يا عم جاهين

يا عم جاهين
يا عم جاهين
أن اسف
هقول عجبى بإحساسى
ماليش دعوى بإحساسك
هقول عجبى فى زمنى الصعب
هقول عجبى بلون الشعب
لون فاقع ورفضى حزين
لون بمبة بلون السكس
لون عصبى ولون مهزوز
لون تايه فى كيس الرز
لون عايم فى بحر الخل
هقول عجبى بلون أسود
ومتحمى بدم قرود
هقول تايه يا لون ابيض
وبتدور على صبحك
هقول عجبى ليوم الدين
يا عم جاهين
انا اسف ده عصر حزين
ومتنيل على عينه
ما ينفع فيه حروف شعرك
ولا إحساسك العالى
ما ينفع فيه ولا شاعر ولا فنان
ولا حتى حكيم واعر
مفيش فارس ولا ابطال
ولا حتى اميرة حسن يا عمى
مفيش غير حفنة عيال كومبارس
وليل مجنون ودايب دوب جلاليبهم
مفيش يا عمنا ضحكة
هنا تكشيرة الارواح
بتقلب صبحنا عتمة
هنا أزمة ..هنا زحمة
هنا لحمة ومتباعة فى سوق الرخص
هنا نخاس يعيش ويموت فى ليل اللحس
هنا التوهة بمعناها
وكرشة فى صدر احلامنا
يا عم جاهين
هقول الطظ ملو الفم
طظ فى كل أشيائنا
العام والخاص وما بينهم
وطظ كبيييييير فى وش أسيادنا
طظ وطظ مليون طظ
شعار مكتوب فى دفترنا
وكلمتنا ورب البيت
كلام فارغ
ميزد وابعت لى ع المحمول
كلام معسول وعايم فوق سرير الهز
هز وهز يا سيد
هلالنا ما راضى يطلع لك
ولا راضى يبص علينا من أصله
يا نونو ارضع الرضعة
صدور الست دى واقعة
فاجعة .. مصيبة .. بالونة
مالانة حاجات وملعونة
حاجات بتعرفت الباشا
حاجات بتركب الباشا
حاجات بتستف الباشا
على الشطرنج يا عرابى
ديليسبس ده صاحب الرشة
ديليسبس ده راشش الرشة
رشة جريئة يا عمى
بيها ضاعت البصرة
وبصرة عليكى يا دنيا
فرنجة وأندلس تانى
فرنجة بتحلب البقرة
خلاص طلعت على الشجرة
وانا اللمبى اللى من بحرى
وانا اللمبى اللى من قبلى
خلاصة وواد على كيفك
هجص وبحارب الدبان
حرب ضروس وبغلبهم
لمبى مزيل قوى جدا
لعرق الفكر ابو ريحة
وتسريحة حبيبتى ده شغلها الشاغل
وانا هايم كقيس ليلى
معذبتى لولاك ما كنت هائما *** أبيت سخين العين حران باكيا
اقول ما أقول ما تتلفت عليا
لأنى مش عارف
وجاهل فى فنون الـــ ....
وتسييح الزيوت واجب
عشان الطبخة تتسبك
لحمة .. كفته مدقوقه
فى هون وطنى اللى مش فايق
فى حلة عبيطة لتاريخنا
حلة قعرها أسود ودخانها
مشبع بالبخار الزفت
بيملا الجو محرومة
يا بنتى من نفس صحى
وبنت اختى أنا قرعة
بتستنى ترخى عليها يا مطره
رخى عليها يا مطرة
يا عم جاهين متبكيش
كلامى مفتتح أول
لأول عجبى فى عجايبى
لأول علة من جسمى
وجسمى ده بإحساسى
مقطع بالملايين
وآه يا عمنا وآهين
حضن الأم بقى سقعة
وشوك وبلاد من العتمة
بقالنا سنين وبندور
على الدفء اللى فقدينه
بنصرخ فوق رصيف البرد
حفاة وعراة ومن غير وش
بنسأل يردنا أبو جهل
بلهجة عبيطة وبليدة
علامك با مطعون
وايش تطلب ورايح وين
هذى ضيعة مو تبعك
صير عنى ومانى خوى
يا عم جاهين
بلاش تدخين
no smoking

no shoting
no Writing
no sleeping
no reading
no plaing

فى ملعب أمنا الغولة

No & no

لاءات مكتوبة فى البانيو
بويسكى معتق الريحة
وترييحة على الشزلونج أبو عجلات
نجوم اتنين وخمسين هات
ورق كوتشينة بنت كلاب
ياله جهز اللعبة
فنط وزع الغربة
بلاش تلعب يا عم جاهين
والبس خرقة الصوفى
وعيش ويانا ما تفكر
غير فى الحب وأهل البيت
هوووووووو هو الله
مدد تعشق تكون فى حماه
وريث من أبوك ومن جدك
وكل الكل موروث
يا كل كلى وكل الكل ملتبس *** وكل كلك ملبوس بمعنائى
يا عم جاهين خلاص خلصت
آخرها جه ومتربع على
كل الوشوش باين
آخرها نزلت اليافطة
بمليون يد مكتوبة
ولكن واحد المعنى
قلق والديب بيعوى له
سكوت ده الخوف فى منديله
وعفريته عفاريت العلب طلعت
وحكمت حكمها الماسخ
نكون مسخة بأوساخنا
فى أوساخنا لأوسخنا
لحكامنا
عبيد نسبح فى أوحاله
عبيد نتعرى لاجل القرش
وناكل من عرق .....
خلاص يا عمنا طنش
طنش هى كلمتنا
طنش هى لهجتنا
طنش هى مبدئنا
بمعنى اترك الاحوال
وياله عد أنفاسك نفس نفس
وسيب الخلق للخالق
اقفل دفتر الأشعار
واحبس حبر اقلامك
حاسب من مطباتنا
وسيبنى ىاقول أنا عجبى
الف وادور فى كل الكون
أطبل فوق دفوف الجمر
والم فى خيط قديم دايب
أحاول فتله من تانى
وعجبى وعجبى وعجايب
على التعلب علينا يفوت
نخاف منه كرعب الموت
واحنا بإيدنا صنعينه
ونركع ليه فى خوف وسكوت
وعجبى