جواب بخطى

ليه لما الواحد
يلاقى اللى بيدور عليه

يتعب كتيييير
فى الحياه على ما يلاقيه

واما يلاقيه ويحس بيه
ميكونشى ليه

بيكون لواحد تانى عمره
ما دور عليه
،
شهور مرت علينا
وانا عاشق قربها

واما بتحكيلى عنها
بسكت واسمعلها

كل همومها التقيله
بشيل وراضى بحملها

وبسيبها فـ كل ليله
واقول يا رتنى صارحتها
،
وفـ ليله ، قررت
انى لازم ، أقوللها

انتى الوحيده ،
اللى فـ حياتى بحبها

وكات مفاجئه
لما قولت هروحلها

لقيتها سابقه
وجاتنى تفتح قلبها
،
حكتلى عاللى
عيونو هزت عرشها

وبنظره منه
تاهت ودمر ملكها

أميره غارقه
والأمير موصوف لها

وجت فقيره
للفقير يكتبلها

روشته وردى
جواب بخطى

وعيون بتبكى
عشان حبيبها يحبها

الاخ الشاعر الجميل

رضا عثمان

ياعم وماله . يابخت من وفق راسين فى حلال .

هههههههههههههههههههههه

والله الفكره رغم تطرقها من قبل . ولكن انت كتبتها بطريقه

جميله وبكلمات وضحت المعنى .

احييك على جمال النص وجودته .

مودتى وتحيتى ...