الأحلام بتحب هدوء

بس وإنت بتحلم

ميكونش باب الحلم وارب

إتغطي ونام خفيف

وإقفل وراك ..

أحسن يدخل حد مش عامل حسابه

جرح كان ولا بشر

أو إحساس ف قصيده ..

بطعم جوع الغلابه

ودمهم

الأحلام بتحب هدوء

وإنت مابتسدّق ..

حلم يجيلك من ورا الأيام

سرقه

وبعد طول إنتظار

الحلم موّال النهار , ودوّار المكن ,

والبنت اللي عسل شفايفها مقطوف م الجنه

وطن ..

فيه كل ماتشتهي لعنيك / فرح

وكل مازرعه الطغاه ..

ف النار

بس وإنت بتحلم

..

الشاعر الموهوب الحبيب

مراد ناجح

حتى الخوف على الحلم . لازم له الحرص .

ولولا الحلام ما اتحققت اعظم الامور .

وكل عمل عظيم كان فى الاصل حلم .

وحلمك هنا وخوفك عليه هو الجمال الذى بين ايدينا .

ونصك الجميل والذى به حرفية الشعر احييك عليه .

مودتى وتحيتى ...

الشاعر الرائع مراد ناجح
متفرد ومختلف
راقنى جداااااااااا
ما وجدته بين طيات ابداعك
فتقبل مرورى
ودمت بحب