوانها خربية
تمرر عيشة الرجال
لحافى امدد رجليه
كل فولة ولها كيال
يبقى قبل الماهية
دور ع الولية ياخال

صدقت والله يا حمدى .

ان اردت التوفير فإبحث عن المرأه . وإن اردت التبذير

فإبحث ايضاّ عن المرأه .

هى الوحيده والتى بيدها ان تكفى زوجها شر السؤال .

وضحت فى سطورك القليله ما توضحه طوال القصائد .

مودتى وتحيتى ..

هو فعلا يا عم حمدى الرك ع الست
بس تعمل ايه الست فى سبع الرجال
لما يخش عليها
بالخيبه القويه فى ايده اليمين
و قلة الحيله فى ايده الشمال
لان حقه هاضمينه اللى ما يعرفوش حرام من حلال
تحياتى لك

تلاتين سنة. الحق مهضوم
عارفين إننا أحق مظلوم
حاسبين عمرناليوم معلوم
يانموت للقيامة تقوم
لحد امتى ساكت وكتوم
ياخسارة ياعيب الشوم
تبات غالب يغيب مهزوم
الحق جى كنور الضى
بلدنا والله ماليها زى
تنسرق تنضرب ماتقول أى
وسوزى وحوحو دورهم جى
وجيمى وعزمى وصفوت ياخى
وحقك ياعم رأفت عند الحى

مش معاك خالص انا

المهم فى الماهيه

مش فى أم العيال

عشان لو الماهيه ثابته

ح تقدر تغير أم العيال لو مش عجباك

أنما من غير ماهيه عدله مش ح طول ولا دا ولادا

دمت بماهيه عاليه

هههههههههههههههههههههههه

دمت بحب

» مــن ضَــى الــقــمــر
» قوليلى بجد ( رداً على الشاعر رضا محمود - محتاجة لحد )
» "هبطل شعر"
» مسخه
» و لانى بحبك بقلم اسلام المصرى