مع الاعتذار للغابه

مع الاعتذار للغابه


قرد بيلعب وبيتنطط
وسط الغابه فوق بيت السبع
سايب الغابه بحالها خرابه
جي وفاكر سنده الضبع
وعده بأرض وأهلها فيها
فاكر ان الأرض دي ربع
قرد وأهبل غاوي تنطيط
وكمان غبى ولسانه سليط
نزل الأرض وداس عالورد
ودخل البيت من غير تخبيط
نسى بغباوته السبع وعيلته
وقال الضبع ده هايقوينى
راح للسبع وشد ودانه
وقاله دا بيتى قوام هوينى
كان السبع مخاصم اخوه
وابن الاخ بيسرق ابوه
وابن العم ياناس حوطوه
بالتعابين هلشان يلهوه
واتفرقت العيله بحالها
كله بيفرق ورث ابوه
خايف الاخوه فيوم يخونوه
قال لعياله البيت حوطوه
حوالين ارضنا حد ابنوه
ولما قالوله لعمنا نخرج
قال دا سلام كده هتهدوه
ثم انا مالى دا ورث ابوه
باع الخاين دم اخوه
باعه بحبر سطور كتبوه
وسقفه وصوت بيقول هنوه
اصل دا سلمى يخلف اخوه
وباقي العيله قوام تبعوه
فوجئ السبع بنفسه وحيد
والضبع باعت قرد عنيد
قاله هنقسم بينى وبينك
خلى القرد فليله عيد
لكن القرد دا كان طماع
جي وناوى علي الاطماع
قال والغابه شهود سماع
نيل وفرات كانو حقي وضاع
فاق السبع وقال دا وعيد
يلا يا أخوه دا عهد جديد
اما الوحده او التشريد
والقرد دا لينا هيبيد
لقي ندائاته فوسط الريح
والعيله مابين خاين وجريح
والكرامه بنولها ضريح
واللي ينادي بوحده دبيح
قال ياولادى دا لينا نصيب
ودم الشهدا لارضنا طيب
دافعو عن الارض بأرواحكم
وجراحنا فالجنه تطيب
خرجت اشباله بحجاره
والضبع ادى القرد حديد
قاله حجاره دواها طياره
تقطع رقبه تصفى وريد
يوم ورا يوم هتبيد اشباله
وتبقو الساده وهم عبيد
لعب الضبع بحلم القرد
وخلى الحقد فقلبه يزيد
راح القرد بكل غباوه
يضرب سبع النيل ويزيد
ويروي بلادنا بدم الشهدا
لكن النيل اشباله حديد
خطفو النصر فشهر العيد
راح الضبع يواسى القرد
ولحقده على السبع يزيد
وعلشان يثبت انه حبيب
شنق سبع الفرات فالعيد
وياريت باقي الأخوه اتعظو
انما حالهم زاد فحضيض
وقدر الضبع يفرق بينهم
اصبح شعب السبع مريض
عند منابع النيل افترقو
قالو شمال وجنوب ومابينهم
سلك وحد وسد عريض
وعند مصب النيل اتخانقو
وباتو طوائف بالتحريض
وا أسفاه على شعب السبع
بعد سياده هيبقى شريد
وطبع الغابه بقاء الأقوي
والوحده للقوه تزيد
اصل القوه فصلب الرابطه
وعمر صباع مايساوى الأيد
<محمد بديوى....اهداء مني لكل الأخوه العرب اسف محدش يزعل بس دا رأي>
اللهم وحد صفوفنا

اللهم وحد صفوفنا

وانا معك بدعى بنفس الدعاء

اللهم وحد صفوفنا


تسلم على الطرح ولك تحياتى

اساتذتي الكرام لكم مني كل الحب والتقدير واشكركم علي متابعتكم المشرفه لي واتمني من الله تدارك اخطائي لاصبح واحد منكم

[size=24]الأستاذ الشاعرمحمد بديوى
احيك على هذه القصيده الرائعه
التى لولا الأسهاب الذى اضر بالقصيده
لكانت افضل حال والذى جعلك تغير البحر كثيرا
والحكمه التى تعلمناها من اساتذه كبار واسأل اخويا
عادل سند واستاذنا الجندى ان الشاعر هو من يستطيع
ان يحذف من قصيدته فالأسهاب فيما لايفيد يضر ويجعل
أخطاءك فى القصيده كثيره وخير الكلام ماقل ودل وهذا هو الشعر
واهلا بالقصيده الطويله المتماسكه القويه حتى وان اسهب كاتبها
فى بعض المناطق هو يعرف كمادخل يخرج وهذا مايجيده الكثيرين
فى هذا المنتدى الرائع الزاخر بخيرة شعراء مصر ولن أقول اسماء
فأنسى احد هؤلاء الأفذاذ فأجور على احدهم او أحداهن ولكن اقول هيا
نقراء انا وانت كثيرا لهؤلاء/size] كى نتعلم
اخوك صلاح الكومى