ثورة الحرامية - طارق منيب

أما حاميها صحيح حراميها
قال حاخفيها مادام مش فيها

لكن شعبي قاله ده بعدك
أعند منك وحياة عندك
مصر بلدنا أكبر منك
ألعب غيرها يو كتك نيلة
أما حاميها صحيح حراميها
قال حاخفيها مادام مش فيها

جاي بيعمل ثورة مضادة
أصل كلابه حياتها العضمة
وقعت منهم حتجننهم
كل أمالهم نول أمانينا
أما حاميها صحيح حراميها
قال حاخفيها مادام مش فيها

قال أيه ولع نار فـ كنيسة
وصرخ يومها وقال دي دسيسة
عايز شعبه يضيع كفريسة
أصله خسيس من أم خسيسة
أما حاميها صحيح حراميها
قال حاخفيها مادام مش فيها

ولع أحرق يابن الكلب
مصر حتفضل جوه القلب
تولع نارك .. تحرق جارك
شعبي حبيبي حيطفيها
أما حاميها صحيح حراميها
قال حاخفيها مادام مش فيها

يوم ورا يوم بتزيد الشرطة
والبورصة أهي عدت مـن ورطة
والتعليم عدا من الخضة
مصر أمان وحتفضل لينا
أما حاميها صحيح حراميها
قال حاخفيها مادام مش فيها

إزاي بس حمانا فـ يوم
أما صحيح نستاهل اللوم
لما حثالة من رجس القوم
تحكم فينا بنار تكوينا
أما حاميها صحيح حراميها
قال حاخفيها مادام مش فيها

فعلاً أنتوا أحلى شباب
خلصتونا من أذناب
فعلاً خلوا حياتنا عذاب
بكرة حياتنا حتبقى جميلة
أما حاميها صحيح حراميها
قال حاخفيها مادام مش فيها
................................